Mr 4:12 - Chuj San Sebastian Bible

¹² sec matz nachj 'el yuj eb'. Wach'xam tzyil eb' junc tas, ton̈j tzcann̈j eb' 'ixta', 'icha to may tas tzyil eb'; an̈jtona', wach'xam tzyab' eb', palta matz nachj xon 'el jac yuj eb'. Yuj cha, matz jel xon eb' jac snab'en, matz 'ajx lajwc can pax smul eb', xchi.

Chuj San Mateo Bible

¹² yic man̈ ol nachajel yuj eb'. Vach'chom syil junoc tas eb', scanxin̈ej eb' ichn̈ej ta'. Ichato malaj tas syil eb'. An̈ejtona', vach'chom syab' eb', palta max nachajel jab'oc yuj eb'. Yuj chi', max sq'uex spensar eb', max ac'ji lajvoc smul eb' yuj Dios.

Mr 4:12 Iomraidhean Croise

Is 43:8

'Ijec cot eb' in chon̈b' 'a tic, 'ay cob' yol sat eb', palta matz uj yiln eb', 'ay cob' schicn eb', palta matz yab' eb'.

Is 44:18

A wal jun tzo'n̈ 'anma 'ixta tzb'o cha, caw may snab'en eb'. Matz nachj 'el jac yuj eb', 'icha to matz uj yiln eb'.

Jeremías 36:3

'Awtj yab' eb' 'aj Judá, toq'ue a yic 'oj yab'nc eb' yuj jun tzo'n̈ yailal to nab'il wa'n cot 'a yib'an̈, toq'ue yuj cha, ax yactn can eb' smaysch'olnilal, to 'ixta', 'oj wac' lajwc smul eb' 'a yib'an̈, xchi Dios 'ayin.

Jeremías 5:21

Ex chon̈b' to may jac e nab'en, a ticnec 'ab'c jun tzo'n̈ tic. 'Ay yol e sat, palta matz eyila, 'ay e chiquin, palta matz eyab'i.

Ez 12:2

Ach 'anma', ach tic cajn ach 'ec' 'a scal jun c'aj eb' 'anma caw wal pit. 'Ay cob' yol sat eb', palta 'icha to matz tac' yiln eb'; 'ay pax cob' schicn eb', palta 'icha to matz tac' yab'n eb', yujto caw wal pit eb'.

Mr 8:18

'Ay cob' yol e sat, palta matz eyila; 'ay cob' e chiquin, palta matz eyab'i. ¿Tom matz e na coti?

Lc 8:10

Yuj cha, xyaln 'a eb' 'ixtic: A 'ayx wan sch'oxn Dios jun tzo'n̈ tas mant 'a mach 'ojtnac, sec tznachj 'el eyu'uj chajtl tzex 'aj eyoch 'a yol sc'ab'. Palta ax 'a jun tzo'n̈ xo eb' 'anma', cojn jun tzo'n̈ 'ab'x ya snachj tzwal 'a eb'. Yuj cha, wach'xam tzyil eb' junc tas, ton̈j tzcan eb' 'ixta', 'icha to may tas tzyil eb'. An̈jtona', wach'xam tzyab' eb', palta matz nachj xon 'el jac yuj eb'.

A Tas Sc'ulejnac Eb' Schecab' Jesús Hechos 3:19

Yuj cha, nac e b'a. Jelc e b'eyb'al, 'a'c 'och e nab'en 'a Dios, sec wach' 'oj sucxoc sat e mul. Toto 'ixta', 'ay jun tiempoal 'oj jawoc, ax ya'n Dios tzaljc'ojlal 'ayn̈ an̈ israel on̈c tic.

Dt 29:4

Palta mantzac yac' Jehová eyojcoc 'eli, mantzac yac' pax nachjoc 'el eyu'uj tas wal tzyal 'el'ch jun tzo'n̈ tic.

2 Ti 2:25

An̈jtona', 'emmquil tzyutj eb' yaln 'a eb' tzchichn 'och 'a 'a. Toq'ue 'oj yac' Dios sna sb'a eb', ax yojcan 'el eb' jun cuynb'il caw yel.

A Ch'an̈ Carta D'a Eb' Hebreo 6:6

Yuj cha, toto tzquijec 'el qui nab'en 'a Cristo, ¿tast wal 'oj cutquec qui meltzj pax jun 'ejm xo, yic tzqui nan qui b'a? Yujto a yic tzqui'nec 'el qui nab'en 'a 'a, tzyal 'el'chi, caw an̈ wan ca'nec 'och Yunnal Dios 'a spenc culs jun 'ejm xo. Wan ca'nec sq'uixwloc 'a sat eb' 'anma'.