Mr 3:16 - Chuj San Sebastian Bible

¹⁶ Atn eb' lajchwan̈ tic: A Simón, tzcuch pax Pedro yu'uj,

Chuj San Mateo Bible

¹⁶ A eb' lajchavan̈ chi' aton eb' tic: Vin̈aj Simón, scuchan pax Pedro yuj Jesús,

Mr 3:16 Iomraidhean Croise

Mr 1:16

'Ix 'ec' Jesús 'a sti a mar yic Galilea, ax 'ix yilni, ata 'ayc' Simón, yet' jun yu'tac Andrés sb'i. Wan ya'n 'ejm eb' schim yic syamlab' chay 'a yol a', yujto yamm chay eb'.

Mr 3:15

'Ix ya'n 'och yopiso eb' ya'n b'oxc sc'ojl eb' ya'ay, yet' yi'n 'el eb' ewin demonio 'a eb' 'anma'.

Mr 3:17

yet' Jacobo, yet' jun yu'tac Juan sb'i, a chawn̈ eb' tic, yunnal Zebedeo eb'. 'Ix ya'n can pax sb'ic eb' Boanerges. A Boanerges tzyal 'el'chi, ow spaxtin eb' 'icha sc'an̈ c'u.

Lc 6:13

Ax 'a sq'uin̈b'ial, xyawtn cot eb' scuywum 'a 'a. 'Ix si'n 'elt lajchwan̈ 'a scal eb', xya'n 'och yopiso eb' schecb'oc.

Jn 1:42

Yajn̈j cha, 'ix yi'n 'at jun yu'tac chi 'a Jesús. 'Ix 'och q'ueln Jesús 'a Simón cha, 'ix yaln 'ixtc 'a 'a: —Ach tic Simón ach, yunnal ach Juan. Palta Cefas 'oj a b'ioc, xchi Jesús. (A Cefas, tzyal 'el'chi, Pedro, mto q'ue'en.)

A Tas Sc'ulejnac Eb' Schecab' Jesús Hechos 1:13

Xlajw sjaw eb' 'a chon̈b' cha, 'ix q'ue eb' 'a jun cuarto 'ay 'a cha'an̈. Ata 'ay sposada Pedro, Jacobo, Juan, Andrés, Felipe, Tomás, Bartolomé, Mateo, Jacobo yunnal Alfeo, yet' Simón, jun spartido eb' cananista 'a yic yalan̈, yet' pax Judas yu'tac Jacobo.

1 Co 1:12

Tzyal 'el'chi, chucchc wan eyaln junjn ex. Yujto 'ayx wan eyaln 'ixtic: Yic in Pablo, xe chi. 'Ayx pax tzeyala: An tic, yic in Apolos, xe chi. 'Ayx pax tzeyala: Yic in Pedro, xe chi. An̈jtona', 'ayx pax tzeyala: Yic in Cristo, xe chi.

1 Co 3:22

Yuj cha, an Pablo in tic, yet' Apolos, yet' pax Pedro, eya'mal servil caj on̈, 'icha to eyic caj on̈. An̈jtona pax yolyib'n̈q'uinl tic, yet' qui q'uinlec, chamel, jun tzo'n̈ tas 'ayc' ticnec, yet' jun tzo'n̈ xo tas tot 'oj jawoc, 'ix yac' Dios quico'oquec smasnil.

1 Co 9:5

Q'uinloc 'ay junc canb'ec tz'och wistloc, 'ay waln wic wi'n 'at 'a 'aj tzin 'eq'ui. Yujto 'ixta tzyutj sb'a jun tzo'n̈ xo eb' schecb' Cajlilec, yet' eb' yu'tac Cajlilec cha, yet' pax Pedro.

A Schab'il Carta San Pedro 1:1

An tic Simón Pedro in, ya'mal in servil Jesucristo. Schecb' in paxi. Tic tzin tz'ib'j 'at jun in carta tic 'ayx tzeya'ch e c'ojl 'a Dios quet' on̈. Caw niwn swach'l eyic quet' on̈, yujto 'aych qui c'ojlec 'a 'a. 'Ixta tzon̈ 'ajec, yujto a qui Diosalec, atn qui Colmal Jesucristo, caw tojl snab'en.