Mr 3:11 - Chuj San Sebastian Bible

¹¹ Ax jun tzo'n̈ eb' demonio, yic xyiln ewin Jesús, x'em cumn ewin 'a yojltac, x'awj chan̈ ewin 'ixtic: —Ach tic Yunnal ach Dios, xchi ewinac.

Chuj San Mateo Bible

¹¹ Axo juntzan̈ eb' enemigo, ayic syilan Jesús eb', tz'em cuman eb' d'a yichan̈, tz'avajq'ue eb': —A ach tic, Yuninal ach Dios, xchi eb'.

Mr 3:11 Iomraidhean Croise

Mt 14:33

A eb' 'ayc' 'a yojl te', 'ix 'em cumn eb' 'a yojltac Jesús, 'ix yaln eb' 'ixtc 'a 'a: —Wal yel, ach tic Yunnal ach Dios, xchi eb' 'a 'a.

Mt 4:3

'Ix c'och win 'a'm prowal chi 'a 'a, 'ix yaln win 'ixtc 'a 'a: —'In yunnal ach Dios, yuj cha, al 'a jun tzo'n̈ q'uen tic, 'och cab' panil, xchi win 'a 'a.

Mt 4:6

'Ix yaln win 'ixtc 'a 'a: —'In yunnal ach Dios, yuj cha, jul 'ejm a b'a 'a sat lum cha, yujto tzyal 'ixtc 'a Ch'an̈ Un̈ tz'ib'b'il cani: 'Oj ya' cot Cajlil eb' yángel ach stan̈woc. 'Oj ach squetz chan̈ eb', sec man̈ comnoc tza tench oc 'a q'uen q'ue'en, xchi 'a Ch'an̈, xchi win diablo cha.

Mt 8:29

'Ix q'ue yaw eb' yaln 'ixtc 'a Jesús: —Jesús, ach Yunnal Dios, ¿tas aln ec 'ayn̈ on̈? ¿Tom tzach jaw on̈ wul extc mu'c on̈, yic mantzac jaw stiempoal? xchi eb' 'a 'a.

Mt 8:31

Yuj cha, xtew 'och ewin demonio chi 'a Jesús, 'ix yaln ewin 'ixtic: —Toto tzon̈ a pechcn 'eli, a 'a jun tzo'n̈ no chitm chi tzon̈ a chaj can pax 'och on̈, xchi ewin 'a 'a.

Mr 1:1

'Ixtc x'aj yelcn yich wach' 'ab'x yic Jesucristo, atn Yunnal Dios.

Lc 4:41

Til wal eb' 'aj 'ix yij 'el ewin demonio, xlaj yalnc chan̈ ewin demonio chi 'ixtic: —Ach tic, Yunnal ach Dios, xchi ewin 'a 'a. Palta 'ix stenn 'och wan Jesús ewinac, ma'ix schaj paxtinc ewinac, yujto yojc xon ewinac to a Cristo.

Lc 8:28

Yic xyiln win Jesús, 'ix 'em cumn win 'a yojltac. Ax Jesús xaln 'a win demonio cha to tz'el 'a winac. Yuj cha, caw xq'ue yaw win yaln 'ixtc 'a 'a: —¡Ach Jesús, Yunnal ach Dios yel xo niwn yel'chi! ¿tas aln ec 'ayin? ¡Tzin tew 'ayach, man̈ in extoc! xchi win 'a 'a. Til wal 'ejm tzyamchj win 'anma chi yuj win demonio cha, yuj cha, tzcob' jalx can 'ejm win yet' q'uen cadena yuj eb' 'anma', tz'och 'a yoc yet' 'a sc'ab'. 'Ixta tzyutj eb' sec matz mil sb'a winac. Palta ton̈j n̈i'chj 'at jun tzo'n̈ cadena chi yuj winac, yuj win demonio cha tzoyb'x 'at win 'a cusltac lu'um.

A Tas Sc'ulejnac Eb' Schecab' Jesús Hechos 16:17

'Ix 'och tza'n 'ix cuj on̈ yet' Pablo. 'Ix 'awj chan̈ 'ix, xyaln 'ixtic: —A ewin tic, schecb' Dios ewinac, atn jun Dios yel xo niwn yel'chi. To tzlaj yal eb' 'ayex, chajtl tzex 'aj e colchji, xchi 'ix.

1 Co 11:34

Toto 'ayx caw 'ay e wejel, yowlal tzex wacn 'a eyatut. Toto 'ixta', wach' 'oj eyutc e b'eyb'al, yic tzeyamn e b'a ta'. Ax Dios, ma'oj ya' cot yailal 'a eyib'an̈. Ax jun tzo'n̈ xo tas tzat yac' palta 'ayex, 'ojt in b'oyaji, yic 'oj in c'och 'ayx ta'.

Santiago 2:19

'Ay eb' tz'a'n 'och 'a sc'ojol, to junn̈j Dios. Wach' ton cob' tzna eb'. Palta an̈jtona', 'ixta pax ewin demonio, tzya'ch cob' ewin 'a sc'ojol, palta caw tz'ib'x ewin yuj xiwlal.