Mr 2:13 - Chuj San Sebastian Bible

¹³ Xlajw cha, 'ix c'ochx Jesús 'a sti a mar yic Galilea jun 'ejm xo, c'uxn xlaj c'och eb' 'anma 'a 'a, 'ix cuywj 'a eb'.

Chuj San Mateo Bible

¹³ Ix lajvi chi', ix c'ochxi Jesús d'a sti' a' n̈ajab' junelxo. Ix laj c'och masanil eb' anima d'ay, ix sc'ayb'an eb'.

Mr 2:13 Iomraidhean Croise

Mt 13:1

A 'a jun c'u cha, 'ix 'elt Jesús 'a yol n̈a, 'ix 'at 'em wocn 'a sti a mar.

Mt 9:9

Ax Jesús, 'ix 'atxi. Yic wan sb'eyi, 'ix yiln jun Mateo sb'i. Wocn 'ejm 'a yet'l 'aj tztecl tumn 'a eb' 'anma'. —'Ochn̈ in cuywumoc, xchi Jesús 'a 'a. Yajn̈j cha, xq'ue wa'an, 'ix 'och scuywumoc.

Mr 1:45

Palta ax yic 'ix 'at winac, 'ix syamn 'och win yaln 'eli, chajtl 'ix 'aj sb'oxi, c'uxn 'ix spucl yab'xil. Yuj cha, man̈xtzac stac' yoch Jesús 'a yol junc chon̈ab', yujto til wal mach tznib'j tzjaw 'a 'a; 'ix b'ey 'a 'aj may wal 'anma', palta xlaj cot eb' 'a junjn lugar, xjaw eb' 'a 'a.

Mr 10:1

'Ix 'atx Jesús 'a Capernaum 'a 'aj 'ayc' cha, 'ix 'ec' 'a yol yic Judea, 'ix c'och 'a junx lugar 'ay 'a sc'axpil a Jordán. Ata 'ix syam sb'a eb' 'anma jun 'ejm xo, 'ix cuywj 'a eb' 'icha xon sley.

Mr 2:2

yuj cha, til wal 'anma 'ix syam sb'a mu'c 'a jun n̈a cha. Man̈x 'a 'aj tz'aj eb', ax Jesús 'ix yaln spaxti Dios 'a scal eb'.

Mr 4:1

'Ix syamn 'och Jesús scuywj 'a eb' 'anma 'a sti a mar jun 'ejm xo. Til wal 'anma 'ix syam sb'a ta'. Yuj cha, 'ix 'och 'a yol jun barco 'ayc' 'a sti a', 'ix 'em wocan. Ax eb' 'anma cha, xcan eb' smasnil 'a sti a cha.

Lc 19:48

Palta ma'ix nachj yuj ewinac, tas tzyutj eb', yujto 'aych sc'ojl smasnil 'anma yab'xni 'a 'a.

Lc 21:38

Ax 'a junjn c'u cha, xc'och eb' 'anma chi smasnil 'a yamq'uil yatut Dios yic tz'ab'xni eb' 'a 'a.