Mr 13:9 - Chuj San Sebastian Bible

⁹ Palta ax tic, caw lista tzeyutj e b'a, yujto 'oj eyajx 'och 'a yol sc'ab' eb' yajal. 'Oj e ma'x 'a yol capiya. 'Oj ex yi't eb' 'a yojltac ewin yajal, yet' 'a yojltac ewin rey, yujto 'aych e nab'en 'ayin. 'Ixta 'oj eyaji, sec 'oj stac' eyaln 'el wab'xil 'a ewinac.

Chuj San Mateo Bible

⁹ Palta a ex tic, te lista tzeyutej e b'a, yujto ol ex ac'jococh d'a yol sc'ab' eb' vin̈ yajal. Ol laj ex smac' eb' d'a yoltac spatil culto. Ol laj ex yic'anb'at eb' d'a yichan̈ eb' vin̈ yajal yed' d'a yichan̈ eb' vin̈ rey, yujto ayoch e pensar d'ayin. Icha chi' ol ex ajoc, yic ol yal eyalanel vab'ixal d'a eb'.

Mr 13:9 Iomraidhean Croise

Mt 5:22

Palta an tzwal 'ayex, tzann̈j mach tzchichn 'och 'a junc yit 'anma'il, yowlal 'oj b'eyc'ojlaxoc. Tzann̈j mach tzb'uchwj 'a junc yit 'anma'il, 'oj b'eyc'ojlaxc yuj eb' sat yajal. Tzann̈j mach tzb'aj junc yit 'anma'il, 'ay smay tz'at 'a infierno 'a scal c'ac'.

Mr 1:44

—'Ab'i, 'ayt 'aj xal-l jun tic, 'ixic, 'at ch'ox a b'a 'a win ya'mal 'och qui ti 'a Dios, 'at 'ac' junc a ofrenda 'a Dios, 'icha yaj yaln can Moisés, sec man̈x 'a a paltail 'a sat ley. 'Ixta 'oj 'aj scheclj 'eli, chajtlto ach b'ox cani, xchi 'a winac:

Mr 13:5

Yuj cha, xyaln 'a eb' 'ixtic: Caw lista tzeyutj e b'a, sec may junc mach 'oj eyixtn paxti'.

Mr 13:8

Yujto 'ay jun tzo'n̈ niwc chon̈b' 'oj yac' owl yet' yit niwc chon̈b'al, ax ya'n owl sb'a eb' yajl yet' eb' yit yajlil. Til wal 'aj 'oj 'ec' quixcab'. 'Oj jawc niwc wejl 'a yib'n̈ eb' 'anma'. A jun tzo'n̈ yailal cha, ton̈j tzb'ab'lj cani, 'ayt wal jun tzo'n̈ xo yel xo tu 'oj jawoc.

Mr 6:11

Toto 'ay 'aj matz ex schaj eb' 'anma cha, toto matz nib'j eb' tzyab'i, tzex 'el 'a jun lugar cha. Tze ma'cn 'el spoccal eyoc, yic tze ch'oxn 'eli, to man̈x 'a eyaln eyic 'a eb'. [Wal yel tzwal 'ayex, a yic 'oj jawc jun c'ul yic sb'eyc'ojlal Dios, yel xo wal niwn yailal 'oj 'ajxc 'a eb' matz ex chan chi 'a yib'n̈ eb' 'aj Sodoma yet' eb' 'aj Gomorra,] xchi Jesús 'a eb'.

Lc 9:5

Toto 'ay eb' matz ex chani, tzex 'elx 'a jun schon̈b' eb' cha. Tze ma'cn 'el spoccal eyoc, tzex 'atxi, yic tze tzch'oxn 'eli, to man̈x 'a eyaln eyic 'a eb', xchi Jesús 'a eb'.

Jn 15:20

Caw tze na cot jun paxti 'ix wal 'ayx tic: May junc moso 'ec'b'al yel'ch 'a yib'n̈ spatron̈, xin chi 'ayex. 'Icha tzya'ch eb' yailal 'a wib'an̈, 'ixta 'oj yutc eb' ya'n 'och 'a eyib'n̈ jun xo. Toto 'ix syiclj eb' in paxti an tic, 'oj syiclc pax eb' eyic jun xo.

Jn 16:2

Yujto 'oj ex spech 'elt eb' quit israelal 'a yol scapiya. 'Ay wal jun tiempoal 'oj jawoc, yaln̈ej mach 'oj e milni, ax snan eb', to a Dios wan ya'n servil eb'.

A Tas Sc'ulejnac Eb' Schecab' Jesús Hechos 21:11

Xit' win on̈ sc'umc on̈. Yic wan qui c'umn qui b'a yet' win on̈, 'ix yi'n 'el win sjal-l snan̈l Pablo. 'Ix sjaln teln sb'a win yet'oc. Xlajw cha, xyaln win 'ixtic: —A Yespíritu Dios tzaln 'ixtic: A eb' israel 'a Jerusalén, 'ixtc 'oj yutc eb' sjaln pax jun 'ay yic jun jal-l tic. 'Oj lajwc cha, ax ya'n 'och eb' 'a yol sc'ab' eb' man̈ israeloc. 'Ixta tzyal Yespíritu Dios, xchi winac.

A Tas Sc'ulejnac Eb' Schecab' Jesús Hechos 7:54

Ax yic 'ix yab'n ewin jun tzo'n̈ tic, caw xcot yowl eb' 'a Esteban cha. Xcaw xjuch'ch'i ye eb' scot yowal.

A Tas Sc'ulejnac Eb' Schecab' Jesús Hechos 9:16

An 'oj in ch'ox 'a 'a, to yowlal 'oj yab' syal wu'uj, xchi Cajlil.

A Scarta San Pablo D'a Eb' Aj Filipos 1:29

Yuj swach'c'ojlal Cristo sch'ox 'ayn̈ec, man̈ cojnoc on̈ec 'ay caln quic ca'nec 'och qui c'ojl 'a 'a, palta 'ay calnec pax quic cab'n syal yu'uj.

2 Ts 1:5

'Ixta tz'aj scheclj 'eli, to caw tojl tzyutj Dios on̈ sb'eyc'ojlanec. Yujto tzyal eyu'uj, to smoj 'oj e c'och 'a yol sc'ab'. Yujn̈ej Dios, wan eyab'n syal ta'.

2 Jn 1:8

Ax xo, tzeyil wal e b'a 'a eb', sec ma'oj satl qui munljel 'a e cal ta 'on̈. Toto 'ixta 'oj eyutc e b'a, tz'acn 'oj e cha spac tas 'oj yac' Dios 'ayex.

Apoc 1:9

An Juan in tic, wu'tac in b'a eyet'oc. Quitb'eymec qui b'a cab'n syail. An̈jtona', quitb'eymec qui b'a 'a yol sc'ab' Dios. Junxn̈ej tzcutjec qui chan qui te'nal tzyac' Jesucristo 'ayn̈ec. A 'a jun 'el, preso waj 'a jun lugar Patmos sb'i 'ay 'a snan̈l a mar, yuj waln 'el yab'xil Dios, yuj wa'n testigoal in b'a yuj Jesucristo.

Apoc 2:10

Man̈ ex xiw yuj jun tzo'n̈ yailal 'oj jawc 'a eyib'an̈. 'Ayx 'oj eyajx 'och 'a preso yuj win diablo. 'Ixta 'oj ex yutc win ex ya'n prowal. Lajn̈e c'u 'oj eyab' syail. Palta yiclumn̈ej tzeyutj e b'a, masnto 'oj e chami. Toto 'ixta 'oj eyutc e b'a, 'oj wac' spac 'ayex, atn e q'uinl 'a jun 'ejmn̈ej.

Apoc 2:13

[Wojtac, jantcn̈ej tas tze b'o'o.] Wojtac, to 'ayx 'ec' 'a jun chon̈b' 'aj tzyac' Satanás yajlil, palta an̈ja yiclum ex 'ayin. A Antipas, caw yel ya'jnac testigoal sb'a wu'uj. 'Ix milx cham 'a e cal, 'a 'aj 'ayc' Satanás cha, palta an̈ja ma'ix eyactj can eya'n 'och e c'ojl 'ayin.