Mr 13:7 - Chuj San Sebastian Bible

⁷ 'Oj eyab' yoch jun tzo'n̈ niwc owal. Ax eyab'n speclal jun tzo'n̈ xo 'ijn 'oj 'ochoc. Man̈ ex xiwoc, yujto yowlal 'ixta 'oj 'ajoc. Palta mantoc slajb' cha.

Chuj San Mateo Bible

⁷ Ol eyab' yoch juntzan̈ nivac oval. Ol eyab'anpax specal juntzan̈xo oval ijan ol ochoc. Palta man̈ ex xivoc, yujto yovalil icha chi' ol ujoc. Palta manto slajvub'oclaj yolyib'an̈q'uinal tic.

Mr 13:7 Iomraidhean Croise

A Ch'an̈ Schab'l Libro Samuel 14:14

Yujto an̈ 'anman̈ tic, toxn 'oj qui chami. Lajn on̈ 'icha a a tztob' 'a sat lu'um, man̈xtzac stac' smolb'tzaxi. Ax pax Dios jun, may mach tzyij 'ec' sq'uinal, a yico', to tzsay tas tz'aj smeltzj junc mach to 'aycn 'at 'elc 'a 'a.

Salmos 112:7

Matz xiw eb' 'a junc 'ab'x to 'ay smay, yujto te'nn̈ej yaj snab'en eb' 'a Jehová, a tzya'ch eb' yipc sc'ojol.

Salmos 27:3

Wach'xam 'ay nan̈loc eb' soldado tz'och oyn 'ayin, mto tzcot eb' yac' owl wet'oc, palta matz in xiw xon jab'oc.

Pr 3:25

Ma'oj a xiwi, toq'ue tza na'a to 'ay junc tas 'ay smay 'oj jawc 'a eb'n̈ 'icha tz'aj sjaw 'a yib'n̈ eb' maysch'olnil sb'eyb'al.

Is 8:12

Man̈ a mol alc yet' eb', yic tzc'ann eb' scolwal junc xo mach. Man̈ a xib'tc a b'a yuj tas 'aj tzxiw eb'.

Jeremías 51:46

Man̈ ex 'och 'il, man̈ ex xiw yuj jun tzo'n̈ 'ab'x tzalx 'a yol chon̈b' cha. 'A junjn ab'il, chucchc tas tzb'inaxi, cojxn tas 'et'jnac yailal tzb'inaxi, 'ayxn̈ej 'och eb' yajl 'a owal.

Mt 18:7

'Oltac wal eb' 'anma yuj jun tzo'n̈ tas tz'a'n juwc 'el snab'en. Smasnil tiempo 'ay jun tzo'n̈ cha, palta a wal eb' tzc'anlb'ani, tzya'n eb' juwc 'el snab'en yit 'anma'il, caw wal 'oltac eb'.

Mt 2:3

Ax yic 'ix yab'n win rey Herodes speclal jun cha, caw 'ix somchj chan̈ snab'en win yet' smasnil eb' 'aj Jerusalén.

Mr 13:6

Yujto til wal mach 'oj jawoc, ax yesn 'el eb' in b'i. An ton tic Cristo in, 'oj schic cob' eb'. Til wal 'anma 'oj yixtc paxti eb'.

Mr 13:8

Yujto 'ay jun tzo'n̈ niwc chon̈b' 'oj yac' owl yet' yit niwc chon̈b'al, ax ya'n owl sb'a eb' yajl yet' eb' yit yajlil. Til wal 'aj 'oj 'ec' quixcab'. 'Oj jawc niwc wejl 'a yib'n̈ eb' 'anma'. A jun tzo'n̈ yailal cha, ton̈j tzb'ab'lj cani, 'ayt wal jun tzo'n̈ xo yel xo tu 'oj jawoc.

Jn 14:1

'Ix yaln Jesús 'a eb' scuywum 'ixtic: —Man̈ eyac' somchjc 'el e nab'en. 'A'c 'och e c'ojl 'a Dios, tzeya'n pax 'och e c'ojl 'ayin.

Jn 14:27

A ticnec, tzwa'cn junc'ojlal 'a e pixan. Atn wal in junc'ojlal tic tzwa'cn 'ayex. Man̈ 'icha'oc jac junc'ojlal tz'ilchj 'a yolyib'n̈q'uinl tic, man̈ 'ixta'oc wic tic tzwa'cn 'ayex. Man̈ eyac' somchjoc 'el e nab'en, man̈ ex xiwoc.

A Tas Sc'ulejnac Eb' Schecab' Jesús Hechos 17:3

'Ix yaln 'a eb', tas tz'ib'b'il can 'a Ch'an̈ U'un̈, chajtlto a Cristo, yowlal tzyab' syail, tzmilx chamoc. Yowlal tzpitzw pax 'a scal eb' chamnac. 'Ix yaln pax 'a eb' 'ixtic: —A Jesús wan waln yab'xil 'ayex, atn Cristo, xchi Pablo 'a eb'.