Mr 13:6 - Chuj San Sebastian Bible

⁶ Yujto til wal mach 'oj jawoc, ax yesn 'el eb' in b'i. An ton tic Cristo in, 'oj schic cob' eb'. Til wal 'anma 'oj yixtc paxti eb'.

Chuj San Mateo Bible

⁶ Yujto tzijtum eb' ol javoc, ol yesanel in b'i eb'. Axo ol yalan eb' icha tic: A in ton tic Cristo in, xcham eb'. Tzijtum anima ol yac' musansatil eb'.

Mr 13:6 Iomraidhean Croise

Jeremías 14:14

'Ix ta'w Jehová 'ayn 'ixtic: Toto 'ixta tzyutj eb' checb' chi yaln 'el 'a in b'i, wan ya'n eb' 'es tzyal cha. An tic, man̈oc in tzwac' yal eb'. May junc checnb'il 'ix wac' 'a eb', may in tzin paxtin 'a eb'. A jun tzo'n̈ 'icha waychil xyutj yiln eb' chi yala', caw man̈ yeloc, yuj cha, may jac yel'chi. Mun yol yic jun tzo'n̈ checb' cha, tzpitzn chan̈ eb' yal jun tzo'n̈ cha.

Mt 24:11

Til wal mach 'oj pitzwc cha'an̈, ax cob' yalnc 'och sb'a eb' schecb'oc Dios, til wal mach 'oj yixtc paxti eb'.

Mt 24:5

Yujto til wal mach 'oj' 'esnc 'el in b'i, ax yaln eb' 'ixtic: An ton tic Cristo in, 'oj schic cob' eb'. Til wal 'anma 'oj yixtc paxti eb'.

Mr 13:22

Yujto 'ay eb' 'oj pitzwc cha'an̈, ax cob' yaln 'och sb'a eb' Cristoal. 'Ay pax eb' 'oj cob' yalch sb'a schecb'oc Dios, 'oj cob' sch'ox eb' jun tzo'n̈ senya, yet' jun tzo'n̈ milagro, sec tzsomchj 'el eb' 'anma yuj eb'. 'Oj ya'lc eb' ya'n somchjoc pax 'el eb' sic'b'il 'el yuj Dios, toto 'oj stac' yuj eb'.

Mr 13:5

Yuj cha, xyaln 'a eb' 'ixtic: Caw lista tzeyutj e b'a, sec may junc mach 'oj eyixtn paxti'.

Mr 13:7

'Oj eyab' yoch jun tzo'n̈ niwc owal. Ax eyab'n speclal jun tzo'n̈ xo 'ijn 'oj 'ochoc. Man̈ ex xiwoc, yujto yowlal 'ixta 'oj 'ajoc. Palta mantoc slajb' cha.

Jn 5:43

An tic, checb'iln cot yuj in Mam, palta 'in matz eya'ch e c'ojl 'ayin. Toto 'ay junc xo mach mun 'oj jawc 'a yol yico', atn 'a jun chi 'oj eya'ch e c'ojol.

Jn 8:24

Yuj cha, xwaln 'ayex to a 'a scal e mul 'oj e chami. Toto matz eya'ch 'a e c'ojol, to an ton 'icha xwala, toto 'ixta', a 'a scal e mul chi 'oj e chami, xchi.

Jn 8:28

Yuj cha, 'ix yaln pax 'a ewin 'ixtic: —At yic 'oj in e t'un̈nc q'ue'i, ax snachj 'el eyu'uj, to an 'Ochnc in 'Anma'il. Atta 'oj eyojcoc 'eli to may tas mun tzin b'o in ch'ocoj. An̈j jun tzo'n̈ cuynb'il yaljnac in Mam 'ayin, an̈j tzwala.

1 Jn 4:1

Ex chamc'ojlb'il wu'uj, toto 'ay eb' tzalni to yic Dios jun tzo'n̈ tas tz'ec' yal eb', man̈ e comn chac eyab' mu'c 'a eb'. Yowlal tze b'ab'l 'a'j prowal eb', toto yel a Dios 'aych yet' eb'. Yujto til wal eb' 'a'm 'es 'ay 'a yolyib'n̈q'uinl tic. Tzcob' yalch sb'a eb' schecb'oc Dios.