Mr 12:2 - Chuj San Sebastian Bible

² Ax yic xjaw stiempoal sch'inx 'el te', 'ix schecn 'at win jun schecb' 'a ewin munljum cha, yic tz'at cob' schanc yu'm lum lum 'aj tz'el te 'awb'ente cha.

Chuj San Mateo Bible

² Axo ix javi stiempoal smolchajel sat te', ix schecanb'at jun schecab' vin̈ d'a eb' vin̈ majnum luum chi', yic b'at schaan smajananub'al lum b'aj tz'el te' uva chi' yalani.

Mr 12:2 Iomraidhean Croise

A Ch'an̈ Schab'il Libro Yic Yab'ixal Eb' Rey 17:13

Xlajw cha, schecn 'at Jehová eb' schecb' 'at yal 'ixtc 'a chon̈b' Israel yet' 'a Judá: 'Actjec can e tu b'eyb'al, tzeyiclni in checnb'il, in ley yet' smasnil in cuynb'il 'ix wac' yal eb' in checb' 'a eb' e mam eyicham, xchi.

2 Cr 36:15

A Jehová sDiosal eb' yet' smam yicham, a x'a'n tennb'ilal 'a eb' yuj eb' schecab', yujto caw tz'o'ch sc'ojl 'a schon̈ab', yet' 'a scajnub'.

Esdras 9:11

atn tas 'ix 'ac' yal eb' a checab', eb' tzach 'a'n servil. Ach tic 'ix al 'ayn̈ on̈ to jun 'eln̈ej maysch'olnil sb'eyb'al jun tzo'n̈ 'anma cajn 'a sat lum lum tzac' quico'oc on̈, b'ut'jnac 'el smasnil snacion̈ eb' yuj stu b'eyb'al.

Salmos 1:3

Smasnil tas tzb'o eb', caw wach' tz'aj 'el'chi. A eb' cha, lajn wal eb' 'icha junc te te 'ayc' 'a sti junc a a', tzyac' sat 'a stiempoal, may pax b'a'n̈ tzpucl xi'il.

Jeremías 35:15

Til wal eb' in checb' in checjnac cot 'ayex, yic tzyaln eb' 'ayex, to tzeyactj can e tu nab'enal, yet' e maysch'olnilal. Matz ex 'och tza'n yuj jun tzo'n̈ xo comn dios, matz eyal e b'a 'a 'a, yic wach' tzex 'aj cajnn̈ej 'a lum lum 'ix wac' 'ayex, yet' 'a eb' e mam eyicham. Palta ax xo tic, jun 'ejmn̈ej ma'ix e chaj eyab'i', ma'ix eyiclj tas xwala.

Jeremías 44:4

Til wal 'ejm 'ix wa't eb' in checab', yic tzyaln eb' to matz e b'eylb'ej jun tzo'n̈ cha, yel tzwala, to caw matz chaj in c'ojol.

Miqueas 7:1

Yuj cha, xwaln 'ixtic: ¡'Oltacn wali! lajn in xoj 'icha eb' tz'ec' sayj sat uva yet' sat higo 'a yic man̈x stiempoaloc. Palta man̈x 'a sat te xcani, man̈x 'a te sb'ab'l sat caw nib'b'il sloxi.

Zacarías 7:7

A tas tzwal 'ayx ticnec, atn jun tzo'n̈ in checnb'il wa'jnac yal-l eb' in checb' 'a yic pecti', yic 'ayc' Jerusalén 'a junc'ojlal, yic niwn 'anma 'ayc' 'a 'a, niwn pax chon̈b' oyn 'och 'a 'a, yet' 'a yol smacb'en Neguev, yet' pax 'a lum niwc pan̈an, 'ayn̈j 'anma cajn ta', xchi Dios, xa chi 'a eb', xchi 'ayin.

Mt 21:34

Ax yic xjaw stiempoal sch'inx 'el te uva cha, 'ix checn 'at win jun tzo'n̈ eb' schecb' 'a ewin munljum cha. X'at cob' sc'annc eb' yu'm lum yet' te 'awb'ente cha.

Mr 12:1

Ax Jesús, 'ix syamn 'och yaln jun 'ab'x tic 'ixtic: 'Ay jun winac, 'ix 'awn jun tzo'n̈ uva 'a slu'um. Smacn scol-lal, sb'on jun 'aj tzte'x 'el yalil te'. 'Ix sb'on pax q'ue jun yet'l eb' tztan̈wni te', chan̈ x'aji. Xlajw cha, xya'n can win slum chi majnil yet' te uva chi 'a jun tzo'n̈ eb' munljum winac. 'Ix 'atcn win 'a junx lugar 'a najat.

Mr 12:3

Ax xc'ochi, 'ix syamn cot ewinac, sma'n ewinac. Xlajwn̈ej cha, xchecn pax ewinac, may jac tas xyi'aj.

Lc 12:48

Palta q'uinloc 'ay junc xo moso man̈ 'ojtnacoc, tzb'on pax jun tzo'n̈ tas smoj tz'ajx 'och syailal yu'uj. A jun cha, janc'n̈ej yailal 'oj 'ajxc 'och 'a yib'an̈. A eb' niwn tas 'ac'b'il 'a 'a, niwn tas 'oj c'anb'xoc 'a eb'. Yet' eb' niwn tas 'ac'b'il 'ab'enal 'a 'a, yowlal niwn pax tas 'oj c'anb'xoc 'a eb'.

Lc 20:10

Ax yic xjaw stiempoal sch'inx 'el te uva cha, 'ix checn 'at win 'aj lum chi jun schecab'. X'at cob' sc'annc yu'm lum yet' te 'awb'ente cha. Palta ton̈j xit' scha ma'xoc sb'a, xpechx paxi, toxn may xon jac yu'm lum lum chi xyi'aj.

A Ch'an̈ Carta D'a Eb' Hebreo 1:1

A 'a pecti', til wal yoclemal tas yutjnac Dios yaln 'a eb' qui mam quichmec. Til wal 'ejm sc'anlb'ejnac eb' schecab'.