Mr 1:7 - Chuj San Sebastian Bible

⁷ 'Ix yaln 'el 'a scal eb' 'anma 'ixtic: 'Ay wal jun tza'n sjaw wu'uj, yel xo wal niwn yel'ch 'a wib'an̈. Yuj cha, man̈ in mojc wa'n servil, wach'xam ton̈j tzin 'em n̈ojn in jiyl jac sc'ab' xan̈ab'.

Chuj San Mateo Bible

⁷ Ix yalanel vin̈ d'a scal eb' anima: —Ay junxo mach tzac'an sja vuuj, ec'alto yopisio d'a vichan̈. Man̈ in mojoc vac'an servil, vach'chom ton̈ej tzin em n̈ojan in tijanel sch'an̈al xan̈ab'.

Mr 1:7 Iomraidhean Croise

Mt 3:11

An tic, wal yel tzex wac' bautisar 'a a a', sec chequel to xe na e b'a. Palta 'ay wal junx tza'n to sjaw wu'uj, a 'oj eya'n bautisar yet' Yespíritu Dios mto pax c'ac'. A jun 'oj jawc cha, yel xo wal niwn yel'ch 'a wib'an̈. Yuj cha, man̈ in mojc wa'n servil, wach'xam ton̈j tzwij 'el xan̈b' 'a yoc.

Mt 3:14

A 'a b'ab'el, ma'ix yal sc'ojl Juan chi xyac' bautisar, 'ix yaln 'a Jesús 'ixtic: —An tic, yowlal an tzin 'ajx bautisar o'oj. Yuj cha, man̈ smojc a 'ayn tzwul ac' bautisar a b'a, xchi 'a 'a.

Mr 1:6

A Juan cha, a xil no cameyo 'aych spichloc, ax sjalul, tz'u'um. A jun tzo'n̈ noc' 'icha b'ojch'in, a tzchi'a, ax scalte'al yal chab', a tzyuq'uej.

Mr 1:8

An tic, tzex wac' bautisar 'a a a', palta a jun cha, a 'oj 'a'nc Yespíritu Dios 'ayex, 'icha to 'oj eyajx bautisar yu'uj, xchi.

Lc 3:16

Palta xyaln Juan chi 'ixtc 'a eb' smasnil: —An tic, wal yel tzex wac' bautisar 'a a a', palta 'ay jun tot 'oj jawoc, a 'oj 'a'nc Yespíritu Dios 'ayex, mto a c'ac' 'oj yac' 'ayex, 'icha to 'oj eyajx bautisar yu'uj. A jun 'oj jawc cha, yel xo wal niwn yel'ch 'a wib'n̈ an tic. Yuj cha, man̈ in mojc wa'n servil, wach'xam ton̈j tzin jiy jac sc'ab' xan̈ab'.

Jn 1:27

A jun cha, tza'n sjaw wu'uj, palta yel xo wal niwn yel'ch 'a wib'an̈. Yuj cha, man̈ in mojc wa'n servil, wach'xam ton̈j tzin jiyl sc'ab' xan̈b' 'a yoc, xchi Juan 'a eb'.

A Tas Sc'ulejnac Eb' Schecab' Jesús Hechos 13:25

Ax yic wan xo slajw yopiso Juan cha, 'ix yaln 'ixtic: A e nani, to Cristo 'in, ticni ma'ay. Palta 'ay jun tza'n sjaw wu'uj, caw niwn yel'chi. Caw man̈ in mojc wa'n servil, wach'xam ton̈j tzin jiyl jac xan̈ab', xchi.

A Tas Sc'ulejnac Eb' Schecab' Jesús Hechos 19:4

Yuj cha, xyaln pax Pablo 'a eb' 'ixtic: —Ya'jnac bautisar win Juan eb' 'anma', yic sch'oxn 'eli, chajtlto tzna sb'a eb' yuj smul. Palta yaljnac win 'a eb', chajtlto 'ay jun tza'n sjaw yu'uj. Yowlal ata tzya'ch eb' sc'ojol. A jun cha, atn Jesús, [atn Cristo,] xchi Pablo 'a eb'.

A Ch'an̈ B'ab'el Libro Samuel 25:41

'Ix 'em n̈ojn 'ix yuj sch'oxn 'eli to niwn yel'ch David 'a 'a, 'ix yaln 'ixtic: —An tic, schecb' xon David chi waji, caw wal tzchaj in c'ojl in b'icn 'el yoc eb' schecab', xchi 'ix.