Mr 1:4 - Chuj San Sebastian Bible

⁴ Yuj cha, a Juan x'a'n bautisar eb' 'anma 'a cusltac lu'um, 'ix yaln 'a eb', to yowlal tzna sb'a eb' yuj smul, sec tz'ajx can lajwc smul eb' yuj Dios, tzya'n pax 'ajxc bautisar sb'a eb'.

Chuj San Mateo Bible

⁴ A vin̈aj Juan ix ac'an bautizar eb' anima d'a tz'inan luum chi', ix yalan vin̈ d'a eb' ix c'och d'ay: Yovalil tze na val e b'a yuj e mul yic tz'ac'jican lajvoc e mul chi' yuj Dios. Ichato chi' ol ex vac'an bautizar, xchi vin̈ d'a eb'.

Mr 1:4 Iomraidhean Croise

Mt 3:11

An tic, wal yel tzex wac' bautisar 'a a a', sec chequel to xe na e b'a. Palta 'ay wal junx tza'n to sjaw wu'uj, a 'oj eya'n bautisar yet' Yespíritu Dios mto pax c'ac'. A jun 'oj jawc cha, yel xo wal niwn yel'ch 'a wib'an̈. Yuj cha, man̈ in mojc wa'n servil, wach'xam ton̈j tzwij 'el xan̈b' 'a yoc.

Mt 3:6

'Ix laj yal q'uet eb' smul 'a Dios. Xlajw cha, xya'n 'ajxc bautisar sb'a eb' yuj Juan 'a yojl a Jordán cha.

Mr 1:5

Smasnil eb' 'anma 'a junjn chon̈b' 'a yol yic Judea yet' eb' 'aj Jerusalén, xit' eb' 'ab'xnoc 'a Juan cha, xlaj yaln q'uet eb' smul 'a Dios. 'Ix ya'n eb' 'ajxc bautisar sb'a yuj Juan 'a a niwn a Jordán.

Lc 1:77

Ach 'oj ac' nachjc 'el yuj eb' schon̈ab', tas 'oj 'aj eb' scolchji, ax yajx can lajwc smul eb'.

Jn 3:23

An̈jtona Juan, 'ix 'a'w bautisar 'a jun lugar tzcuch Enón 'ay 'a stz'ey Salim, yujto til wal a ta'. 'Ix laj c'och eb' 'anma', xit' ya'nc 'ajxc bautisar sb'a eb' 'a 'a.

A Tas Sc'ulejnac Eb' Schecab' Jesús Hechos 10:37

Ax xo tic, 'in eyojtac, tas 'ix sb'o Dios 'a qui lugar an̈ israel on̈ tic on̈. A 'a Galilea 'elnc yich, yic slajw yaln can 'el Juan spaxti Dios, yic slajw ya'n bautisar eb' 'anma'.

A Tas Sc'ulejnac Eb' Schecab' Jesús Hechos 22:16

A ticnec, ¿tas tza tan̈wej? Q'uen̈ wa'an, 'ac' 'ajxc bautisar a b'a. Al a b'a 'a Jesucristo, sec 'oj 'ajxc can lajwc a mul, xchi win Ananías chi 'ayin.