Mr 1:27 - Chuj San Sebastian Bible

²⁷ Ax eb' 'anma cha, caw sat sc'ojl eb' smasnil yilni. Yuj cha, xlaj yal-lanc eb' 'ixtic: —¿Tas laj wal yaj jun tic? ¿Tas cuynb'ilal jun tzat jaw tic? A win tic, 'ay spoder ya'n mandar eb' demonio, 'in to tzyiclj eb' 'a 'a, xchi eb'.

Chuj San Mateo Bible

²⁷ Ix te sat sc'ool eb' anima smasanil yilani. Yuj chi', ix laj yalanq'ue eb': —¿Tas yaj jun vin̈ tic? ¿Tas c'ayb'ub'al jun vin̈ sjavi tic? A vin̈ tic, ay spoder vin̈ scachan eb' enemigo. Ina ticnaic, sc'anab'ajax vin̈ yuj eb', xchi eb' anima chi'.

Mr 1:27 Iomraidhean Croise

Mt 15:31

A eb' matz uj spaxtini, 'ix paxtin eb'. Ax eb' wecchjnac, 'ix b'ox can eb'. A eb' coxo, tztac' xo sb'ey eb'. An̈jtona yet' eb' matz uj yilni, xjacw sat eb'. Yic 'ix yiln eb' 'anma chi jun tzo'n̈ cha, caw sat sc'ojl eb'. 'Ix yaln eb' wach' paxti 'a Dios.

Mt 8:9

Yujto an tic, 'ay eb' wajlil tzin 'a'n mandar, an̈jtona', 'ay pax eb' soldado tzwac' mandar. Toto 'ay mach 'aj tzwala, to tz'ati, tz'atn̈ej. Toto 'ay pax mach 'aj tzwala, to tzcoti, tzcotn̈ej. An̈jtona', toto 'ay tas tzwac' sb'o junc in moso, tzb'on̈ej, xchi winac.

Mt 9:33

Ax yic x'el jun demonio chi 'a win yuj Jesús, 'ix syamn 'och win spaxtini. Yuj cha, caw sat sc'ojl eb' 'anma chi 'ayc' ta', 'ix laj yalnc eb' 'ixtic: —A 'a qui calc an̈ israel on̈c tic, mant 'a 'aj xquilc junc tas 'icha jun tic, xchi eb'.

Mr 1:26

Yuj jun demonio cha, caw xcot owya 'a sjolm jun winc cha, caw x'el yaw win yu'uj, 'ixta to b'i'an, x'el 'a winac.

Mr 1:28

Yajn̈ej, 'ix puc yab'xil Jesús 'a scal smasnil eb' 'aj Galilea cha.

Mr 10:24

Ax eb' scuywum cha, caw 'ix sat sc'ojl eb' yab'n jun tzo'n̈ cha. Palta xyaln pax 'a eb' jun 'ejm xo 'ixtic: —Ex in cuywum, [a eb' tzya'ch sricoal yipc sc'ojol,] toto 'oj 'och eb' 'a yol sc'ab' Dios, caw teb'il 'oj 'och eb'.

Mr 10:32

Ax Jesús, 'ix 'atx 'a yol jun b'e tzc'och 'a Jerusalén, 'ix b'ab'lj yuj eb' scuywum. A eb' scuywum cha, ton̈j 'ix sat sc'ojl eb'. Ax jun tzo'n̈ xo eb' 'anma ajun yet' eb', caw 'ix xiw eb'. 'Ix yawtn 'elt Jesús eb' scuywum chi slajchwan̈il 'a scal eb' 'anma cha, 'ix syamn 'och yaln 'a eb', tastc 'oj jawc 'a yib'an̈, xyaln 'ixtic:

Mr 16:5

Yic 'ix 'ochch eb' 'a yojl q'ue'en, 'ix yiln eb' chotn 'ejm jun ángel 'a swach' c'ab' eb', 'icha quelm winc yilxi. 'Aych jun jucn pichl yu'uj, caw sac. Caw 'ix xiw eb' yuj si'mb'il.

Mr 16:6

Palta xyaln 'ixtc 'a eb': —Man̈ ex xiwoc, ax tic wan e sayn 'ec' Jesús 'aj Nazaret, atn jun x'ajx 'och 'a spenc culus. Palta tox 'ix pitzw paxi, man̈x 'ayc 'och 'a yojl q'uen q'uen tic. 'Iltec nab'n 'aj xwul yac' 'oxt eb' 'a tic.

Mr 7:37

Caw wal 'ix sat sc'ojl eb', 'ix laj yalnc eb' 'ixtic: Caw wach' tzyutj sb'on smasnil tas, an̈jtona tzlaj jac schicn eb' chacan̈, tzjaccn pax sti eb' matz uj spaxtini, xchi eb'.

Lc 4:36

Ax eb' 'ayc' ta', caw 'ix sat sc'ojl eb' yiln jun cha, 'ix laj yal-lanc eb' 'ixtc 'a 'a: —¿Tas laj wal yaj jun tzo'n̈ paxti tic xyal tic? A wal jun tic, caw 'ay yopiso, 'ay spoder ya'n mandar ewin demonio, 'in tz'el ewin yu'uj, xchi eb'.

Lc 9:1

A 'a jun 'el, 'ix yawtj cot Jesús eb' scuywum slajchwan̈il 'a 'a. 'Ix ya'n yopiso eb', 'ix ya'n pax spoder eb' yi'n 'el ewin demonio 'a eb' 'anma', tzya'n pax eb' b'oxc sc'ojl eb' ya'ay.

A Tas Sc'ulejnac Eb' Schecab' Jesús Hechos 17:19

Ax eb' jeln cha, xyij 'at eb' Pablo 'a jun yune tzaln tzcuch Areópago, 'a 'aj tzyac' xon eb' sc'umjb'a. Xlajw sc'och eb' ta', 'ix sc'anb'n eb' 'a 'ixtic: —A jun 'ac' cuynb'il tzal-l tic, ¿tzam stac' cab'n smasnil?