Mr 1:21 - Chuj San Sebastian Bible

²¹ 'Ix c'och eb' 'a chon̈b' Capernaum, ax 'a sc'ul 'iljelal, 'ix 'och Jesús cuywjoc 'a yol capiya.

Chuj San Mateo Bible

²¹ Ix c'och eb' d'a chon̈ab' Capernaum. Axo d'a sc'ual ic'oj ip, aton sábado, ix och ijan Jesús sc'ayb'an eb' d'a yoltac spatil culto.

Mr 1:21 Iomraidhean Croise

Mt 4:13

Man̈oc 'a Nazaret 'ix c'ochi, palta a 'a Capernaum, ata xc'och cajan. A jun chon̈b' cha, a 'a sti a mar 'ay, 'a yol smacb'en eb' yin̈tl Zabulón yet' Neftalí.

Mt 4:23

C'uxn x'ec' Jesús 'a yol yic Galilea chi yet' eb'. 'Ix 'ec' cuywjoc 'a yol jun tzo'n̈ scapiya eb' israel. X'ec' yalnc 'el wach' 'ab'ix, yuj chajtl tz'aj eb' 'anma yoch 'a yol sc'ab' jun 'aj satcha'an̈. Til wal tzann̈j yab'ilal tz'i'n eb' 'anma cha, xlaj b'ox can sc'ojl eb' yu'uj.

Mr 1:20

'Ix yawtn cot eb', yuj cha, 'ix yactn can eb' smam chi yet' ewin smajn 'a yol te barco cha, 'ix 'at eb' yet'oc.

Mr 1:29

Xlajw yelt eb' 'a yol capiya cha, 'ix 'at Jesús yet' Jacobo yet' Juan, 'ix c'och eb' 'a yatut Simón yet' Andrés.

Mr 1:33

'Ix syamn sb'a smasnil eb' 'aj chon̈b' chi 'a sti n̈a.

Mr 1:39

Xlajw cha, x'ec' yalnc 'el spaxti Dios 'a junjn capiya 'a yol yic Galilea cha. 'Ix yi'n pax 'el ewin demonio 'a eb' 'anma'.

Mr 10:1

'Ix 'atx Jesús 'a Capernaum 'a 'aj 'ayc' cha, 'ix 'ec' 'a yol yic Judea, 'ix c'och 'a junx lugar 'ay 'a sc'axpil a Jordán. Ata 'ix syam sb'a eb' 'anma jun 'ejm xo, 'ix cuywj 'a eb' 'icha xon sley.

Mr 2:1

'Ayxm sjayloc c'u, 'ix c'ochx Jesús 'a chon̈b' Capernaum jun 'ejm xo. Ax 'ix 'ab'xi to 'ayc' 'a yatut,

Mr 3:1

'Ay jun c'u 'ix 'ochx Jesús 'a yol capiya, ata 'ayc' jun winc sicb'nac 'el sc'ab', caw tacn̈ cotnac yaj 'a jun 'ejmn̈ej.

Mr 6:2

Ax 'a yic sc'ul 'iljelal, 'ix syamn 'och scuywj 'a yol capiya. Til wal eb' x'ab'xni 'a 'a, palta ton̈j 'ix sat sc'ojl eb' yu'uj, 'ix laj yalnc eb' 'ixtic: —A jun winc tic, ¿'ajm 'ix scuy jun tzo'n̈ tic? ¿'Aj 'ix yij win jun sjelnal tic? ¿Tas wal tzyutj win sb'on jun tzo'n̈ milagro tic?

Lc 10:15

An̈jtona', 'ixta 'ex 'aj Capernaum, tzcob' e na', to smoj 'oj e q'ue'ch 'a satcha'an̈, palta ton̈j 'oj eyemcn 'a scal eb' chamnac, xchi Jesús.

Lc 13:10

A 'a jun sc'ul 'iljelal, 'ix c'och Jesús 'a jun capiya, 'ix cuywj 'a eb' 'ayc' ta'.

Lc 4:16

Xlajw cha, 'ix 'atx Jesús, 'ix c'ochx 'a Nazaret 'aj q'uib'nac. Ax 'a yic sc'ul 'iljelal, x'och 'a yol capiya, yujto 'ixta xon sley. 'Ix q'ue lin̈an yic tzyawtn 'elt Ch'an̈ U'un̈.

Lc 4:23

Yuj cha, xyaln 'ixtc 'a eb': —Tecn 'oj eyal 'ixtc 'ayin: Ach 'a'm remel, mun tzac' b'oxc a b'a quilnoc, til wal ab' tas xa b'o 'a Capernaum, b'o pax 'a qui chon̈b'ec tic quilnoc, 'oj e chic 'ayin.

A Tas Sc'ulejnac Eb' Schecab' Jesús Hechos 17:2

Ax Pablo, x'och 'a yol jun n̈a chi yet' eb', 'icha xon sley yic tz'och 'a junjn capiya. 'Oxe sc'ul 'iljelal xit' yalcn 'el yab'x eb' israel cha.

A Tas Sc'ulejnac Eb' Schecab' Jesús Hechos 18:4

Ax 'a junjn sc'ul 'iljelal, xit' yalnoc Pablo yab'x eb' 'anma 'a yol scapiya eb' yit israelal. Ata xya'lj ya'n snab'enoc eb' israel yet' pax eb' man̈ israeloc.