Miqueas 5:2 - Chuj San Sebastian Bible

² A Dios a tzaln 'ixtic: A chon̈b' Belén tzcuch pax Efrata, wach'xam yunen̈ej chon̈b'al 'a scal jun tzo'n̈ xo chon̈b' 'ay 'a yol yic Judá, palta ata 'oj cot jun yajal, ax wa'n 'och syajlilc chon̈b' Israel. 'Oj 'eltoc 'a scal jun 'in̈tal eb' israel cha, a jun cha, 'ayc' xon 'a yic pecti', xchi Dios.

Chuj San Mateo Bible

² A Jehová tz'alan icha tic: A chon̈ab' Belén ay d'a Efrata, vach'chom yunen̈ej d'a scal chon̈ab' d'a yol yic Judá, palta ata' ol cot jun ol vac'och yajalil d'a yib'an̈ in chon̈ab' Israel. Ol cot d'a jun in̈tilal aytaxon d'a peca', a jun ol ac'an yajalil chi', aytaxon yictax yichb'anil, xchi Jehová.

Miqueas 5:2 Iomraidhean Croise

Gn 35:16

Xlajw cha, xyactn can eb' jun lugar Bet-el cha, 'ix cotx eb'. 'Ayt wal sjaw eb' 'a Efrata, 'ix 'alj junx yune 'ix Raquel, yel xo wal yet' yailal x'aj yalj jun 'unn cha.

Gn 35:19

'Ixta wal x'aj scham 'ix Raquel, xmucx can 'ix 'a yol b'e yic Efrata, atn jun lugar chi Belén sb'i ticnec.

Gn 48:7

A yic in meltzj 'a Padan-aram, ata xchamcn 'ix a nun 'a Canaán, yic jab'xoj in jaw 'a Efrata; ata 'ix in mucn a nun 'a sb'el Efrata, xchi Jacob. (A jun lugar cha, tzcuch Belén ticnec).

Gn 49:10

May junc mach tztac' yi'n 'ec' a jelnal Judá; may mach tztac' yi'n 'ec' a c'occh yic opiso 'a yol a c'ab', masnto 'oj jawc yajl te c'occh cha, atn jun mach to smasnil eb' chon̈b' 'oj yiclnoc 'a 'a.

1 Cr 2:54

Ax eb' yin̈tl Salma, atn eb' 'aj chon̈b' Belén, eb' netofatita, eb' 'aj Atrot-bet-joab, yet' pax spacl xo eb' manahetita, eb' zoreíta,

Salmos 132:6

A 'a Efrata, ata xcab' yab'xil te scaxail trato, yuj cha, 'ix 'at quilnoc te 'on̈, ax 'a yol yic Jáar ata x'ilchj te cuj on̈.

Salmos 90:2

Yic mantzac a b'o eb' lum niwc witz, lum lum tic yet' smasnil yolyib'n̈q'uinl tic, masnto 'a slajub', Dios achn̈ej xoni.

Ex 18:21

A jun tas 'oj a b'o ach tic, sic' 'elt jaywn̈oc eb' winc to 'ay xiwc'ojlal 'a Dios 'a scal eb' et israelal tic, eb' caw tojl snab'en, eb' man̈ comnoc tztecl tumn 'a eb' 'anma', tza'n 'och yopiso eb' yiln eb' 'anma tic. 'Ay eb' tza'ch yajlil 'a junc mil 'anma', 'ay pax eb' tza'ch yajlil 'a junc ciente, 'ay pax eb' 'a junc cincuenta, 'ay pax eb' cojn junc lajn̈wan̈ 'aj tza'ch yajlil,

Ex 18:25

Yuj cha, si'n 'elt Moisés ewin caw 'ay snab'en, ewin jeln 'a scal eb' yit israelal. 'Ix ya'n 'och yopiso ewin yil junjn mil 'anma', 'ay eb' 'a jun ciente, 'ay eb' 'a cincuenta, 'ay pax eb' 'a lajn̈wa'an̈.

Is 11:1

'Icha junc te yib'te tzwolni, 'ixta 'oj 'aj spitzw chan̈ jun yin̈tl Isaí.

Is 53:2

Yujto 'ix snib'j Dios to 'ix q'uib' jun schecb' cha, 'icha junc te wolte tz'ejm sch'an̈lyib' 'a lum tacn̈ lu'um. A jun cha, man̈ nib'b'ilc wal yilxi, may wal tas wach' yilx 'a 'a.

Is 55:4

An wa'jnac 'och David chi testigoal 'a sat jun tzo'n̈ nacion̈, yic tzjucb'tzani mto yic tzya'n yajlil 'a jun tzo'n̈ xo chon̈ab'.

Is 7:14

Yuj cha, caw a Dios 'oj ch'oxnc eyil junc senya cha: 'Ay jun cob's 'ix, 'oj pitzwc chan̈ jun 'unn 'a 'ix. 'Oj 'aljoc jun swinc 'unin, ax ya'n sb'ic Emanuel.

Jeremías 30:21

An Jehová in, an tzwala: A 'a e cal cha, ata 'oj 'eltoc mach 'oj 'och eyajliloc. A jun eyajlil cha, 'oj wac' jawc 'a in tz'ey, yujto wal yel, caw may junc mach tzte'wtzej sb'a sjaw 'a in tz'ey.

Os 6:3

Ca'c wal quip cojcanec 'el Jehová. Tojln̈ej 'oj jawc 'ayn̈ec, 'icha wal cojcanec 'eli to 'oj sacb'oc. 'Oj yi' cot yaxilal 'ayn̈ec 'icha wal tz'aj sjaw b'ab'l yaxn̈ab' 'a sat lum tic, yet' pax 'a yic tz'och n̈ab'lq'uinal, 'oj schic cob' eb'.

Am 9:11

'Ix yaln pax Jehová 'ixtic: A yopiso David, satnc 'ejmi, 'icha junc n̈a lan̈chjnac 'ejmi, palta 'ay jun c'ual 'oj in b'ox chan̈ jun 'ejm xo, ax wa'n pax jun 'opiso chi 'a yin̈til, 'icha xon 'a yic yaln̈taxi.

Miqueas 4:10

Ex 'aj chon̈b' Sión, 'el cab' eyaw yuj yailal, yujto 'icha cab' yab'n junc 'ix 'ix syail yic tz'alj yune', 'ixta cab' eyab'n syail. 'Oj eyel 'a yol e chon̈b' tic, axta 'oj e c'och cajn 'a caltcte', masnto 'oj e c'och 'a Babilonia. Ax Jehová, a 'oj e coln 'el 'a yol sc'ab' eb' 'ajc'ojl yajch 'ayex.

Zacarías 13:7

A Jehová tztac' yuj smasnil, a tzaln 'ixtic: 'Ijx cab' q'ue wan q'uen espada yuj smilx cham jun mach 'icha yilmal in calnelu yaji, to junn̈j yaj wet'oc. 'Oj milx chamoc, ax sactzic can eb' 'icha 'in calnelu yaj cha. Ax eb' 'icha to may yip 'oj canoc, 'oj woch 'ac'ojlal 'a eb'.

Zacarías 9:9

A Jehová tzaln 'ixtic: ¡Tzaljan̈c wal si'mb'il ex 'aj chon̈b' Sión! ¡B'itnan̈c 'a tzaljc'ojlal ex 'aj Jerusalén! 'Iltec wal sjaw e reyl 'ayex, caw tojl snab'en. A 'oj 'a'nc colnb'il. Caw 'emmquil sjawi, 'ay q'ue 'a yib'n̈ jun no quelm b'uru yune jun no 'axna.

Mt 2:1

A 'a chon̈b' Belén 'a yol yic Judea, ata 'aljnac Jesús. A 'a jun tiempoal cha, a win Herodes 'aych sreyloc Judea cha. A yic 'ix 'alj Jesús, 'ix cot jun tzo'n̈ eb' winc tzcuch mago 'a stojlal 'aj tzq'uel c'u, 'ix jaw eb' 'a Jerusalén.

Mt 2:6

A chon̈b' Belén tzcuch pax Efrata, wach'xam yunen̈ej chon̈b'al 'a scal jun tzo'n̈ xo chon̈b' 'ay 'a yol yic Judá, palta niwquil yel'ch 'a yib'n̈ jun tzo'n̈ cha, yujto ata 'oj pitzwc chan̈ jun yajal, a 'oj 'och yilmalc in chon̈b' Israel, xchi 'a Ch'an̈ U'un̈, xchi eb'.

Mt 28:18

Ax Jesús, 'ix wach' c'och 'a stz'ey eb' scuywum yuxlchwan̈il, 'ix yaln 'a eb' 'ixtic: —In 'ajx 'och Yajlil 'a yib'n̈ smasnil tas 'a satcha'an̈ yet' 'a yolyib'n̈q'uinl tic.

Lc 23:2

Ata syamch eb' ya'n 'och jun tzo'n̈ tas 'a yib'an̈. 'Ix yaln eb' 'ixtic: —'Ix quil on̈, to wan ya'n somchjoc 'el win eb' quit chon̈b' on̈. Tzyal winac, to matz tac' ca'n qui tumn tzc'anx 'el yuj win yajl 'a Roma. Tzyaln 'och sb'a win Cristoal, tzyal 'el'chi, rey, xchi eb' 'a winac.

Lc 23:38

'Ay jun tz'on̈ paxti xtz'ib'x 'och 'a 'aj 'ay q'ue'ch sjolom, [a jun tzo'n̈ paxti cha, tz'ib'b'il 'a sti griego, 'a latín yet' 'a hebreo. Tzyal 'ixtic: A win tic, sreyl eb' israel, xchi.]

Jn 7:42

A Ch'an̈ Un̈ tzalni, chajtlto a Cristo, yowlal a 'a chon̈b' Belén, ata 'oj 'aljoc, 'a 'aj 'e'nc David pecti', yujto yin̈tl can David cha, xchi eb'.

Dt 1:15

Yuj cha, xin si'n 'elt 'a scal junjn 'in̈tal, eb' winc to jelan, eb' 'ay snab'en si'mb'il, 'ix wa'n yopiso eb' yic tz'och eb' eyajliloc. 'Ay eb' xwa'ch yopiso 'a yib'n̈ jun mil, 'ay eb' 'a yib'n̈ jun ciente, 'ay eb' 'a yib'n̈ cincuenta, 'ay eb' 'a yib'n̈ lajn̈wa'an̈, 'ay pax eb' x'och yajlil 'a yib'n̈ junjn 'in̈tal eb' quit chon̈b'ec.

A Scarta San Pablo D'a Eb' Aj Colosas 1:17

Yic mant 'a yolyib'n̈q'uinl tic, 'ayc' xon Cristo. Yujn̈ej, wach'n̈j yec' smasnil tas.

A Ch'an̈ Carta D'a Eb' Hebreo 13:8

A Jesucristo, lajnn̈ej snab'en 'a yictax pecti', ticnec, yet' 'a yic b'aq'uin̈.

A Ch'an̈ Carta D'a Eb' Hebreo 7:14

Cojquec, chajtlto a Cajlilec, yin̈tl can Judá. Ax Moisés, may tas yaljnac, toto 'ay junc eb' yin̈tl Judá chi tztac' yoch ya'malc 'och qui tic 'a Dios.

1 Jn 1:1

Tic tzqui tz'ib'j 'at 'ayx on̈, yuj jun mach spaxti Dios sb'i, atn jun tz'a'n qui q'uinlec 'a jun 'ejmn̈ej. Yic mant 'a yolyib'n̈q'uinl tic, 'ayc' xoni. An̈ tic on̈, caw cab'jnac spaxtin on̈. Quiljnac yet' qui sat on̈. Caw 'ochnc on̈ q'ueln 'a on̈, qui yamjnac pax yet' qui c'ab' on̈.

Apoc 19:16

A 'a spichl 'a sat xub', ata tz'ib'b'il 'och jun sb'i 'ixtic: A sRreyl eb' rey, sYajlil eb' yajal, xchi.

Apoc 2:8

'Ix yaln pax 'ayn 'ixtic: 'Ixtc tzotj a tz'ib'n 'at 'a jun in checb' 'ayc' 'a iglesia 'a Esmirna: A jun b'ab'l yaji, slajb' paxi, atn jun xchami, palta xpitzw paxi, a tzaln 'ayx 'ixtic:

Apoc 21:6

Xlajw cha, xyaln pax 'ayn 'ixtic: —Tox 'ix b'o 'el'chi. An tic, b'ab'l waj 'a smasnil, slajb' in paxi. 'Icha chab' letra A yet' Zeta, 'ixta 'in. A eb' 'ay stacn̈ti'al, 'oj wac' yuc' eb' jun spac'b'a tz'a'n q'uinl 'a jun 'ejmn̈ej. 'Oj wac' 'a eb' 'a nab'an̈ej.

Jueces 17:7

A 'a chon̈b' Belén 'a yol yic Judá, ata cajn jun quelm levita, ula yaj 'a yol yic Judá.

Rt 1:1

A 'a yic 'aych eb' juez yajlil 'a chon̈b' Israel, 'ay jun winc 'aj Belén 'a yol yic Judá, 'ix ati, axta xc'och cajn yet' yistzil yet' chawn̈ yunnal 'a yol yic Moab yujto 'ix jaw jun niwquil wejl 'a yol schon̈b' eb'.

Rt 4:11

'Ix ta'w eb' yichm wincal chon̈b' cha, yet' smasnil eb' 'ayc' cha, 'ix yaln eb' 'ixtic: —Tic tzquila, testigo tzon̈ 'ajcni. Ya' cab' Jehová syaxilal 'a yib'n 'ix 'ix tz'ochcn 'a yol atut cha. Lajn cab' 'oj 'el'chc 'ix 'icha 'ix Raquel yet' 'ix Lea, 'a 'aj cotnn̈c quin̈tl an̈ israel on̈c tic. An̈jtona pax ach tic, niwn cab' tz'aj a b'inax 'a yol yic Efrata yet' 'a Belén.

A Ch'an̈ B'ab'el Libro Samuel 10:19

Palta ax ticnec, 'ix e patquilj can 'el qui Diosalec, atn jun on̈ 'i'n 'elt 'a scal yailal, yet' 'a scal cusc'ojlal, yic xe c'ann jun qui reyl tzyac' yajlil 'a quib'n̈ec. Yuj cha, a ticnec 'ochn̈ec 'a yojltac Jehová, junjn 'in̈tal yet' junjn macn̈il tzex 'aj 'eyochi, xchi.

A Ch'an̈ B'ab'el Libro Samuel 17:12

A 'a Belén 'a yol yic Judá, ata 'ay jun win 'ichm winc tzcuch Isaí. A 'a yol stiempoal Saúl cha, caw wal 'ichm winc xo win si'mb'il 'a scal eb' yit chon̈ab'. A win tic, 'ay wajxcwan̈ yunnal, ax 'a scal eb' cha, ata 'ay jun win tzcuch David.

A Ch'an̈ B'ab'el Libro Samuel 17:18

Tze'n 'at pax lajn̈ec no queso tic 'a win scapitan̈il eb' soldado cha. Tzelni toto wach' sc'ojl eco o'tac cha. Tzlajw cha, tze'n cot junc tas tzch'oxni, toto yel wach' sc'ojl eco, xchi.

A Ch'an̈ B'ab'el Libro Samuel 23:23

Tzcham wal eyiln 'aj tzc'ub'j 'el sb'a cha, tzlajw cha, tzwul eyalnc pax 'ayin 'aj wal 'ay, ax in 'at eyet' b'i'an. Toto yel ata 'ayc' 'a jun lugar cha, 'oj in 'at in sayc' 'a smasnil yol yic Judá, xchi.

A Ch'an̈ B'ab'el Libro Samuel 8:12

'Ay eb' 'oj ya'ch win syajlilc junc mil soldado, 'ay eb' 'oj ya'ch win syajlilc junc 50. 'Ay eb' 'oj 'och sb'o smunljel winac, 'oj st'oc eb' slum winac, ax laj smoln chan̈ eb' tas tz'el 'a smunljel win cha. 'Ay eb' 'oj 'och sb'o syamc'ab' win yic owal, 'ay pax eb' 'oj b'onc scaruaje win tzc'ana yic tz'at 'a owl cha.