Miqueas 1:7 - Chuj San Sebastian Bible

⁷ Caw choc' 'oj wutc can jun tzo'n̈ yechel, c'uxn 'oj in satl jun tzo'n̈ comn dios cha. Smasnil jun tzo'n̈ yelwnub'l yol yet'l eb' comn dios cha, 'oj in n̈uscn tz'a'oc. Yujto a yet' q'uen tumn yic 'ajmulal 'ajxnac b'o'oc, yuj cha, a jantc to ma'oj tz'a'oc, 'oj c'anxoc pax jun 'ejm xo 'a 'ajmulal, xchi Dios.

Chuj San Mateo Bible

⁷ Choc' ol ajcanb'at juntzan̈ yechel comon dios. Masanil juntzan̈ comon dios chi' ol in n̈ustz'aoc. A yed' q'uen tumin yic ajmulal, ata' b'ob'il, yuj chi' a d'a stojol ajmulal chi' ol ochixcan q'ueen, xchi Jehová.

Miqueas 1:7 Iomraidhean Croise

2 Cr 31:1

A yic tox 'ix lajw jun q'uin̈ cha, smasnil eb' israel yamn yaj ta', 'ix 'at eb' 'a smasnil chon̈b' 'a yol yic Judá, 'ix sma'n poj eb' jun tzo'n̈ q'uen 'aj tzyal sb'a eb' 'anma', yet' jun tzo'n̈ sch'oxnb'il comn dios Aserá. 'Ix sma'n juwc eb' jun tzo'n̈ macsej 'a jolmctac witz, yet' jun tzo'n̈ yet'l xajmb'al 'ay 'a smasnil yol yic Judá, 'a yol yic Benjamín, 'a yol yic Efraín yet' pax 'a yol yic Manasés, masnto xlajw smasnil. Xlajw cha, 'ix paxx smasnil eb' israel 'a schon̈ab', junjn eb' 'ix 'at 'a slu'um.

Is 2:18

ax ya'n satl smasnil jun tzo'n̈ yechl comn dios cha.

Is 23:17

A yic 'oj lajwc 70 ab'il cha, ax ya'n pax Jehová chon̈wjoc eb' 'aj Tiro jun 'ejm xo, ax syamn pax 'och eb' sb'on maysch'olnilal yet' eb' rey 'a sat smasnil lum lum tic.

Is 27:9

Palta 'ixtc wal 'oj yutc Dios yi'n 'el smul eb' yin̈tl Jacob. Choc' 'oj yutc can eb' jun tzo'n̈ yet'l sdiosal eb', 'icha cab' tz'aj yulb'x 'ejm q'uen tan̈ 'a yic tzpolxi; 'ixta cab' tzyutj can eb'. Man̈x 'a junc te te sch'oxnb'il comn dios Asera tzcani, man̈xtzac yactj can pax eb' jun tzo'n̈ yet'l xajmb'al 'aj tz'a incienso yuj yijx chan̈ scomn diosal.

Ez 6:6

Cusltac 'oj 'ajcn e chon̈b' 'aj cajn ex 'eq'ui. 'Oj wac' lajwoc 'el smasnil jun tzo'n̈ lugar 'aj tzeyal e b'a 'a eb' comn dios, yet' jun tzo'n̈ yet'l e xjamb'al, yet' 'aj tzeyac' tz'a incienso, jun tzo'n̈ yechl e diosal, yet' smasnil tas b'ob'il eyu'uj, yic tze c'ann 'a 'aj tzeyal e b'a cha, choc' 'oj 'aj spojcn smasnil.

Os 2:12

Ax wa'n sat 'ejm te uva yet' te higo, atn jun tzo'n̈ tzyal yuj 'ixtic: Atn jun tzo'n̈ tic, in tojl ya'jnac eb' tzin nib'ni, xchi. A jun tzo'n̈ yawb'en cha, 'oj wa'cn 'at 'a scal c'ultac, axn̈ej no calte'al noc' 'oj lonc sat.

Os 2:14

Wach'xam 'ixta xyutj sb'a chon̈b' Israel, palta 'oj in montc paxi, ax wi'n 'at 'a lum cusltac lum jun 'ejm xo. Ata 'oj wal wach' paxti 'a 'a.

Os 2:5

A e nun tic, xya'ch sb'a 'ajmulal. 'Ix yixtj 'el sb'a, yuj cha yaln 'ixtic: 'Oj 'at in sayc' eb' nib'b'il wu'uj, atn eb' tz'a'n tas tzin c'uxu, yet' tas tzwuq'uej, eb' tz'a'n in lana, yet' in lino, tzya'n pax eb' waceite yet' yal wuva, xchi.

Os 8:5

Caw wal tzin yaj jun yechl wacx b'ob'il yuj eb', atn jun 'aj tzyac' eb' 'aj Samaria 'emmquilal, yuj cha, caw wal 'oj cot wowl 'a eb'. ¿B'a'n̈ wal 'oj yactn can eb' israel jun maysch'olnil cha?

Os 8:6

A jun yechl wacx cha, man̈ Diosoc. 'Anma b'ojnac, yuj cha, choc' 'oj 'ajx cani.

Jl 3:3

'Ix ya'n 'och eb' suerte 'a yib'n̈ eb' in chon̈ab', xchon̈x 'el eb' winc 'unn yuj eb' yet' eb' 'ix 'unin. A q'uen tumn schaj eb' stojloc eb' cha, ata slaj eb' q'uen 'a te 'an̈, yet' 'a 'ajmulal.

Lv 26:30

'Oj laj in mac' poj jun tzo'n̈ yet'l e diosal 'aj tzeyal e b'a, ax in ma'n poj yet'l 'aj tz'a incienso. 'Oj in molb'tzoc 'och b'uln e niwnal chamnc chi 'a yib'n̈ jun tzo'n̈ e diosal may spixn cha. 'Ixta wal 'oj wutc in ch'oxn 'eli, to man̈xtzac ex in nib'j wila'.

Dt 23:18

A q'uen tumn tzchaj eb' 'ix, mto eb' winc 'a spatquil yajmulal, man̈ e cha yac' eb' q'uen 'a junc 'aj ya'jnac eb' sti ya'n 'a Jehová Dios, yujto a jun b'eyb'al cha, caw yajb'il 'el yuj Dios.

Dt 9:21

Yuj ton wal jun yechl wacx cha, x'och e mul. Yuj cha, xin tza'n cot jun yechl wacx cha, xin ma'n pojoc, xin juln 'at 'a scal c'ac', xin tenn chojoc, xwa'n 'at 'a yol a a tzcot 'a jolm witz.

Apoc 18:3

Yujto smasnil nacion̈, x'och eb' 'u'm 'an̈il yuj yal yuva jawnc sti xyac' 'a eb', atn yajmulal. Ax eb' niwc yajl 'a yolyib'n̈q'uinal, sb'o eb' 'ajmulal yet'oc. Ax smasnil eb' chon̈wjum, x'och eb' ricoal yu'uj, yujto caw tzyac' sobra tas 'ay 'a 'a, xchi jun ángel cha.

Apoc 18:9

Ax eb' niwc yajl 'a yolyib'n̈q'uinal, eb' xb'on 'ajmulal yet' jun tzalx 'ixl tic. Caw locn eb' yet' 'a sricoal. Palta ax yic 'oj yilnc eb' sq'ue stab'l stz'a'i, caw 'oj 'oc' eb'. 'Oj cul-loc eb' yoc' yu'uj.

A Ch'an̈ B'ab'el Libro Samuel 5:4

'Ixta pax 'a junx c'u 'ix seb' c'ochx eb' yila'. Ax xyiln eb', n̈ojn 'ec' pax Dagón chi stelw 'a yojltac te caxa cha. Ax sjolm Dagón yet' sc'ab', choc' yaj spoj 'a yib'n̈ te smarcoal spuertail yatutal cha, cojxn sniwnal chi pun̈n 'ec' sch'ocoj.