Miqueas 1:6 - Chuj San Sebastian Bible

⁶ Yuj ton wal cha, tzyaln Jehová 'ixtic: 'Oj wac' lan̈chjoc 'ejm chon̈b' Samaria, toxn̈ej 'oj q'uecn b'uln sc'axpil. Sec 'oj 'ajcn yet'l 'icha 'aj wach' yawx te uva. At 'a lum pan̈ctac, atta 'oj in julcn 'at sq'uenal jun chon̈b' tic, ax scheclj can q'uet stzatzl yich.

Chuj San Mateo Bible

⁶ Yuj chi' syal Jehová icha tic: Ol in satel jun chon̈ab' Samaria tic, toxon̈ej ol q'uecan b'ulan spojelal. Jacanxon̈ej ol ajcan icha b'aj syal yavchaj te' uva. Ato d'a yoltac ch'olan ol in yumcanem q'uen sq'uenal jun chon̈ab' tic, ol checlajcanq'ueta cimientoal yich.

Miqueas 1:6 Iomraidhean Croise

A Ch'an̈ Schab'l Libro Samuel 17:13

Toxn̈ej tzc'ub'j 'el sb'a eb' 'a junc lum chon̈b' cha, ax qui masnil an̈ israel on̈ec tic, tzquijec qui lasu, tzqui to'nec lan̈chjoc jun chon̈b' cha, ax smasnil q'uen q'ue'en, man̈x 'a junc q'uen tzcan ta', c'uxn tzqui julc can 'at eb' q'uen 'a ch'olctac, xchi Husai.

A Ch'an̈ Schab'il Libro Yic Yab'ixal Eb' Rey 18:10

Yoxl xo ab'il yoch oyn eb' 'a jun chon̈b' cha 'ix 'ejm yuj eb', atn 'a yic swacl ab'il xo yoch Ezequías reyal, yic sb'aln̈il xo ab'il yoch Oseas reyal.

A Ch'an̈ Schab'il Libro Yic Yab'ixal Eb' Rey 18:9

A yic schan̈l ab'il xo yoch Ezequías reyl 'a Judá, yic yucl ab'il xo yoch Oseas yunnal Ela reyl 'a chon̈b' Israel, ax Salmanasar sreyl chon̈b' Asiria 'ix 'och oyn eb' soldado 'a spatquil chon̈b' Samaria, 'ix ya'n owl eb' yet'oc.

A Ch'an̈ Schab'il Libro Yic Yab'ixal Eb' Rey 19:25

¿Tom may 'aj 'ix ab' yalxi to an ton Jehová in? Wuj wali tz'el'ch smasnil jun tzo'n̈ tic. Pecti xon nab'il can wu'uj to tz'el'ch jun tic, yuj cha, stac' a satn 'el jun tzo'n̈ nacion̈ caw wach' yajch smuroal, 'ix q'uecn b'uln sc'ajl o'oj.

Is 17:1

Atn jun tzo'n̈ paxti tic 'ix alx can 'el 'a yib'n̈ chon̈b' Damasco: A Damasco, man̈x chon̈b'oc, palta to cojxn yet'l checl 'oj 'ajcn chan̈ b'ulan.

Is 25:12

Smasnil smuroal jun chon̈b' to caw niwc yaj sb'o'i, c'uxn 'oj smac' lan̈chjoc Jehová, caw choc' 'oj 'ajcn 'ejm b'uln 'a sat lu'um.

Is 25:2

'Icha wal junc b'ulc q'uen q'ue'en, 'ixta x'ajcn jun tzo'n̈ chon̈b' o'oj. A jun tzo'n̈ chon̈b' caw wach' yajch yipnub'al, a 'ix lan̈chj 'ejmi. 'Ix a ma'n pax lan̈chjoc sdespacho eb' 'ajc'ojl yajch 'ayon̈, man̈x 'a b'a'n̈ 'oj b'ox chan̈ jun 'ejm xo.

Jeremías 31:5

Ax eyawn pax e uva jun 'ejm xo 'a lum tzalctac 'a yol yic Samaria. A mach 'oj 'awnc uva cha, 'oj yac' tzaljoc sc'ojl yet' sat te'.

Jeremías 51:25

An Jehová in, an tzwala: An tic, 'ajc'ojl wajch 'a Babilonia. A jun cha, lajn wal 'icha junc niwquil witz tzsatn 'el smasnil sat lum lum tic. A yet' in poder ax in ma'n 'ejm lan̈chjoc, sactzicnac 'oj 'atcn 'a sat pac'an. Yuj cha, a Babilonia cha, lajn 'oj 'ajcn 'icha junc witz tz'anac.

Jeremías 51:37

'Oj q'uecn b'uln chon̈b' Babilonia slan̈chj 'ejmi, cojxn no 'ocs 'oj 'aj cajn ta', man̈x 'a mach 'oj cajnoc. Ax smasnil eb' 'anma', caw 'oj xiw eb' yiln 'ochi, ax sb'uchwj can pax eb' 'a 'a.

Jeremías 9:11

'Ix wab' spacn Jehová 'ixtic: A yic 'oj lajwc in b'on jun tzo'n̈ tic, a Jerusalén yet' Judá, jun b'uln̈ 'oj wutc in ma'n 'ejm lan̈chjoc cani. Axn̈ej no 'ocs 'oj 'ec' ta', xchi Dios.

Lm 4:1

Caw wal xq'uic'b' 'el yilx q'uen oro to caw wach', tox 'ix juw yilx stzictznil q'ue'en. Ax q'uen q'uen 'aych 'a scajnub' Dios, sactzicnac xoj yajcn eb' q'uen 'a yol caye.

Os 13:16

A eb' 'aj Samaria, 'oj jawc pax yailal 'a yib'n̈ eb', yujto tenmtac tzyutj sb'a eb' 'ayin. 'Oj milxoc cham eb' yet' q'uen espada. A yunnal eb', 'oj ma'xoc 'ejm eb' 'a sat lu'um, sec tzcham eb'. A eb' 'ix 'ix yet'x yune', 'oj tecxoc 'elt yol sc'ojl eb' 'ix, xchi Dios.

Am 5:11

Caw tzeyixtj eb' meb'a', tzeyi'n 'ec' strigo eb' 'anma 'a nab'an̈ej. Yuj cha, ma'oj stac' eyaj cajn 'a eyatut to nab'a q'uen xeyutj e b'oni. Man̈x 'oj eyuc' pax yalil te uva man̈x jantcoc sja'l yaj eyawni.

Am 6:8

A Jehová tztac' yuj smasnil, sloc sb'i yic xya'n sti', 'ix yaln 'ixtic: Caw wal tzin yaj sb'an̈quintacl eb' yin̈tl Jacob tic, matz chaj in c'ojl jun tzo'n̈ sniwc despacho eb'. Yuj cha, 'oj wa'ch jun chon̈b' tic 'a yol sc'ab' eb' 'ajc'ojol, yet' smasnil tas 'ay 'a 'a, xchi Dios.

Miqueas 3:12

Smulyujoc eb', ax slajw 'ejm Jerusalén, atn jun chon̈b' yic tzaln Sión, 'icha wal t'ocb'il lum 'oj 'ajcni. Jun b'uln̈ 'oj 'ajcn 'ejmi, ax lum tzaln 'aj 'ay yatut Dios, waymtac 'oj 'ajcni.

Habacuc 3:13

Ach 'elt colwjoc 'a a chon̈ab', yet' 'a win rey sic'b'il 'el o'oj, ax win syajlil eb' 'anma maysch'olnil 'ix a te'cn 'ejmi. 'Ix a satn 'el schon̈b' winac, masnto sat 'ejm yopiso winac.

Mt 24:2

Yuj cha, xyaln 'a eb' 'ixtic: —A jun tzo'n̈ niwc n̈a tic, c'uxn 'oj lan̈chjc 'ejm smasnil, yet' jun tzo'n̈ q'uen tusb'il q'ue tic, tzwal 'ayex to man̈x 'a junc 'oj can 'a yib'n̈ yit q'uenal, xchi 'a eb'.