Miqueas 1:1 - Chuj San Sebastian Bible

¹ An Miqueas in tic, ata cajn in 'a chon̈b' Moreset 'a yol yic Judá. A yic xlaj 'ec' ewin tic reyl 'a Judá, atn Jotam, Acaz, yet' Ezequías, ata sch'ox Jehová wil 'a 'icha waychil yuj tas wan sjaw 'a yib'n̈ Samaria yet' Jerusalén. Yuj cha, xwaln 'ixtic:

Chuj San Mateo Bible

¹ A in Miqueas in tic, aj chon̈ab' Moreset in. A d'a stiempoal vin̈aj Jotam, vin̈aj Acaz yed' vin̈aj Ezequías, aton eb' vin̈ sreyal Judá, a Jehová ix ch'oxan vila' tas ol aj Samaria yed' Jerusalén. Yuj chi' ix valel icha tic:

Miqueas 1:1 Iomraidhean Croise

A Ch'an̈ Schab'il Libro Yic Yab'ixal Eb' Rey 15:32

A yic chab' xo ab'il yoch Peka, yunnal Remalías reyl 'a chon̈b' Israel, 'ix schan 'el Jotam yunnal Uzías ya'n reyl 'a Judá.

A Ch'an̈ Schab'il Libro Yic Yab'ixal Eb' Rey 15:5

'Ix ya'ch Jehová jun yab'il lepra 'a win rey cha. 'Aychn̈ej 'a 'a masnto 'ix chami. Yuj cha, man̈xtoc 'ix can win rey 'a sdespacho, chucx n̈al 'aj 'ix cani. Ax jun yunnal tzcuch Jotam, a x'ochcn yilmalc sdespacho winac, tzya'n pax yajlil 'a yib'n̈ jun nacion̈ cha.

A Ch'an̈ Schab'il Libro Yic Yab'ixal Eb' Rey 16:1

A yic yuclajn̈il xo ab'il yoch win Peka reyl 'a Israel, 'ix schan 'el yich Acaz yunnal Jotam ya'n reyl 'a Judá.

A Ch'an̈ Schab'il Libro Yic Yab'ixal Eb' Rey 18:1

A yic yoxl ab'il xo yoch Oseas yunnal Ela reyl 'a chon̈b' Israel, 'ix schan 'el Ezequías yunnal Acaz ya'n reyl 'a Judá.

2 Cr 28:1

A Acaz cha, junc'l ab'il sq'uinal yic schan 'el yich ya'n reyal. Waclajn̈e ab'il xyac' reyl 'a Jerusalén, palta man̈ tojloc tas x'el sb'on 'a sat Jehová, man̈ 'ichaoc yic David, atn smam yicham.

2 Cr 29:1

A Ezequías 25 ab'il sq'uinal, yic schan 'el yich ya'n reyal. 29 ab'il xyac' reyl 'a Jerusalén. A snun Abías sb'i 'ix, yisl win Zacarías.

Is 1:1

An Isaías tic, yunnal in Amoz. 'Ix alx jun tzo'n̈ paxti tic 'ayin yuj tas 'oj jawc 'a yib'n̈ eb' 'aj Judá yet' eb' 'aj Jerusalén, atn 'a yic x'ec' ewin tic reyl 'a Judá: Ozías, Jotam, Acaz yet' pax Ezequías, ata 'ix yal Jehová 'ixtic:

Is 1:2

Ex 'aj satcha'an̈ yet' ex 'aj sat lum tic, 'ab'ec. A eb' 'anma tic, xin c'uytzej eb' 'a yic yune'al masnto x'och yip eb', palta ax x'aji, 'ix meltzj 'och eb' 'ajc'ojlal 'ayin.

Is 7:1

A yic 'aych win Acaz reyl 'a Judá, win yunnal Jotam, yixchicn Uzías, ata x'och jun owl 'a Jerusalén yuj win Rezín sreyl Siria, yet' yuj win Peka, yunnal Remalías, sreyl chon̈b' Israel. Snib'j ewin to xyac' 'ejm chon̈b' Jerusalén, palta ma'ix stac' yuj ewinac.

Jeremías 26:18

A 'a yol stiempoal Ezequías sreyl Judá, a Miqueas 'aj Moreset, 'ix paxtin 'el 'a sb'i Jehová 'a smasnil eb' chon̈b' 'a Judá, 'ix yaln 'ixtic: A Jehová, tztac' yuj smasnil, a tzaln 'ixtic: A chon̈b' Sión tic, 'oj cancn lum yico'oc munljel. A Jerusalén jun b'uln̈ 'oj 'aj slan̈chj can 'ejmi, ax jun tzaln 'aj b'ob'il watut, waymtac xoj 'oj 'ajcni, xchi Dios, xchi Miqueas cha.

Os 1:1

An Oseas in tic, yunnal in Beeri, 'ix paxtin Jehová 'ayin, yic xya'n ewin tic reyl 'a chon̈b' Judá: Atn Uzías, Jotam, Acaz, yet' Ezequías, ax Jeroboam yunnal Joás, a 'aych reyl 'a chon̈b' Israel.

Os 4:15

Wach'xam x'och smul chon̈b' Israel, palta comnoc matz 'och smul chon̈b' Judá. May cab' eb' 'anma tz'at yac' 'ejm sb'a 'a Guilgal, mto 'a jolm witz Bet-avén, may cab' mach tz'a'n sti 'a in b'i an Jehová pitzn in tic.

Os 8:14

A eb' israel cha, til wal jun tzo'n̈ yatut eb' rey xlaj sb'o eb', palta man̈x in nanoc yuj eb', tic pax an in b'ojnac eb'. A eb' 'aj Judá, til wal chon̈b' 'aych smuroal xlaj sb'o eb', palta 'oj wa'ch sc'a'l schon̈b' eb', yet' scuartel eb', xchi Dios.

Am 1:1

An Amos in tic, cajm in noc' 'a chon̈b' Tecoa, a yic 'aych win Uzías reyl 'a chon̈b' Judá, ax Jeroboam, yunnal Joás, a 'aych reyl 'a Israel. Chab'oct ab'il sjaw jun niwquil quixcab' 'a jun chon̈b' tic, 'ix yaln Dios 'ayin to tzwal jun tzo'n̈ paxti tic 'ixtc 'a yib'n̈ chon̈b' Israel.

Am 6:1

Ex syajlil Sión yet' ex syajlil Samaria, mayn̈j tas tze na'a yujto cojxn̈ej e nacion̈ 'ay yel'ch eyalni. Smasnil eb' eyit chon̈ab', tzlaj yic' 'ejm sb'a eb' 'ayex, palta caw 'oltac ex, yujto 'ay tas 'oj jawc 'a eyib'an̈.

Miqueas 1:5

'Oj ujc smasnil jun tzo'n̈ tic, yuj wal spitl eb' yin̈tl Jacob, yuj pax tas maysch'olnil 'ay 'a yol smacb'en Israel. Yujto 'a stenmtacl eb' yin̈tl Jacob cha, ata tzcheclj 'a chon̈b' Samaria. Ax 'a Jerusalén ata tzcheclj smul eb' 'aj Judá yic tz'och eb' 'emmquilal 'a jun tzo'n̈ comn dios.

Miqueas 3:9

'Ab'c jun tzo'n̈ tic ex syajlil chon̈b' Israel, ex to man̈ tojloc tzeyutj e b'onyaj eb' 'anma'.

Habacuc 1:1

An Habacuc in tic, schecb' in Jehová, in paxtin yet'oc.

A Schab'il Carta San Pedro 1:21

Yujto a eb' cha, may junc mun snajnac eb' 'a sjolom, stz'ib'n can eb'. Palta atn Dios si'jnac 'el eb'. Ax Yespíritu 'a'jnac nachjc 'el yuj eb', chajtl yutjnac eb' yaln can 'el spaxti cha, stz'ib'n can eb'.