Lv 2:11 - Chuj San Sebastian Bible

¹¹ A smasnil jun tzo'n̈ ofrenda tz'ajx 'ayn 'a tas tzc'uxxi, may cab' yich, 'ixta pax no yal chab', matz tac' yajx tz'a no 'icha xajmb'al-l 'a wojltac.

Chuj San Mateo Bible

¹¹ Masanil juntzan̈ ofrenda tzeyac' d'a Jehová d'a tastac svaji, malajocab' yich ayb'at d'a scal. Max yal-laj sn̈usjitz'a tas silab'il d'a yichan̈ Jehová tato ayb'at yich pan, ma noc' yalchab' d'a scal.

Lv 2:11 Iomraidhean Croise

Ex 23:18

A yic tzeya'n no xajmb'al 'ayin, man̈ eyac' no schiq'uil yet' 'ixm pan 'ay yich, man̈ e molcn xepual no xajmb'al chi yico'oc junc xo c'u.

Ex 29:25

Tzlajw cha, tza chan 'ec' jun tzo'n̈ tic 'a yol sc'ab' eb', tza'n tz'a 'a yib'n̈ yet'l xajmb'al, junn̈j tz'aj stz'a yet' no xajmb'al cha. A jun tic, caw wal wach' sjab' tzwab'i.

Ex 34:25

A yic tzeya'n no noc' xajmb'al-l 'ayin, man̈ eyac' no schiq'uil, yet' 'ixm pan 'ay yich. A no xajmb'al yic snanb'il cot eyel 'a libre, toto matz lajw schix no', matz tac' smolx can no yico'oc junx c'u.

Pr 24:13

Ex wunnal, tz'ub'c jac no yal chab', 'ab'c wal schil stz'ub'x no'.

Pr 25:16

A yic tz'ilchj no yal chab' eyu'uj, man̈ ex 'ec' 'a yib'n̈ e tz'ub'n no'; toto niwn no yalil chi tze tz'ub'u, 'oj e xej yuj no'.

Pr 25:27

Man̈ wach'oc toto niwn no yal chab' tzqui tz'ub'ec, an̈jtona' man̈ wach'oc toto tzqui nib'jec to niwn tzon̈ b'inaxc yuj eb' quit 'anma'il.

Lv 1:13

A mach tz'a'n no xajmb'al cha, yowlal a tzmaxn 'el no yol sc'ojol, no xub' yet' pax no yoc; ax win ya'mal 'och sti eb' 'anma cha, a tz'a'n tz'a no smasnil 'a yib'n̈ jun yet'l cha. A jun xajmb'al cha, caw wach' sjab' tzwab' an Jehová in.

Lv 6:10

Ax 'a junx sq'uin̈b'ial, a junc win ya'mal 'och sti eb' 'anma cha, yowlal tzya'ch win spichl caw wach', yet' scutin wex b'ob'il 'a te lino. Tzlajw cha, tzmoln chan̈ win stan̈il no noc' tz'ajx tz'a 'a yib'n̈ yet'l xajmb'al cha, tzsecn 'ejm 'a junc spac'b'il jun yet'l xajmb'al cha.

Mt 16:6

'Ix yaln Jesús 'ixtc 'a eb': —'Ab'ec, tzeyil wal e b'a. A wal yich span ewin fariseo yet' yich span pax ewin saduceo, caw 'ay smay tzex juw 'el yu'uj, xchi 'a eb'.

Mr 8:15

'Ix yaln Jesús 'ixtc 'a eb': —'Ab'ec, tzeyil wal e b'a, a wal yich span ewin fariseo, yet' yich span win Herodes, caw 'ay smay tzex juw 'el yu'uj, xchi 'a eb'.

Lc 12:1

A 'a jun 'el, til wal smil-l eb' 'anma 'ix syam sb'a 'a Jesús. Caw witz'n x'aj eb', xlaj stec' eb' yoc. Ax Jesús, 'ix b'ab'l aln 'a eb' scuywum chi 'ixtic: Tzeyil wal e b'a 'a yich span ewin fariseo, atn 'a schab'satl ewinac.

Lc 21:34

Tzeyac' wal cuenta e b'a, man̈ e cha pitb'oc e b'a yuj pec'al, yuj 'u'lan̈, mto yuj tzann̈j junc xo tas tzex 'och 'il yuj 'a yolyib'n̈q'uinl tic. Toto ma'ay, ax 'oj jawc jun c'u cha, man̈ listaoc eyaji.

A Tas Sc'ulejnac Eb' Schecab' Jesús Hechos 14:22

X'ec' eb' sjucb'tzoc eb' creyente 'a 'oxe chon̈b' cha. X'ec' yac' eb' snab'enoc eb'. 'Ix yaln eb' 'ixtc 'a eb': —Caw te'n tzeyutj e b'a eya'n 'och e c'ojl 'a Cajlil, yujto a yic mantzac on̈ c'ochc 'a yol sc'ab' Dios, yowlal niwn syal 'oj jawc 'a quib'n̈ec, xchi eb'.

Gl 5:9

Tze na coti, a jac yich pan, c'uxn tzpucb't 'a scal nan̈loc 'ixm harina.

A Sb'ab'el Carta San Pedro 4:2

Yuj cha, 'ixta cab' tzcutjec qui b'a, sec wach' 'oj qui b'oc 'icha tznib'j Dios, ya' sb'a 'ayn̈ect 'ec' 'a yolyib'n̈q'uinl tic. Man̈x 'oj qui b'oc 'icha tznib'j qui niwnalec tic.