Lv 14:3 - Chuj San Sebastian Bible

³ Tz'el win ya'mal 'och sti eb' 'anma chi 'a spatquil 'el camplamento yil jun ya'ay cha.

Lv 14:3 Iomraidhean Croise

Lv 13:46

A yic 'aych jun yab'il chi 'a 'a, yowlal tz'ijx 'el 'a scal 'anma', yujto 'ay smay jun yab'il cha, ata tz'at cancn 'el sch'ocj 'a spatc 'el camplamento.

Lc 7:22

Yuj cha, 'ix yaln Jesús 'a eb' schecb' Juan chi 'ixtic: —Paxn̈ec 'a Juan cha. C'uxn tzeyal 'a 'a, tastc xeyab'i, xeyil 'a tic. Tzeyaln 'a 'a, chajtlto 'ay eb' matz uj xon yilni, tzax stac' yiln eb' ticnec. A eb' coxo, tzax stac' sb'ey eb'. Ax eb' tzlaj c'a yuj lepra, tzlaj b'ox can sc'ojl eb'. 'Ay eb' chacan̈, tzax laj yab' pax eb', 'ay pax eb' chamnac, tzlaj 'ajx pitzwc pax eb'. Ax eb' meb'a', wan yalx wach' 'ab'x yic colnb'il 'a eb'.

Lc 4:27

An̈jtona', tze na cot pax yab'xil jun schecb' Dios Eliseo sb'i. Til wal eb' quit israelal yamchjnac yuj lepra. Palta may junc eb' b'oxnc yuj Eliseo cha, an̈j jun win man̈ israeloc 'aj Siria, Naamán sb'i, an̈j win b'oxnc yu'uj, xchi Jesús 'a eb'.

Mt 11:5

Tzeyal 'a 'a, chajtlto 'ay eb' matz uj xon yilni, tzax stac' yiln eb' ticnec. A eb' coxo, tztac' xo sb'ey eb'. A eb' tzlaj c'a yuj lepra, tzlaj b'ox can sc'ojl eb'. A eb' chacan̈, tzax laj yab' eb'. A eb' chamnac, 'ay eb' wan laj spitzw paxi. Ax eb' meb'a', wan yalx wach' 'ab'x yic colnb'il 'a eb'.

Mt 10:8

A eb' ya'ay yuj lepra, tz'ec' eyac' b'oxc eb'. Yet' pax jun tzo'n̈ xo eb' ya'ay, tzeyac' b'oxc sc'ojl pax eb'. Tzeya'n pax pitzwc eb' chamnac. An̈jtona', tz'ec' laj eyi'nc pax 'el ewin demonio 'a eb' 'anma'. Xe chaj jun e poder tic 'a nab'an̈ej, yuj cha, 'oj e colwj pax yet' 'a nab'an̈ej jun xo.

Job 5:18

Toto a tz'a'n lajwc junc mach, a pax tz'an̈tni; toto a tz'a'n 'och syailal junc mach, a pax tz'a'n b'oxc sc'ojol.

A Ch'an̈ Schab'il Libro Yic Yab'ixal Eb' Rey 5:14

Xlajw cha, 'ix 'at Naamán, uc 'ejm 'ix 'ejm 'a yojl a Jordán, 'icha 'ix yutj Eliseo yalni. 'Ix b'ox can sniwnal, 'icha wal sniwnal junc quelm 'unin, caw sac 'ix 'ajcni.

A Ch'an̈ Schab'il Libro Yic Yab'ixal Eb' Rey 5:3

'Ix yaln 'ix cob's 'unn chi 'a 'ix spatron̈ chi 'ixtic: —Comnoc tz'at win in patron̈ tic 'a jun win schecb' Dios 'ayc' 'a Samaria, toq'ue tzb'o jun lepra 'aych 'a win tic, xchi 'ix.

Ex 15:26

'Ix yaln Jehová 'a eb' 'ixtic: Toto tzeyiclj tas 'oj wal an Jehová e Diosal in tic, ax eyiclni tas 'oj yal in checnb'il yet' smasnil in ley, toto 'ixta', ma'oj wa' cot yab'il 'a eyib'an̈, 'icha 'ix wutj wa'n cot 'a yib'n̈ eb' 'aj Egipto, yujto an Jehová in tic, an 'oj ex wan̈toc, xchi 'a Moisés.

Lv 13:2

Toto 'ay junc 'anma tzmal chan̈ sniwnal, mto tzq'ue pochn̈joc yalil, mto c'on yab'il tzq'ue 'a 'a, mto tzchacb' chan̈ yu'uj, toq'ue lepra jun yab'il cha. Yowlal tz'ijx cot 'a Aarón, mto 'a jun tzo'n̈ xo eb' ya'mal 'och sti eb' 'anma', atn eb' yin̈tl Aarón.

Lv 14:48

Toto a yic tz'ochx win ya'mal 'och sti eb' 'anma chi yil jun n̈a cha, ax tzyilni to a jun c'uxmtac cha matz b'eyi, yictax 'ix b'ox can te n̈a cha, ax yaln b'i'an, chajtlto tox xb'ox can jun n̈a cha, yujto man̈x 'a jun yab'il chi 'a te'.