Lv 10:2 - Chuj San Sebastian Bible

² Yuj cha, x'elt c'ac' 'a yojltac Jehová, 'ix tz'a eb' yu'uj, 'ixta x'aj eb' scham 'a yojltac.

Chuj San Mateo Bible

² Yuj chi' ix elta c'ac' d'a yichan̈ Jehová chi' d'a eb' vin̈, ix tz'ab'at eb' vin̈, ix cham eb' vin̈ d'a yichan̈ Jehová chi'.

Lv 10:2 Iomraidhean Croise

A Ch'an̈ Schab'l Libro Samuel 6:7

Yuj cha, xcot yowl Jehová 'a win Uza, yujto scomn yamj win te scaxail strato Dios, yuj cha, xchamcn win 'a stz'ey te caxa chi muc'uc.

A Ch'an̈ B'ab'el Libro Yic Yab'ixal Eb' Rey 13:28

Xlajw cha, x'at winac, 'ix c'och win 'aj t'ocn 'ec' jun niwnal cha, ax no b'uru yet' no león cha, 'ayc' e no 'a stz'ey jun niwnal cha. A no león cha, mant 'a jac jun niwnal chi tox 'ix schi no', may pax 'ix yutj no b'uru cha.

A Ch'an̈ B'ab'el Libro Yic Yab'ixal Eb' Rey 18:38

Xlajw cha, 'ix cot jupnjoc c'ac' 'a satchan̈ yuj Jehová. 'Ix tz'a no xajmb'al, te c'atzitz, q'uen q'uen cha, man̈x 'a jac spoccal xcani. 'Ix tup pax chan̈ a a 'ay 'a yol san̈ja cha.

A Ch'an̈ Schab'il Libro Yic Yab'ixal Eb' Rey 1:10

'Ix ta'w Elías 'ixtic: —Toto schecb' in Dios an tic, cot cab' c'ac' 'a satcha'an̈, ax a tz'a yet' 50 a soldado tic, xchi. Yajn̈ej 'ix cot c'ac' 'a satcha'an̈, 'ix tz'a win capitan̈ yet' eb' 50 soldado cha.

A Ch'an̈ Schab'il Libro Yic Yab'ixal Eb' Rey 1:12

'Ix ta'w Elías 'ixtc 'a 'a: —Toto schecb' in Dios an tic, cot cab' c'ac' 'a satcha'an̈, ax a tz'a yet' 50 a soldado tic, xchi. 'Ix tz'a win capitan̈ yet' eb' 50 soldado cha.

1 Cr 13:10

Yuj cha, caw 'ix cot yowl Jehová 'a win Uza cha, 'ix smiln can cham Dios win ta', yujto 'ix 'och yamnjoc win 'a te caxa cha.

1 Cr 15:13

Yujto a 'a b'ab'el, man̈oc ex 'ijnac cot te', yuj cha, 'ix smiln cham Jehová qui Diosalec jun 'a eb' quitb'eymec cha, yujto ma'ix qui c'anb'j cab' 'a 'a, tas wach' xqui b'o'ec, xchi.

1 Cr 24:2

Palta ax Nadab yet' Abiú, b'ab'l chamnc eb' 'a smam, mant 'a yunnal eb' scham eb', yuj cha, cojxn Eleazar yet' Itamar x'och ya'malc 'och sti eb' 'anma 'a Dios.

Job 1:16

Mantzac lajw yaln win cha, 'ix jaw junx winac, xyaln 'a Job 'ixtic: —'Ix cot jun c'ac' 'a satchan̈ yuj Dios, 'ix tz'a e no calnelu yet' eb' yilmal e no'. Cojxn̈ej in 'elcni yic tzwul walnc ab' jun tic, xchi winac.

Salmos 50:3

'Oj jawc qui Diosalec, palta man̈toc sictac 'oj 'aj sjawi. 'Ay jun c'ac' b'ab'l sjaw yu'uj, a jun chi tzsatn 'el smasnil tas. Oyn 'och pax jun niwquil 'ic' 'a 'a.

Ex 24:1

'Ix yaln pax Jehová 'ixtc 'a Moisés: —Q'uen̈ta 'a 'aj 'ayn 'ec' an Jehová in tic, 'ij cot Aarón, Nadab, Abiú yet' pax 70 eb' yichm wincal chon̈b' Israel. A yic mantzac ex jaw 'a in tz'ey, najttac tzex cani, tzex 'em cumn eyaln e b'a 'ayn ta'.

Is 30:33

Pectix b'ob'il jun yet'l eb' 'aj Asiria chi yet' sreyl 'aj 'oj tz'a sniwnal eb', caw lewn sat, xab' pax yich, b'ut'n yet' c'atzitz. A Jehová a 'oj 'a'nc 'och sc'a'l yet' spaxti', 'oj n̈ilchjoc 'icha wal azufre.

Lv 10:5

'Ix c'och eb', xyi'n 'elt eb' sniwnal ewin chi 'a spatc 'el camplamento cha, 'icha xyutj Moisés yaln 'a eb'. A ewin chamnc cha, 'ayt 'och spichl ewin yic yopiso chi yu'uj.

Lv 16:1

A Jehová xpaxtin pax yet' Moisés, 'a yic tox xcham chawn̈ eb' yunnal Aarón, yujn̈ej to 'ix comn 'och eb' 'a yojltac Jehová.

Lv 9:24

'Ix 'elt c'ac' 'a yojltac Jehová, 'ix ya'n tz'a no xajmb'al yet' xepu, 'ix tz'a no smasnil. A yic xyiln smasnil eb' israel jun tic, caw x'el yaw eb' yuj tzaljc'ojlal, x'em n̈ojnjoc eb' masnto squil 'ejm eb' snan̈l sat 'a sat lu'um.

Nm 16:35

An̈jtona', 'ix ya' cot Jehová jun c'ac' 'a yib'n̈ eb' 250 'ix c'och 'a yojltac Jehová yet' stz'ab'c'ac', jun tzo'n̈ 'ay 'ejm incienso 'a yojol.

Nm 16:49

Wal 'a muc'uc, xcham chan̈lajn̈e mil yet' uque ciente eb' 'anma cha, chuc pax yaj eb' xcham yet' Coré yic 'ix 'och eb' 'ajc'ojlal 'a Moisés yet' 'a Aarón.

Nm 26:61

A Nadab yet' Abiú, atn eb' 'ix chami yic ya'n 'och eb' jun c'ac' man̈ wach'c 'a yojltac Jehová.

A Tas Sc'ulejnac Eb' Schecab' Jesús Hechos 5:10

Yajn̈j wal cha, xtelw pax 'ejm lan̈njoc 'ix 'a yojltac Pedro. 'Ix cham pax 'ix jun xo. Ax yic 'ix 'ochch eb' quelmtac winc cha, 'ix yiln eb', chamnc xo pax 'ix. Yuj cha, 'ix yi'n pax 'at ewinac, xit' smucnc pax ewin 'ix 'a stz'ey win yichmil cha.

A Tas Sc'ulejnac Eb' Schecab' Jesús Hechos 5:5

Xlajwn̈ej yab'n win Ananías jun tzo'n̈ tic, 'ix telw 'ejm lan̈njoc. 'Ix chami. Ax jantcn̈ej eb' x'ab'n speclal jun tic, caw 'ix xiw chan̈ eb'.

1 Co 10:11

Smasnil jun tzo'n̈ tas jawnc 'a yib'n̈ eb' qui mam quichm chi 'on̈, ch'oxnb'il yaj 'ayn̈ec. Tz'ib'b'il can jun tzo'n̈ chi 'a Ch'an̈ U'un̈, sec cojquec, to 'ay smay yoch qui mulec. Yujto an̈ec tic, 'ayn̈ecx 'ec' 'a jun slajb' tiempoal.

A Ch'an̈ B'ab'el Libro Samuel 6:19

Palta ax Dios, 'ix smil cham jun tzo'n̈ eb' 'aj Bet-semes cha, yujto say eb' yil tas 'ay 'a yojl te caxa cha. 'Ix cham 70 eb' winc chi yu'uj, a eb' 'anma 'a jun chon̈b' cha, caw wal tz'oc' eb' si'mb'il, yujto niwquil jun chaml chi x'och 'a scal eb' yuj Jehová.