Lv 1:9 - Chuj San Sebastian Bible

⁹ A mach tz'a'n no xajmb'al cha, yowlal a tzmaxn 'el no yol sc'ojol, no xub' yet' pax no yoc. Ax win ya'mal 'och sti eb' 'anma cha, a win tz'a'n tz'a no smasnil 'a yib'n̈ yet'l xajmb'al cha. A jun xajmb'al cha, caw wach' sjab' tzwab' an Jehová in.

Chuj San Mateo Bible

⁹ A mach tz'ac'an noc' silab' chi', yovalil a smaxan noc' yol sc'ool, sb'icanel noc' yoc, axo vin̈ sacerdote sn̈usantz'a jun silab' chi' smasanil d'a yib'an̈ altar. Suc'uq'ui sjab' jun silab' stz'a chi' syab' Jehová.

Lv 1:9 Iomraidhean Croise

Gn 8:21

Caw su'q'ui sjab' jun xajmb'al chi xyab' Jehová, yuj cha, snan 'ixtic: Man̈x 'oj in chacl lum lum tic yuj syaloc eb' 'anma tic, yujto yictax 'unn 'anma to eb', cojn maysch'olnil tznib'j eb' sb'o'. Man̈ yujoc cha 'oj to in satl smasnil tas pitzan, 'icha 'ix wutj tic.

2 Cr 4:6

An̈jtona', sb'on pax lajn̈e cotc pila to nab'a bronce 'aj tzb'icx smasnil tas tzc'anx 'a yic tz'ajx tz'a xajmb'al to tz'a smasnil; o'e tzcan 'a stojlal sur, ax o'e xo tzcan 'a stojlal norte. A 'a jun niwquil pila cha, ata tz'achn eb' ya'mal 'och sti eb' 'anma 'a Dios.

Salmos 51:6

Caw 'ay a chamc'ojlal 'a eb' to a yet' smasnil sc'ojol tzb'on stojlal, yuj cha, 'ac' wal a jelnal 'ayin.

Salmos 66:15

A no noc' caw b'a'ch yajx servil, a no 'oj wac' tz'a 'a yib'n̈ yet'l a xajmb'al. 'Oj wac' no mam wacax, no mam chiwo yet' pax no calnelu caw wach' sjab' tzab'i.

Ex 12:9

May xon jac tas tzeyax chi'ej, man̈ e tz'an̈ pax no 'a yol chen. Ton̈j tze b'oln̈j no smasnil: no sjolom, no yoc, yet' no yolsc'ojol.

Ex 29:18

'Ixta to b'i'an, tza'nq'ue no chib'j chi 'a yib'n̈ yet'l xajmb'al, yic tz'a no smasnil 'a wojltac yuj yi'nb'ilc chan̈ in b'i. A jun xajmb'al tic, caw wach' sjab' tzwab'i.

Ex 29:25

Tzlajw cha, tza chan 'ec' jun tzo'n̈ tic 'a yol sc'ab' eb', tza'n tz'a 'a yib'n̈ yet'l xajmb'al, junn̈j tz'aj stz'a yet' no xajmb'al cha. A jun tic, caw wal wach' sjab' tzwab'i.

Jeremías 4:14

Ex 'aj Jerusalén, 'ijec 'el smasnil tas tu 'ayc' 'a e nab'en, sec 'ixta 'oj eyaj e colchji. ¿B'a'n̈ wal 'oj eyactc e nan jun tzo'n̈ maysch'olnil?

Ez 20:28

A yic xwi'n 'och eb' 'a sat lum lum 'aj wa'jnac in ti wa'n 'a eb', cojn wal yic x'och eb' 'a lu'um, 'ix yiln 'och eb' lum tzalctac, eb' te te pim xi'il. Axta 'ix laj sn̈us eb' xajmb'al, xlaj ya'nc eb' yofrenda 'a jun tzo'n̈ sdiosal, atn jun tzo'n̈ chi tzuntzn cot yowl in c'ojl 'a yib'n̈ eb'. 'Ix ya'n tz'a eb' jun tzo'n̈ incienso, xlaj stob'n q'ue eb' jun tzo'n̈ yal uva 'a yib'n̈ jun tzo'n̈ cha.

Ez 20:41

A yic tox ex wij 'elt 'a jun tzo'n̈ nacion̈ cha, yet' 'a jun tzo'n̈ chon̈b' 'ajtil sactzicnac eyajcn 'at ticnec, ata 'oj in ch'ox eyila', to niwn wel'ch 'a e sat yet' 'a sat jun tzo'n̈ xo nacion̈. 'Oj ex in cha 'icha junc incienso to su'q'ui sjab'.

Ez 40:38

A 'a yojl 'och sti junjn puerta cha, ata 'ay junjn cuarto 'a sti corredor, ata tzb'icx 'el no noc' tz'ajx xajmb'alil.

Lv 1:13

A mach tz'a'n no xajmb'al cha, yowlal a tzmaxn 'el no yol sc'ojol, no xub' yet' pax no yoc; ax win ya'mal 'och sti eb' 'anma cha, a tz'a'n tz'a no smasnil 'a yib'n̈ jun yet'l cha. A jun xajmb'al cha, caw wach' sjab' tzwab' an Jehová in.

Lv 1:17

Tzyamx sc'axl no', tzjecchtax 'at sb'acl yich spatc no', palta matz poj snan̈l no 'a jun 'ejmn̈ej. Tzlajw cha, tz'ajx tz'a no 'a yib'n̈ te c'atztz 'ay q'ue 'a yib'n̈ yet'l cha. A jun xajmb'al cha, caw wach' sjab' tzwab' an Jehová in.

Lv 2:16

Ax junc eb' ya'mal 'och sti eb' 'anma', a tz'a'n tz'a jac 'ixm sat trigo cha, calb'il cab' yet' aceite yet' pax incienso, sec a tz'a'n naxc cot smasnil ofrenda chi tz'ajx 'ayin, xchi Dios.

Lv 2:2

Tzlajw cha, tzyi'n cot 'a eb' ya'mal 'och sti eb' 'anma', atn eb' yunnal Aarón. A junc eb' tz'i'n chan̈ jun jopoc 'ixm harina yet' aceite, yet' smasnil incienso, tzya'n tz'a jun ofrenda chi 'a yib'n̈ yet'l xajmb'al, yuj sch'oxn coti to a smasnil ofrenda cha, wic yaji. A jun cha, caw wach' sjab' tzwab' an Jehová in.

Lv 2:9

Ata tzyac' tz'a jac jun ofrenda cha, yuj snax cot smasnil ofrenda tz'a'i. A jun ofrenda cha, caw wach' sjab' tzwab' an Jehová in.

Lv 3:11

Ax win ya'mal 'och sti eb' 'anma cha, a tz'a'n tz'a smasnil 'a yib'n̈ yet'l xajmb'al, jun xajmb'al tzc'uxx tz'ajx tz'a 'a wojltac an Jehová in.

Lv 3:5

Ax win ya'mal 'och sti eb' 'anma cha, a win tz'a'n tz'a smasnil 'a yib'n̈ yet'l xajmb'al, junn̈j tz'aj stz'a yet' no xajmb'al wan stz'a 'a yib'n̈ te c'atztz cha. A jun xajmb'al cha, caw wach' sjab' tzwab' an Jehová in.

Lv 4:31

Tz'ijx 'el smasnil xepual no xajmb'al cha, 'icha tz'aj yijx 'el yic no tz'ajx xajmb'al-l yic junc'ojlal. Tz'ajx tz'a 'a wojltac an Jehová in, caw wal wach' sjab' tzwab'i. 'Ixta tzyutj win ya'mal 'och sti eb' 'anma chi sb'on jun xajmb'al cha, sec tz'ajx lajwc smul jun 'anma cha.

Lv 6:14

A jun tzo'n̈ checnb'il tzalx tic, atn tas tz'aj yajx ofrenda tz'ijx 'el 'a 'ixm sat trigo mto 'ixm cebada. A eb' ya'mal 'och sti eb' cha, a eb' tz'i'n 'och 'a wojltac an Jehová in, 'a 'aj 'ayc' yet'l xajmb'al.

Lv 8:21

smaxn 'el no sch'an̈quin, no xub' yet' no yoc. Xya'n tz'a smasnil 'a yib'n̈ yet'l xajmb'al. Caw wach' sjab' jun ofrenda chi xyab' Jehová, 'icha wal xyutj yaln 'a Moisés.

Lv 8:28

Xlajw cha, xyi'n 'ec' pax Moisés smasnil jun tzo'n̈ tic 'a yol sc'ab' eb', xya'n tz'a smasnil 'a yib'n̈ yet'l xajmb'al, junn̈j x'aj stz'a yet' no xajmb'al cha, yuj yochnb'ilc eb' 'a yopiso. Caw wach' sjab' jun tzo'n̈ chi xyab' Jehová.

Lv 9:14

'Ix smaxn win no sch'an̈quin, no xub' yet' no yoc, xya'n q'ue 'a yib'n̈ no wan xon stz'a cha.

Zacarías 13:7

A Jehová tztac' yuj smasnil, a tzaln 'ixtic: 'Ijx cab' q'ue wan q'uen espada yuj smilx cham jun mach 'icha yilmal in calnelu yaji, to junn̈j yaj wet'oc. 'Oj milx chamoc, ax sactzic can eb' 'icha 'in calnelu yaj cha. Ax eb' 'icha to may yip 'oj canoc, 'oj woch 'ac'ojlal 'a eb'.

Nm 15:3

tzeyac' junc no quelm wacax, mto junc no cob's calnelu xajmb'al-l 'ayn an Jehová in, tzeya'n tz'a no 'a wojltac, yujto wach' sjab' tzwab'i, tzeyac' 'ayn yuj eya'n 'el'choc junc e ti', mto ton̈j tz'el 'a e c'ojl eya'ni, mto tzeyac' pax yuj junc q'uin̈.

Nm 28:11

A 'a b'ab'l c'u yic junjn 'uj, tz'ajx chawn̈oc no quelm wacx xajmb'al-l 'ayn an Jehová in, tz'ajx pax junc mam calnelu yet' ucwn̈oc no quelm calnelu junjn ab'il sq'uinal, no may spaltail.

Nm 28:7

Ax pax ofrenda tz'ajx 'a te yal uva, junjn litro tz'ajx yet' no calnelu tz'ajx tz'a cha. A jun yal uva cha, ata tzicx 'och 'a in cajnub' yic tz'ijx chan̈ in b'i.

Nm 28:8

Ax no schab'l calnelu cha, a 'a yemc'ul tz'ajx tz'a no', tz'ajx pax tz'a harina yet' yal uva, 'icha wal tz'aj no b'ab'l cha. A jun tzo'n̈ ofrenda cha, tz'ajx tz'a 'a wojltac an Jehová in, to wach' sjab' tzwab'i.

2 Co 2:15

'Icha sjab' junc incienso tzyac' Cristo 'a Dios, caw su'q'ui sjab', 'ixta 'on̈ec, yic tz'ec' caln 'el yab'xil 'a scal eb' wan scolchji, yet' 'a scal eb' wanto satq'ui.

Ef 5:2

Qui ch'oxc qui chamc'ojlal 'a junjn c'u, yujto 'ixta on̈ yutj Cristo on̈ schamc'ojlanec, yic ya'n cham sb'a cujec. 'Icha no calnelu milb'il cham xajmb'alil, wach' sjab' 'a Dios, tzalj yet'oc, 'ixta x'aj Cristo smilx cham cujec.

Dt 12:27

Ax 'a yib'n̈ jun yet'l xajmb'al yic Jehová qui Diosalec, ata tze n̈us e no noc' tzeyac' xajmb'al-l cha. Ax schic'l e no', tze secn 'ejm 'a yich yet'l xajmb'al yic Jehová, ax schib'jal no cha, tztac' e chin no'.

A Scarta San Pablo D'a Eb' Aj Filipos 4:18

An xo tic, man̈x jantcoc tas xin cha'aj, 'ay pax tzyac' sobra ticnec. A jun e colwal xwul yac' Epafrodito tic, caw colb'iln̈ej tzcolwj 'ayin. 'Icha junc tas tz'ajx 'a Dios, caw su'q'ui sjab', mto junc xajmb'al caw wach', 'ixta jun e colwal tic, caw tzalj Dios yet'oc.