Lv 1:3 - Chuj San Sebastian Bible

³ Toto wacx no tzyac' xajmb'al-l cha, a wal junc no quelm wacx caw wach' may spaltail, a tzyij cot 'a wojltac 'a yamq'uil Mantiado.

Chuj San Mateo Bible

³ Tato vacax noc' tze n̈ustz'a silab'il chi', yovalil a junoc noc' toro malaj spaltail tzeyic'coti. A jun silab' stz'ai, a jun chi' to stz'ab'at noc' noc' chi' smasanil. A d'a yichan̈ mantiado b'aj sch'ox sb'a Jehová, ata' tzeyac'och silab' chi' yic vach' schaji yuj Jehová.

Lv 1:3 Iomraidhean Croise

Gn 22:13

Xlajw cha, xyiln 'at Abraham to sut'n can sch'ac jun no calnelu 'a scal q'ui'ix. Yuj cha, 'ix 'at yi'nc cot win no calnelu cha, 'ix ya'n tz'a win no xajmb'al-l sjelc win Isaac.

Gn 22:2

'Ix yaln Dios 'a Abraham 'ixtic: —'Ij 'at jun c'otn̈ win onnal Isaac, win caw chamc'ojlb'il o'oj, tzach 'at 'a lum Moriah. A yic tzach c'och 'a sjolm lum tzaln 'oj in ch'ox 'ayach, tza'n tz'a win xajmb'al-l 'ayin, xchi Dios 'a winac.

Gn 22:8

'Ix yaln Abraham 'ixtic: —A Dios 'oj 'a'nc no calnelu 'oj 'och xajmb'al-l ach wunnal, xchi 'a winac: 'Ix b'ey't to eb' 'a yojltac.

Gn 8:20

'Ix sb'on Noé jun yet'l xajmb'al 'a yojltac Jehová, 'ix yi'n cot win no noc' yet' no ch'ic wach' yoch xajmb'alil. Junjn 'a junjn c'aj no', xya'n tz'a win e no 'a yib'n̈ yet'l xajmb'al.

2 Cr 29:32

A no mam wacx xyij cot eb' chon̈ab', 70 sb'isl no', jun ciente no mam calnelu, chab' ciente no quelm calnelu, yic tz'ajx tz'a no xajmb'al-l smasnil 'a Jehová.

2 Cr 35:12

tzyi'n 'el eb' no xepual xajmb'al to tz'a smasnil, tzpojn 'ec' eb' 'a junjn macn̈ eb' to yican sb'a, yic tzya'n eb' 'a Jehová, 'icha yaj stz'ib'xcan 'a ch'an̈ libro yic Moisés. An̈jtona', 'ixtnta xyutj eb' sb'on no wacax.

Salmos 110:3

A yic 'oj a'nc owal, mun xoj 'oj wul ya'ch sb'a eb' a chon̈b' et'oc. 'Icha wal tz'aj 'ejm chicb'chan̈ 'a yic sq'uin̈b'ial, 'ixta wal 'oj 'aj sjaw ewin quelmtac 'a a tz'ey 'a lum tzaln yic emmquilal.

Salmos 40:8

Caw tzchaj in c'ojl in b'on tas tza nib'ej, molb'il a checnb'il wuj 'a in nab'en, xin chi 'ayach.

Ex 12:5

A no noc' cha, yowlal cab' jun ab'il xo sq'uinl no', no may spaltail 'a sniwnal, wach'xam chiwo mto calnelu, cojn toto smam no'.

Ex 24:5

Yajn̈j wal cha, 'ix yaln 'a jun tzo'n̈ eb' quelmtac winac to tzmil cham eb' no quelm wacax, yic tz'och no xajmb'alil, yet' xajmb'al yic junc'ojlal tz'ajx 'a Jehová.

Ex 29:18

'Ixta to b'i'an, tza'nq'ue no chib'j chi 'a yib'n̈ yet'l xajmb'al, yic tz'a no smasnil 'a wojltac yuj yi'nb'ilc chan̈ in b'i. A jun xajmb'al tic, caw wach' sjab' tzwab'i.

Ex 29:4

Tzlajw cha, tze'n 'at Aarón yet' eb' yunnal 'a yol sti Mantiado 'a 'aj tzin chaj in b'a eyet'oc, tzaln 'a eb' to tz'achn can eb' ta'.

Ex 29:42

A jun tzo'n̈ ofrenda tz'ajx tz'a 'a wojltac cha, 'oj ya'n̈j Aarón yet' eb' yin̈tl b'aq'uin̈. 'Oj ya'n̈j 'och 'a wojltac 'a yol Mantiado 'a 'aj tzin chaj in b'a eyet'oc yic tzin paxtin eyet'oc.

Ex 32:6

Ax 'a yic sacb' 'el 'a junx c'u cha, smasnil eb' 'anma cha, 'ix yac' eb' tz'a no noc' xajmb'aloc. Xya'n pax eb' xajmb'al yic junc'ojlal. Xlajw xoj cha, 'ix laj 'em wocn eb' 'anma chi swa'i, xlaj yu'nc eb' tas tzyuq'uej, axn wal cha, xlaj q'ue b'uynjoc eb' stzalji, xlaj ya'nc eb' chan̈al, xlaj sb'on eb' tas maysch'olnil 'a yojltac sdiosal cha.

Ex 35:21

Xlajw cha, 'ay eb' caw 'ix tzalj chan̈ spixn yuj jun tzo'n̈ paxti cha, 'ix laj yi'noc cot eb' yofrenda chi 'a Jehová yuj sb'omb'il jun scajnub' Dios, atn 'aj tzchaj sb'a yet' eb' 'anma'. 'Ix yij cot eb' smasnil tas tzc'anxi, yet' pax yic te pichl wach' yilx cha.

Ex 35:29

Smasnil eb' israel cha, yet' wal smasnil sc'ojl eb' xcolwj eb' 'a jun munljel xyac' Jehová b'o'oc, eb' winac yet' eb' 'ix 'ix, xcolwj eb' smasnil. Yuj cha, c'uxn 'ix yac' eb' yofrenda chi smasnil 'a Jehová.

Ex 35:5

To tzeyac' junc eyofrenda 'a Jehová, 'a'c wal 'a smasnil e c'ojol. E masnil ax tzeyac' eyofrenda cha, tztac' eyi'n cot jun tzo'n̈ tic: Oro, plata, bronce; te q'uic'mucnac ch'al, te púrpura, te chac, te lino caw wach', no xil chiwo ch'umb'il; no stz'umal calnelu chac yaj sb'o'i, no tz'um caw tzlab'b'i, te acacia, aceite tzc'anx 'a cantil, jun tzo'n̈ perjuma tz'at 'a scal aceite tzc'anlb'axi yic 'ay junc tas tz'ochcn yico'oc Dios; q'uen cornalina yet' jun tzo'n̈ xo q'uen q'uen wach' yilxi, yujto a eb' q'uen 'oj 'och 'a te efod, atn te camx chaleco, yet' te smacl yic sn̈i sc'ojl spichl win sat ya'mal 'och sti eb' 'anma 'a Dios.

Ex 36:3

A ewin xchan smasnil jun tzo'n̈ ofrenda xyij cot smasnil eb' yit israelal eb' cha, xyaln Moisés 'a ewinac to tz'el yich sb'o scajnub' Dios. Ya' sb'a cha, caw wal 'ay stzaljc'ojlal eb' 'anma yi'n cot yofrenda 'a junjn sq'uin̈b'ial.

Ex 38:1

A yet' te 'a'nte acacia, ata xyac' Bezaleel b'o junx yet'l 'aj tz'a no xajmb'al. Lajn x'aj spac'b'il 'a schan̈il, cha'chb' metro yet' 25 centímetro x'aj junjn spac'b'il cha, jun metro yet' 25 centímetro x'aj ste'il.

Is 1:11

'Ix yal Jehová 'ixtic: A jun tzo'n̈ e xajmb'al tzjaw ch'ucn 'a wojltac, man̈x 'a tz'och wu'uj. 'Ix q'ue syoch'l no calnelu tzeyac' xajmb'al-l 'ayin, yet' xepual no noc' caw b'aq'uech. Man̈xtzac in nib'j schic'l no quelm wacax mto yic no mam calnelu yet' yic no chiwo.

Ez 20:40

An Jehová Yajl in, an tzwal 'ixtc 'a smasnil eb' israel: A lum niwquil tzaln wic yaj 'a chon̈b' Israel, ata 'oj wul eya'x 'ejm e b'a 'ayin. 'Oj ex in cha ta', 'oj in c'an jun tzo'n̈ ofrenda 'ayx ta', ax eyi'n cot sb'ab'l sat tas 'awb'il eyu'uj, yet' smasnil tas to wic xon yaji.

Ez 40:39

Ax 'a yojl 'och cha, ata 'ay chan̈e niwc mexa, cha'chb' 'a junjn pac'. A 'a yib'n̈ te mexa chi tzmilx no xajmb'al tz'ajx tz'a'oc yet' no tz'och stojloc mul.

Lv 1:10

Toto calnelu mto chiwo no tz'ajx xajmb'al-l cha, yowlal a junc no smam tzyac' junc mach cha, no may spaltail.

Lv 14:10

Ax 'a yucb'ixial, tzyi'n cot chawn̈oc no quelm calnelu, yet' pax junc no cob's calnelu jun ab'il sq'uinal, e no may spaltail. Tzcot pax 'oxlajn̈ec libra 'ixm harina caw wach' calb'il yet' aceite, tz'ajx ofrendail, yet' pax 'oxe'oc octavo aceite.

Lv 16:7

Tzlajw cha, tzyi'n cot e no mam chiwo chi schawn̈il 'a wojltac an Jehová in, 'a yojltac Mantiado cha.

Lv 17:4

toto man̈oc ta tzmil 'a yamq'uil Mantiado 'aj tzin chaj in b'a eyet'oc, a jun 'anma cha, yowlal tz'ijx 'el 'a e cal. A jun chi tzcochcn smuloc, yujto ton̈j tz'elcn schic'l no noc' chi yuj ta'.

Lv 17:8

Tzaln pax junx tic 'a eb': Tzann̈j israelal mto eb' chuc chon̈b'al cajn 'a e cal, toto 'ay xajmb'al tznib'j yac' tz'a'oc, mto junc xo xajmb'al,

Lv 17:9

toto matz yij cot 'a yamq'uil Mantiado 'aj tzin chaj in b'a eyet'oc, yic tz'ajx 'och 'a wojltac an Jehová in, a junc mach 'ixta tzb'o cha, yowlal tz'ijx 'el 'a e cal.

Lv 23:12

A 'a jun c'u yic tzeya'n 'ixm cha, a pax ta tzeyac' junc no quelm calnelu xajmb'al-l 'ayin, junc no jun ab'il sq'uinal, no may spaltail. A jun xajmb'al tz'a cha, caw wal wach' sjab' tzwab' an Jehová in.

Lv 23:18

A yet' 'ixm pan cha, yowlal tz'ajx ucwn̈ no quelm calnelu xajmb'alil, no junjn ab'il sq'uinal, no may spaltail, jun quelm wacax yet' chawn̈ mam calnelu. A jun tzo'n̈ noc' cha, tz'ajx tz'a 'a wojltac, yujto wach' sjab' tzwab'i, tz'ajx pax harina yet' yal uva ofrendail yet' e no'.

Lv 3:1

Xyaln pax Dios 'ixtc 'a Moisés: Toto 'ay mach tz'a'n junc no nun wacax, mto junc quelm wacx xajmb'al-l yic junc'ojlal 'a wojltac an Jehová in, a no noc' cha, yowlal may spaltail no'.

Lv 4:15

Ata tzyac' q'ue eb' yichm wincal chon̈b' sc'ab' 'a sjolm no'. Tzlajw cha, tzmiln cham eb' no 'a wojltac an Jehová in.

Lv 4:23

A yic tznachj 'el yu'uj chajtlto x'och smul, yowlal tzyij cot junc no mam chiwo xajmb'alil, junc no may spaltail.

Lv 4:3

Q'uinloc a win sat ya'mal 'och sti eb' 'anma tz'och smul, a smul cha tz'och pax smulc eb' chon̈ab'. Toto 'ixta', yowlal tzyac' win junc no quelm wacx may spaltail xajmb'al-l 'ayn an Jehová in yuj smul cha.

Lv 4:32

Toto calnelu no tzyij cot jun mach tz'a'n jun xajmb'al cha, a junc no nun calnelu may spaltail tzyij coti.

Lv 5:15

Q'uinloc 'ay mach man̈ sc'anc sc'ojl tzya'ch smul, yic matz yac' tas to wicn̈ej yaj an Jehová in, a jun cha, yowlal tzyij cot junc no mam calnelu may spaltail 'a wojltac, yic tz'och no xajmb'al-l yuj stojloc smul cha. A no tzyij cot 'ayn cha, yowlal tznaxi jantc tz'el'ch stojl no 'a q'uen plata, 'icha q'uen 'echtab' tzc'anx 'a in cajnub'.

Lv 5:18

Yuj cha, yowlal tzyij cot junc no mam calnelu may spaltail 'a junc win ya'mal 'och sti eb' 'anma'. A no tzyij cot 'ayn cha, yowlal tznaxi jantc tz'el'ch stojl no', a win ya'mal 'och sti eb' 'anma cha, a 'oj 'a'nc 'och jun xajmb'al cha. 'Ixta 'oj 'aj yajx lajwc smul jun 'anma cha, 'a yic man̈ sc'anc sc'ojl tzb'o'o.

Lv 6:2

Q'uinloc 'ay mach tz'och smul 'a wojltac an Jehová in 'a tzann̈j tas 'a jun tzon̈ 'oj wal tic, yowlal tzyac' junc xajmb'al yuj jun tzo'n̈ tic: yuj tzyixtj junc yit 'anma'il yuj junc tas tzcan 'ab'enal 'a 'a, yuj tzyel'j junc tas, yuj yi'n 'ec' junc tas yic tzyixtn jun yit 'anmal cha, yuj tzsic' junc tas, tzlajw cha, tzte'wtzan sb'a yalni to may tas tzyila, yuj tzcomn alj junc paxti man̈ yeloc, mto yuj junc xo maysch'olnil tzb'o 'icha jun tzo'n̈ tic.

Lv 6:8

'Ix yaln Jehová 'ixtc 'a Moisés:

Lv 7:16

Palta toto a junc xajmb'al cha, tz'ajx yuj ya'n 'el'choc junc mach sti', mto ton̈j tz'el 'a sc'ojl tzyac'a, a jun tzo'n̈ cha, tztac' schix to 'a junx c'u.

Lv 8:18

'Ix ya'n pax Moisés 'ijxoc cot no mam calnelu tz'ajx tz'a smasnil xajmb'alil, ax Aarón yet' eb' yunnal, xyac' q'ue eb' sc'ab' 'a sjolm no'.

Lv 8:21

smaxn 'el no sch'an̈quin, no xub' yet' no yoc. Xya'n tz'a smasnil 'a yib'n̈ yet'l xajmb'al. Caw wach' sjab' jun ofrenda chi xyab' Jehová, 'icha wal xyutj yaln 'a Moisés.

Lv 9:2

'Ix yaln 'a Aarón 'ixtic: 'Ij cot junc no quelm wacax, yic tz'och no xajmb'al-l yuj yajx lajwc a mul, yet' junc no mam calnelu, tza'n tz'a no xajmb'alil, no may spaltail, tz'a'n 'och no 'a yojltac Jehová.

Zacarías 13:7

A Jehová tztac' yuj smasnil, a tzaln 'ixtic: 'Ijx cab' q'ue wan q'uen espada yuj smilx cham jun mach 'icha yilmal in calnelu yaji, to junn̈j yaj wet'oc. 'Oj milx chamoc, ax sactzic can eb' 'icha 'in calnelu yaj cha. Ax eb' 'icha to may yip 'oj canoc, 'oj woch 'ac'ojlal 'a eb'.

Malaquías 1:14

An tic Rey in niwn wel'chi, smoj xiw smasnil nacion̈ 'ayin. A eb' tzta'wj sti ya'n junc scalnelu xajmb'al-l 'ayin, no may spaltail, ax tz'aji, tzjeln eb', ax junc no 'ay spaltail tzyac' eb' 'ayin, a jun tzb'o eb' cha, caw wal catb'tzab'il, xchi Jehová tztac' yuj smasnil.

Nm 15:3

tzeyac' junc no quelm wacax, mto junc no cob's calnelu xajmb'al-l 'ayn an Jehová in, tzeya'n tz'a no 'a wojltac, yujto wach' sjab' tzwab'i, tzeyac' 'ayn yuj eya'n 'el'choc junc e ti', mto ton̈j tz'el 'a e c'ojl eya'ni, mto tzeyac' pax yuj junc q'uin̈.

Nm 15:8

Toto quelm wacx no xajmb'al cha, 'ajx cab' tz'a no', yic tzeya'n 'el'choc junc e ti', mto xajmb'al yic junc'ojlal.

Nm 19:2

An Jehová in, an tzwac' jun checnb'il tic: Alc jun tic 'a eb' eyit israelal, to tzyij cot eb' junc no cob's wacx chac yilxi, tzya'n eb' 'ayex, no may spaltail, no mant 'a 'aj tzq'ue te yugo 'a sjolom.

Nm 23:19

A Dios man̈ lajnoc 'icha eb' 'anma'. Matz yac' 'es, matz jel snab'en. Toto 'ay junc tas tzyala, tz'el'chn̈ej yu'uj. May 'aj tz'ec' tas tzyala.

Nm 23:27

Xlajw cha, 'ix yaln pax Balac 'a Balaam 'ixtic: —Lem, con̈ wet' 'a junc xo lugar, toq'ue ata 'oj scha sc'ojl Dios a catb'tzan can chon̈b' Israel cha, xchi.

Nm 23:3

Xlajw sb'o yuj eb', 'ix yaln Balaam 'ixtc 'a Balac: —Wach' ajcn 'a stz'ey jun tzo'n̈ xajmb'al tic, ya' sb'a 'oj 'at wila', toto 'oj jawc Jehová paxtinc wet'oc, ax waln 'aych muc'uc tas 'oj yutc yaln 'ayin, xchi 'a 'a. Xlajw cha, 'ix 'at Balaam 'a sjolm jun lum witz may ste'al.

Nm 23:30

'Ix sb'o Balac 'icha wal xyutj Balaam yalni, jun quelm wacax yet' jun mam calnelu, 'ix ya'n q'ue 'a yib'n̈ junjn yet'l xajmb'al cha.

Nm 28:11

A 'a b'ab'l c'u yic junjn 'uj, tz'ajx chawn̈oc no quelm wacx xajmb'al-l 'ayn an Jehová in, tz'ajx pax junc mam calnelu yet' ucwn̈oc no quelm calnelu junjn ab'il sq'uinal, no may spaltail.

Nm 28:19

Tzeya'n tz'a e xajmb'al 'a wojltac, chawn̈ no quelm wacax, jun mam calnelu yet' ucwn̈ no quelm calnelu junjn ab'il sq'uinal, no may spaltail.

Nm 28:31

A yet' jun tzo'n̈ xajmb'al cha, tzeyac' pax 'ixm harina ofrendail yet' yal uva, tzeya'n pax no xajmb'al to tz'ajx 'a junjn c'u. A smasnil no noc' cha, may cab' spaltail e no'.

Nm 29:13

A 'a jun b'ab'l c'u q'uin̈ cha, ata tzeyac' e xajmb'al tz'ajx tz'a 'a wojltac, to wach' sjab' tzwab'i. Tzeyac' 'oxlajn̈wan̈ no quelm wacax, chawn̈ mam calnelu, yet' chan̈lajn̈wan̈ no quelm calnelu junjn ab'il sq'uinal, no may spaltail.

Nm 29:2

Tzeya'n tz'a pax e xajmb'al 'a wojltac an Jehová in, atn jun tzo'n̈ caw wach' sjab' tzwab'i: jun quelm wacax, jun mam calnelu yet' ucwn̈ no quelm calnelu, atn e no may spaltail.

Lc 1:35

—A spoder Yespíritu Dios, atn jun yel xo niwn yel'ch cha, a 'oj 'emlc 'a eb'n̈ 'icha sjaw junc 'asun. Yuj cha, a jun 'unn 'oj 'aljoc cha, yicn̈ej Dios 'oj 'ajoc. 'Oj alxc yu'uj, chajtlto Yunnal Dios.

Jn 1:36

Ax 'ix yiln 'ati, wan yec' Jesús. Yuj cha, xyaln 'ixtic: —'Iltec, a jun tz'ec' cha, 'icha yopiso junc quelm calnelu, 'ixta yopiso yuj Dios, xchi.

Jn 10:7

'Ix yaln pax Jesús 'ixtc 'a eb': —Wal yel tzwal 'ayex, 'icha sti jun col-l 'aj tz'och no calnelu, 'ixta 'in.

Jn 10:9

An tic, lajn in yet' sti colal. A eb' tz'och wu'uj, 'oj colchjoc 'el eb'. 'Icha junc calnelu tz'och 'a yol scolal, tz'el paxta, tz'at saync wa sb'a, 'ixta 'oj 'aj eb'.

2 Co 8:12

Toto tz'el 'a qui c'ojlec ca'n cofrenda, caw tzalj Dios yet'oc, a tzyala tas 'ay 'ayn̈ec. Matz c'ana, toto may tas 'ay 'ayn̈ec.

2 Co 9:7

Junjn on̈ec, yowlal tzca'c 'icha tzqui nac yet' qui nab'en. Man̈ cusc'ojlaloc tzcutj ca'ni. Man̈ yujoc tzqui na'a, to tzon̈ 'ajx pural tzca'ni, yujto a Dios, tzchamc'ojlan eb' tzalji tzya'n yico'.

Ef 2:18

Yuj cha, wach'xam israel on̈ec, wach'xam ma'ay, yuj Cristo 'ayx calnec quic caln qui b'a 'a qui Mam Dios ticnec, yujto junn̈j Yespíritu xya' cot 'ayn̈ec.

Ef 5:27

'Ixta on̈ yutjec an̈ yiglesia on̈ec, sec caw wach'n̈ec 'a sat, yic 'oj qui c'ochc 'a yojltac. Yuj cha, a wal ta', man̈x 'a qui tu'al, qui maysch'olnilal. Man̈x 'a junc tas 'aych 'a qui pixnec. An̈j wal 'a 'oj ca'c 'och qui nab'en. Man̈x 'a jac qui paltailec ta'.

Dt 12:27

Ax 'a yib'n̈ jun yet'l xajmb'al yic Jehová qui Diosalec, ata tze n̈us e no noc' tzeyac' xajmb'al-l cha. Ax schic'l e no', tze secn 'ejm 'a yich yet'l xajmb'al yic Jehová, ax schib'jal no cha, tztac' e chin no'.

Dt 15:21

Palta toto 'ay spaltail no', coxo, mto may yol sat no', mto 'ay tas palta 'a sniwnal no cha, man̈ eyac' no xajmb'al-l 'a Jehová qui Diosalec.

Dt 17:1

A no wacax, no calnelu mto no chiwo 'ay tas palta 'a sniwnal, man̈ eyac' no xajmb'al-l 'a Jehová qui Diosalec. A jun tzo'n̈ noc' cha, yajb'il no yuj Jehová.

A Ch'an̈ Carta D'a Eb' Hebreo 7:26

Yuj cha, atn jun sat ya'mal 'och qui tic 'a Dios, caw 'ay yopiso 'ayn̈ec. Caw wach'n̈ej. May jac maysch'olnilal 'aych 'a 'a. May pax jac smul. Caw man̈ lajnoc sb'eyb'al 'icha eb' 'ajmul. Yel xo niwn yel'ch 'a yib'n̈ jantcn̈ej tas 'ay 'a satcha'an̈.

A Ch'an̈ Carta D'a Eb' Hebreo 9:14

Toto 'ixta yopiso schic'l no noc' cha, ocxom wal schic'l Cristo. A Yespíritu Dios 'ayc' 'a smasnil tiempo. Yu'uj, ya'jnac sb'a Cristo xajmb'al-l 'a Dios, 'icha junc xajmb'al may spaltail. Yuj cha, a schic'l chi tzsacb'tzan qui nab'enec 'a jun tzo'n̈ maysch'olnil tz'i'n cot chaml 'a quib'n̈ec. Yuj cha, a ticnec, tztac' ca'nec servil Dios pitzan.