Lm 5:5 - Chuj San Sebastian Bible

⁵ 'Ayn̈j 'och eb' 'ajc'ojl on̈ spechn b'eyc'oc on̈, caw tzon̈ c'unb' quec' on̈, palta matz nib'j eb' tzon̈ 'ilj xon jab'oc.

Chuj San Mateo Bible

⁵ Ayn̈ejoch eb' ajc'ol on̈ spechan b'eyec'oc. Tzon̈ te c'unb'i, palta maxtzac yal quic'an jab'oc quip yujto ijanoch eb' d'a co patic.

Lm 5:5 Iomraidhean Croise

Jeremías 27:2

'Ix yaln 'ixtic: B'o jaye'oc lasu yet' junc te yugo, tzlajw cha, tza'n 'och 'a a jaj.

Jeremías 27:8

Toto 'ay junc nacion̈ chi ma'oj ya'ch sb'a 'a yaln̈ schecnb'il Nabucodonosor cha, an Jehová in, an tzwala, to 'oj wa'ch yailal 'a yib'an̈, atn owal, wejel, yet' yab'il, masnto 'oj satl eb' yu'uj.

Jeremías 28:14

An Jehová in, tztac' wuj smasnil, sDiosal in Israel, an tzwala: 'Ix wa'ch wal jun yugo to nab'a hierro 'a yib'n̈ jun tzo'n̈ chon̈b' tic yic tz'och eb' mosoal 'a win Nabucodonosor cha. An̈jtona e no calte'al noc', 'ix wa'cn 'och e no 'a yaln̈ schecnb'il jun rey cha, xchi Jehová, xa chi 'a 'a, xchi Dios 'ayin.

Jeremías 51:58

An Jehová in, tztac' wuj smasnil, an tzwala: To a jun smuroal Babilonia caw wal pim yaji, 'oj lan̈chjoc can 'ejm 'a jun 'ejmn̈ej, yet' jun tzo'n̈ spuertail to caw wal niwac, c'uxn 'oj tz'aoc. Nab'an̈ej wal munljnac 'och jun tzo'n̈ nacion̈ 'a 'a. A jantc munljel 'aj c'unb'nac eb', ton̈j 'oj tz'aoc, xchi.

Lm 1:14

'Ix yil Dios to caw x'och qui mul on̈, yuj cha, mun a qui mul chi on̈ jaln 'ejm on̈. A jun cha, caw wal 'al yaj q'ue quiln 'a quib'n̈ 'icha junc 'icatz, caw wal tz'el quip yuj on̈. Tox on̈ ya'ch Cajlil 'a yol sc'ab' eb' 'ajc'ojl yajch 'ayn̈ on̈. Caw wal man̈x 'ic stac' qui coln qui b'a 'a eb' on̈.

Lm 1:3

A eb' 'aj Judá, caw wal ya tzyab' eb' yujto ya munljel 'aj 'aych eb', 'ix 'ijx 'at eb' 'icha presoal. A ticnec, 'ayx 'ec' eb' 'a scal jun tzo'n̈ xo nacion̈, toxn matz 'ilj xon eb' jac smunlji. 'Ayx 'ec' eb' 'a scal yailal, 'ix yamchj eb' yuj eb' tzpechn b'eyc'oc.

Lm 4:19

A eb' tzon̈ pechn b'eyc'oc on̈, yel xo jeln sb'ey eb' 'a no c'u'm tz'ec' 'a satcha'an̈. Tzon̈ spech eb' 'a lum jolmctac witz on̈, tzon̈ smac eb' 'a lum cusltac lum on̈.

Miqueas 2:3

Yuj cha, tzyaln Jehová 'ixtic: An̈jtona 'in, 'ay pax tas tzin na 'a e patc ax tic. 'Oj wa't junc niwquil yailal 'a e cal, man̈x 'oj stac' e coln e b'a 'a 'a. Man̈x 'oj stac' e b'an̈n e b'a eyeq'ui, yujto stiempoal yailal.

Mt 11:29

Cuchc junx 'icha 'ictz 'oj wac' 'ayex. Cuywan̈c 'ayin, yujto an tic manso in, 'emmquil in, toto 'ixta', 'oj ex wac' 'iljoc.

A Tas Sc'ulejnac Eb' Schecab' Jesús Hechos 15:10

A ticnec, ¿tas yuj matz e nib'j tze chaj tas 'ix sb'o Dios cha? 'Icha junc 'ictz caw 'al, matz techj qui cuchni, 'ixta yaj ley yic Moisés. Ma'ix techj syiclni eb' qui mam quichmec. An̈jtona', matz techj pax cujec. Yuj cha, ¿tas yuj tze nib'j tzeya'ch jun chi 'a yib'n̈ eb' creyente man̈ israeloc cha?

Dt 28:48

Yuj cha, yowlal 'oj eyac' servil eb' 'ajc'ojl 'oj ya' cot Jehová 'a e cal. 'Oj eyab' syal wejel, tacn̈ti'al, man̈ pichlal yet' smasnil yailal. Caw 'oj eyab' syal yuj eb' 'ajc'ojl cha, majniln̈ej 'oj eyajchi, masnto 'oj e lajw 'ejmi.