Lm 5:22 - Chuj San Sebastian Bible

²² Palta ach tic, jun 'ejmn̈ej on̈ a patquilj 'el on̈, yel xo xcot yowl a c'ojl 'a quib'n̈ on̈.

Chuj San Mateo Bible

²² Palta ina ix on̈ a patiquejcaneli. Ix ec' d'a yib'an̈ ac'ancot yaelal d'a quib'an̈.

Lm 5:22 Iomraidhean Croise

Salmos 44:9

On̈ a patquilj can 'eli, on̈ 'a'cn 'at 'a scal q'uixwc'ojlal. Man̈x 'ic ach colwj yet' eb' qui soldado on̈.

Salmos 53:5

Wach'xam may tas tzxib'tn eb', palta caw 'oj 'ib'xoc chan̈ eb' yuj xiwlal. Yujto a Dios 'oj 'a'n sactzic sb'acl eb' 'ajc'ojl cha. 'Oj cancn eb' 'a q'uixwc'ojlal, ax spatquilx can 'el eb' yu'uj.

Salmos 74:1

Ach qui Diosal on̈, ¿tas yuj on̈ actj can qui ch'ocj 'a jun 'ejmn̈ej? ¿Tas yuj caw tzn̈ilchj chan̈ yowl a c'ojl 'a yib'n̈ jun a chon̈b' tic?

Salmos 79:5

Mamin Jehová, ¿b'a'n̈ to wal tz'ec' yowl a c'ojl 'a quib'n̈ on̈? ¿Tom an̈ja caw c'ac' a c'ojl 'a quib'n̈ 'icha te c'ac' an̈ja chac sc'aq'uil?

Is 64:9

Mamin, man̈ ye'n̈joc cab' 'ay cot owl 'a quib'n̈ on̈, comnoc man̈xtzac a na cot 'aj xlaj 'och qui mul on̈. ¡'Ilt nab'an, to a chon̈b' caj qui masnil on̈!

Jeremías 14:19

Yuj cha, xwaln 'ixtc 'a 'a: Mamin Jehová, ¿tom wal jun 'ejmn̈ej 'ix ejcan 'el eb' 'anma 'aj Judá 'a a c'ojol? ¿Tom 'ix 'a patquilj can 'el chon̈b' Sión? ¿Tas yuj on̈ ac' lajwoc, yic to man̈x 'a wach' tzon̈ 'aj can̈txi? A calni to tzon̈ q'ue'ch yet' tas 'ay 'ayn̈ on̈, palta may tas wach' 'ix qui cha'aj. 'Ix qui na'a, to wach'n̈j 'oj qui b'ey 'a cojltac on̈, palta cojn tas caw 'ay smay xjaw 'ayn̈ on̈.

Jeremías 6:30

'Oj alxoc yuj eb' to lajn eb' 'icha q'uen plata julb'ilx 'eli, yujto an Jehová in tic, an xin patquilj can 'el eb', xchi 'ayin.

Jeremías 7:29

¡Ex 'aj Jerusalén, joxc 'el xil e jolm yuj cusc'ojlal, tze juln can 'eli! ¡'Ixquec 'a lum tzalctac to caw cusltac, tze b'itnan jun tzo'n̈ b'it yic cusc'ojlal! Yujto an Jehová in, caw xcot wowl 'ayex, tox ex wactj cani, xchi Dios.

Ez 24:13

Ach Jerusalén, xin nib'j ach in sacb'tzej yuj tas maysch'olnil tza b'o'o, palta ma'ix yal a c'ojl 'ix a sacb'tzej a b'a. Man̈x 'oj a b'o'i, masnto 'oj wi'l yowl in c'ojl 'a eb'an̈.

Ez 37:11

Xlajw cha, xyaln 'ayn 'ixtic: Ach 'anma', a jun tzo'n̈ tacn̈ b'ac 'ix 'el cha, tzyal cot yuj eb' et israelal, yujto tzlaj yal eb' 'ixtic: An̈ec tic, 'icha to tacjnacx qui b'aquil, man̈x 'a tas 'aych yipc qui c'ojol, lajwnacn̈ xo 'eli, xchi eb'.

Os 1:6

Scuchn pax chan̈ 'ix Gomer chi junx yune', x'alj junx yune 'ix cha, 'ix 'unin. 'Ix yaln pax Dios 'ayin: Man̈ Chamc'ojlb'iloc, 'ixta tzac' sb'ic 'ix 'unn tic, yujto man̈x 'oj 'o'ch in c'ojl 'a yib'n̈ chon̈b' Israel, man̈x 'oj wac' niwnc'ojlal 'a 'a.