Lm 4:6 - Chuj San Sebastian Bible

⁶ A wal yailal 'ix jaw 'a yib'n̈ eb' wit chon̈b' tic, yel xo wal niwquil 'a yib'n̈ yailal xjaw 'a yib'n̈ eb' 'aj Sodoma. A jun chon̈b' cha, yajn̈ej 'ix satli wach'xam may mach x'och oyn yac' owl 'a 'a.

Chuj San Mateo Bible

⁶ A yaelal ix javi d'a yib'an̈ in chon̈ab' yuj schucal, te ec'to d'a yichan̈ yic eb' aj Sodoma. A Sodoma chi', junn̈ej rato satnaqueli, malaj mach cusnac yuuj.

Lm 4:6 Iomraidhean Croise

Gn 19:24

Ax 'a satcha'an̈, ata 'ix ya' cot Jehová c'ac' yet' azufre 'a yib'n̈ chon̈b' Sodoma yet' Gomorra.

Gn 19:25

'Ix satl jun tzo'n̈ chon̈b' chi yet' smasnil tas 'ay 'a 'a, yet' smasnil tas 'ix q'uib' 'a sat lum pan̈n cha.

Is 24:2

A eb' ya'mal 'och sti eb' 'anma', lajn xoj 'oj 'ajcn eb' 'icha eb' comn 'anma'. Ax ewin patron̈, lajn 'oj 'ajcn eb' 'icha ewin moso, 'ixta pax eb' 'ix patron̈, lajn 'oj 'ajcn eb' 'ix 'icha eb' 'ix ya'mal servil. Ax eb' tzmanwji, lajn 'oj 'ajcn eb' 'icha eb' tzchon̈wji; lajnxoj 'oj 'ajcn eb' tz'a'n b'ocl junc tas 'icha eb' tz'och b'oquil.

Jeremías 20:16

Sat cab' 'el jun winc cha, 'icha jun tzo'n̈ chon̈b' satnc 'el yuj Jehová 'a jun 'ejmn̈ej. 'Ab'x cab' yel 'aw yuj yailal 'a yic sq'uin̈b'ial, yet' 'aw yic 'a'j owl 'a yic chimc'ual.

Jeremías 23:14

'Ix wiln pax eb' tzyalch sb'a in checb'oc 'a Jerusalén, tzb'o eb' 'anma tas caw tu'. Tzb'o eb' 'ajmulal, tzyixtn eb' yit 'anma'il, tz'iptzax eb' sb'on maysch'olnilal yuj eb'. Yuj wal cha, may junc eb' tzyij 'el sb'a 'a scal maysch'olnil. A wal 'a in sat, a jun tzo'n̈ 'anma tic, yet' eb' cajn 'a Jerusalén, caw lajn eb' 'icha eb' 'aj Sodoma yet' eb' 'aj Gomorra.

Lm 4:9

Yel xo wach' yic eb' 'anma chamnc yuj owal, 'a yib'n̈ pax eb' tzcham yuj wejel, yujto c'ojnc'ojnil scham eb', yujto man̈x 'a tas wach' sc'uxn eb'.

Dn 8:25

Yuj wal sjelnal yet' yixtm 'anma'il, ax sq'ue'chi. Caw 'oj sb'an̈ sb'a si'mb'il, til wal eb' 'anma may jac tas nan yu'uj, ax smilx cham eb' yu'uj. Caw 'oj ste'wtzoc sb'a 'a sat Dios Syajlil eb' yajal. Wach'xam man̈oc eb' 'anma 'oj satnc 'eli, palta yowlal 'oj satxocn̈ej 'eli.

Dn 9:12

Tox 'ix 'el'ch tas aljnac cani, chajtlto 'oj jawc yailal 'a quib'n̈ on̈, yet' 'a yib'n̈ eb' qui yajlil on̈. Yel xo niwquil 'ix otj a'n 'och syailal Jerusalén 'a yib'n̈ junc xo chon̈ab'.

Mt 24:21

Yujto a jun niwn yailal 'oj jawc 'a jun tiempoal cha, mant 'a 'aj tzyac' 'ixta', yictax sb'on Dios yolyib'n̈q'uinl tic. Cojxn pax jun cha, man̈x 'a tas 'oj yac' 'ixta'.

Lc 10:12

An tzwal 'ayex, at yic 'oj jawc jun c'u yic sb'eyc'ojlal Dios, yel xo wal niwn yailal 'oj 'ajxc 'a eb' 'aj chon̈b' chi 'a yib'n̈ eb' 'aj Sodoma.

Lc 12:47

Q'uinloc 'ay junc moso 'ojtnac, tas tznib'j spatron̈ tzb'o'o, palta man̈ listaoc tzyutj sb'a. Matz yiclj tas tzyal spatron̈ cha. A jun cha, caw niwn yailal 'oj 'ajxc 'och 'a yib'an̈.