Lm 4:22 - Chuj San Sebastian Bible

²² Ex 'aj chon̈b' Sión, 'ix 'el'ch smasnil yailal 'ix 'ajx 'och 'a eyib'an̈. Ma'oj eyajx 'at 'icha presoal 'a jun 'ejmn̈ej yuj Jehová. Ax xo ex 'aj Edom, yuj e maysch'olnilal ax ya'n cot Jehová yailal 'a eyib'an̈, 'ixta wal 'oj 'aj scheclj 'eli, to 'ay pax e mul, xchi winac.

Chuj San Mateo Bible

²² Ex aj Sion, toxo ix ec'b'at jantac eyaelal. Man̈xo ol ex ac'jocxib'at d'a preso yuj Jehová. A exxo tic ex aj Edom, yuj e chucal ol yac'pax eyaelal Jehová, ol yac' checlaj jantac e mul.

Lm 4:22 Iomraidhean Croise

Salmos 137:7

Mamin Jehová, na cot wal tas yaljnac eb' edomita yic yem Jerusalén, yic yaln eb' 'ixtic: Ma'c 'ejm smasnil, masnto tz'em'ch 'a 'aj 'ay yipnub'al yich, xchi eb'.

Is 40:2

Wach' tzeyutj paxtinc e b'a 'a eb' 'aj Jerusalén, tzeyaln 'a eb' chajtlto man̈x b'a'n̈ 'oj 'och eb' mosoal, tox 'ix stuplajwc eb' stenmtaquil yet' smaysch'olnilal, tox 'ix schaj eb' syailal 'a 'ayn an Jehová in, xchi Dios.

Is 52:1

Ex 'aj Sión mto Jerusalén, pitzc 'el 'a e sat, te'wtzejc e b'a, 'a'c eyip, yujto schon̈b' ex Dios. Ch'oxc 'el e jelnal 'ac'b'il 'ayx yu'uj, sec man̈x 'a b'a'n̈ 'oj 'oxtoc eb' chuc chon̈b'al 'a e cal, yic tzex yi'n can 'ejm eb'.

Is 60:18

Man̈x b'a'n̈ 'oj 'ab'xoc speclal smilx cham 'anma 'a e lum cha, man̈x 'a mach 'oj satxoc 'el 'a yol e macb'en. A e colnb'il xwac'a, a chi 'icha muro yajch oyn 'ayex, ax e b'inab'ilal, a chi 'icha spuertail e chon̈b' yaji.

Jeremías 32:40

'Oj in b'o jun in trato yet' eb' 'a jun 'ejmn̈ej, to man̈x b'a'n̈ 'oj woch wan in b'on tas wach' 'a eb'. 'Oj wa'ch in b'a 'a snab'en eb' yic wach' caw 'ay wel'ch 'a sat eb', sec man̈x 'a b'a'n̈ 'oj yi'l sb'a eb' 'a in tz'ey.

Jeremías 33:7

'Oj wi'x meltzjoc eb' 'aj Judá yet' eb' 'aj Israel jun 'ejm xo 'a 'aj 'ayc' eb' 'icha presoal, ax in b'on pax chan̈ schon̈b' eb' jun 'ejm xo 'a 'icha xon yaji.

Jeremías 33:8

'Oj wi'cn 'el smaysch'olnilal eb'. 'Oj wa'cn lajwc smul eb' cha, yet' smasnil stenmtacl eb' 'ayin.

Jeremías 49:10

Palta an xo tic, man̈x 'a xon jac tas 'oj wactc can 'a schon̈b' Esaú. Wojc wali to man̈x 'a 'aj wach' e c'ub'n 'el e b'a. A smasnil eb' eyunnal, eb' eyican, yet' pax eb' cajn 'a e tz'ey, c'uxn 'oj lajwc 'el eb'. Man̈x 'a junc mach 'oj canoc.

Jeremías 50:20

An Jehová in, an tzwala: To a 'a yic jun tiempoal cha, 'oj in col 'elt jaywn̈ocx eb' 'aj Israel, yet' eb' 'aj Judá. 'Oj wi'l smasnil smul eb', yuj cha, man̈x 'a 'aj 'oj 'ilchjoc, 'oj wac' sat smasnil smul eb' cha, xchi Dios.

Lm 4:21

Ex 'aj Edom, ex to tzeyac' yajlil 'a smasnil yol yic chon̈b' Uz, caw tzaljan̈ec, tzewjan̈ec, ya' sb'a tzat stac'a. Yujto 'oj c'och pax jun yailal tic 'a eyib'an̈, 'icha xo 'u'm 'an̈ 'oj eyajcn yu'uj, q'uixweltac xoj 'oj eyutc e b'a.

Lm 4:6

A wal yailal 'ix jaw 'a yib'n̈ eb' wit chon̈b' tic, yel xo wal niwquil 'a yib'n̈ yailal xjaw 'a yib'n̈ eb' 'aj Sodoma. A jun chon̈b' cha, yajn̈ej 'ix satli wach'xam may mach x'och oyn yac' owl 'a 'a.

Ez 37:28

A yic 'oj can jun watut chi 'a e cal 'a jun 'ejmn̈ej, atta 'oj nachjoc 'el yuj jun tzo'n̈ xo nacion̈ to sic'b'ilx 'el wuj wico'oc, xchi Dios.

Ez 6:12

A eb' najt 'oj 'atcni, 'oj cham eb' yuj yab'il; ax eb' la'n 'oj canoc, 'oj cham eb' yuj owal; ax pax eb' ma'oj cham yuj owl cha, a wejl 'oj milnc eb'. 'Ixta wal 'oj wutc wa'n cot yowl in c'ojl 'a yib'n̈ eb'.

Abdías 1:10

Caw q'uixwc'ojlal 'oj eyajcni. 'Oj e lajw can 'el 'a jun 'ejmn̈ej, yujto xeyixtj eb' yin̈tl Jacob, atn yu'tac e mam 'ichm Esaú.

Malaquías 1:3

ax Esaú chacb'il 'el wu'uj. A lum jolm witz 'aj cajn eb' yin̈tl Esaú, xwa'cn 'och lum 'a cusltac lumal. Cojxn̈ej no calte'al noc' xcan cajn ta'.

Malaquías 1:4

Toto a eb' edomita yin̈tl Esaú a eb' tzaln 'ixtic: Wach'xam on̈ lajwec 'eli, palta 'oj qui b'oc pax chan̈ qui chon̈b'ec tic jun 'ejm xo, toto xchi eb', wach'xam tzb'ox chan̈ eb' schon̈ab', palta an 'oj in ma'x lan̈chjoc jun 'ejm xo. A snacion̈ eb' cha, 'oj yal eb' 'anma yuj 'ixtic: A jun nacion̈ tic, caw wal maysch'olnil, 'ayn̈j 'och pax yowl sc'ojl Jehová 'a yib'an̈, 'oj xchic eb'.