Lm 3:31 - Chuj San Sebastian Bible

³¹ A Jehová, matz on̈ yactjec can 'a jun 'ejmn̈ej.

Chuj San Mateo Bible

³¹ Max on̈ yactejcan Jehová d'a juneln̈ej.

Lm 3:31 Iomraidhean Croise

A Ch'an̈ Schab'l Libro Samuel 14:14

Yujto an̈ 'anman̈ tic, toxn 'oj qui chami. Lajn on̈ 'icha a a tztob' 'a sat lu'um, man̈xtzac stac' smolb'tzaxi. Ax pax Dios jun, may mach tzyij 'ec' sq'uinal, a yico', to tzsay tas tz'aj smeltzj junc mach to 'aycn 'at 'elc 'a 'a.

A Ch'an̈ B'ab'el Libro Yic Yab'ixal Eb' Rey 11:39

'Oj wa'ch yailal 'a yib'n̈ eb' yin̈tl David junc tiempoal yuj jun tic, palta man̈ jun 'ejmn̈ejoc 'oj wa'chi, xchi Jehová, xchi Ahías 'a Jeroboam.

Salmos 77:7

¿Toc am wal an̈ja 'ayt cot yowl sc'ojl Jehová 'ayn̈ on̈? ¿Tom wal man̈x b'a'n̈ tzon̈ snib'j yet' swach'c'ojlal on̈?

Salmos 94:14

Ma'oj actc can eb' a chon̈b' tic sch'ocoj.

Is 27:8

A Dios 'ix ya'ch yailal 'a yib'n̈ schon̈ab', atn 'a yic yijx 'at eb' 'icha presoal. 'Icha wal tz'aj yutz'x 'at junc tas yuj 'ic' tzcot 'a 'aj tzq'uel c'u, 'ixta wal 'ajnc yijx 'at eb'.

Is 57:16

Man̈x 'oj wowx 'och 'a eb' in chon̈b' tic, man̈x 'oj cot wowl 'a eb' 'a smasnil tiempo, toq'ue laj 'oj schab'c'ojloc pax sb'a eb', atn eb' 'anma b'ob'il wu'uj.

Jeremías 31:37

An Jehová in, an tzwala to may b'a'n̈ 'oj 'echtaxc satcha'an̈. May b'a'n̈ 'oj 'ojcaxc 'el yich lum lum tic. An̈jtona chon̈b' Israel tic, may b'a'n̈ 'oj in patquilc can 'el eb' yuj tas tzb'o'o. An Jehová in, an tzwala, 'icha satcha'an̈ may b'a'n̈ tztac' yechtaxi mto 'icha xab'l yich lum lu'um, may b'a'n̈ 'oj 'ojcaxc 'eli, 'ixta waj yet' chon̈b' Israel tic, may b'a'n̈ 'oj in patquilc can 'el eb' yuj tas tzb'o'o.

Jeremías 32:40

'Oj in b'o jun in trato yet' eb' 'a jun 'ejmn̈ej, to man̈x b'a'n̈ 'oj woch wan in b'on tas wach' 'a eb'. 'Oj wa'ch in b'a 'a snab'en eb' yic wach' caw 'ay wel'ch 'a sat eb', sec man̈x 'a b'a'n̈ 'oj yi'l sb'a eb' 'a in tz'ey.

Jeremías 33:24

¿Tom matz nachj 'el o'oj, tas tzyal eb' 'anma'? Tzyal eb' chajtlto xin patquilj can 'el chab' 'in̈tal eb' 'anma tic sic'b'il 'el wu'uj, atn eb' 'aj Israel yet' eb' 'aj Judá. Yuj cha, man̈x 'a yel'ch eb' in chon̈b' 'a sat eb', man̈x nacion̈oc eb' 'a eb'.

Miqueas 7:18

Mamin Jehová, may junc xo Dios lajn et'oc, yujto ach tic, ach tzac' niwnc'ojlal smul jaywn̈ xo eb' a chon̈b' tic xcani, tz'atcn satc'ojlal stenmtacl eb' o'oj. Man̈ 'ayc 'ec' yowl a c'ojl 'a smasnil tiempo, yujto tz'el 'a a c'ojl a ch'oxn pax a chamc'ojlal.

Nahúm 1:12

Yuj cha, tzyal Jehová 'ixtic: Wach'xam caw niwn sb'isl eb' 'aj Asiria, wach'xam caw 'ay yip eb', palta 'oj in satl eb'. Ax xo ex 'aj Judá, an xwa'ch yailal 'a eyib'an̈, palta man̈x 'oj in b'o 'ixta'.

A Ch'an̈ B'ab'el Libro Samuel 12:22

Yujto a Jehová ma'oj ex yactc can e ch'ocoj, sec matz alx tu paxti 'a spatquil, yujto tznib'j to tzex 'och schon̈b'oc.