Lm 3:2 - Chuj San Sebastian Bible

² In spechcn 'at 'a scal q'uic'q'uinl 'aj may xon jac sacq'uinal. In ya'n b'ey 'a b'e yic may in cantil wet'i.

Chuj San Mateo Bible

² Ix in spechb'at d'a scal q'uic'alq'uinal b'aj juneln̈ej q'uic'olinac. Ix in yac' b'ey d'a yoltac b'e b'aj malaj saquilq'uinal.

Lm 3:2 Iomraidhean Croise

Job 18:18

'Oj 'ijxoc 'el 'a scal sacq'uinal, ax sjulx can 'at 'a scal q'uic'q'uinal, 'oj 'ijxoc 'el 'a yolyib'n̈q'uinl tic.

Job 30:26

Yuj cha, a tzaljc'ojlal xin tan̈wj sjawi, ax x'aji, a in cusc'ojlal xjawi; xin tan̈wj sjaw sacq'uinl 'a wib'an̈, ax x'aji, a q'uic'q'uinl 'ix jawi.

Is 59:9

Yuj cha, tzeyaln 'ixtic: A ticnec b'i'an, 'ix cojquejec 'eli tas yuj matz on̈ colx 'el 'a yol sc'ab' eb' tzon̈ 'ixtni; cob' tan̈b'il sjaw sacq'uinl 'ayn̈ec, palta cojxn q'uic'q'uinl oyn 'och 'ayn̈ec, tan̈b'il cob' cujec b'a'n̈ tzon̈ colxec 'a yol sc'ab' eb' tzon̈ 'ixtn cha.

Jeremías 13:16

A tze na'a, to 'oj jawc sacq'uinal, palta to 'oj wach' q'uic'b'oc si'mb'il yu'uj. Yuj cha, meltzjan̈c 'a Jehová qui Diosalec, tzeyaln q'uet e mul, ya' sb'a mantzac ex telw 'a lum tzalctac yuj q'uic'q'uinl 'oj ya' coti.

Jeremías 4:23

An Jeremías in tic, ch'oxb'il wal wila' tas 'oj 'aj lum lum tic. Caw 'oj 'och lum cusltac lumal, man̈x 'a junc mach 'oj can cajn 'a sat lu'um. 'Ix wiln q'ue pax satcha'an̈, man̈x 'a sacq'uinl 'a 'a.

Lm 2:1

Caw wal niwn yowl sc'ojl Cajlilec 'a yib'n̈ Sión, caw wal wach' yilx cob' jun chon̈b' cha, palta caw 'ix q'uic'b' 'eli. A swach'l yilx chon̈b' Israel, may junc xo lajn swach'l yilx yet'oc, ax Cajlilec 'ix 'a'n lajwc swach'l yilx cha. Man̈x 'ic sna cot yuj yowl sc'ojl cha, toto 'icha sb'achnub' yoc yaji.

Dt 28:29

Toxn̈ej 'oj e machloc, yic 'oj e b'eyc' 'a chimc'ual, 'icha yec' machmnoc eb' toxn to matz uj yilni. Ax smasnil tas 'oj e b'o', may xon tas 'oj 'el'choc 'a wach'. Caw wal 'oj eyixtxi, 'oltac wal 'oj eyaji. Man̈x 'a mach 'oj stac' ex scolni.

San Judas 1:13

'Icha wal tzyac' yib'n̈ a mar, caw ow sq'ue wan chel-loc, 'ixta 'eb', yujto toxn matz tac' stenx 'och wan eb' 'a maysch'olnil. 'Icha swom a a tzcan 'a sti', til wal tastc maysch'olnil 'aych 'a scal, 'ixta eb' yuj jun tzo'n̈ q'uixwelal chi tzb'o cha. Q'uinloc 'ay junc c'anal tzsat 'a sb'e, 'ixta eb'. Yowlal 'oj c'och eb' 'a scal jun niwquil q'uic'q'uinal. Ata 'oj can eb' 'a jun 'ejmn̈ej.

San Judas 1:6

An̈jtona', tze nan cot tas yaj jun tzo'n̈ eb' ángel, atn eb' yijnac 'el sb'a 'a yopiso, yactn can eb' yet'ul. Jalxnac can 'och q'uen cadena 'a eb' 'a jun 'ejmn̈ej. A ticnec, preso yaj eb' 'a q'uic'q'uinl yuj Dios. 'Ixta yajcn eb', masnto 'oj jawc jun c'u caw niwn yel'chi, atta 'oj b'eyc'ojlaxc eb'.