Lm 2:8 - Chuj San Sebastian Bible

⁸ A Jehová, 'ix ya'ch wal 'a snab'en sma'n 'ejm lan̈chjoc smuroal chon̈b' Sión. 'Ix cham wal snani tas tzyutj sma'n 'ejm lan̈chjoc, toxn may 'iljelal yu'uj, masnto 'ix 'el'chi. Junn̈j x'aj yem lan̈njoc jun muro chi yet' jun tzo'n̈ torre.

Chuj San Mateo Bible

⁸ A Jehová ix naan sjuanem smuroal chon̈ab' Sion. Ix cham val snaani tas ol aj sjuan lajvoc. Maj oc'laj sc'ool masanto ix lajviem yuuj. Junxon̈ej ix aj yem juynaj storreal yed' smuroal.

Lm 2:8 Iomraidhean Croise

A Ch'an̈ Schab'l Libro Samuel 8:2

An̈jtona', xya'n ganar David eb' moabita. Xya'n 'em n̈ojn eb' 'a sat lu'um, xlajw cha, xyechtan yet' jun ch'an̈ tz'echtan lu'um. A jantc mach tzcan 'a yojl chab' ch'an̈il, tzcham eb', ax eb' tzcan 'a yojl yoxl ch'an̈il, matz cham eb'. 'Ixta 'ajnc yochcn eb' moabita 'a yaln̈ schecnb'il David, x'ochcn eb' yac' stojlb'al 'a 'a.

A Ch'an̈ Schab'il Libro Yic Yab'ixal Eb' Rey 21:13

'Oj wa'ch yailal 'a yib'n̈ Jerusalén tic, 'icha 'ix wutj chon̈b' Samaria yet' eb' yin̈tl Acab. 'Oj wi'l eb' 'anma 'ay 'a 'a, lajn 'oj 'ajcn 'icha junc plato, a yic tzlajw sb'icxi tzn̈ojltax cani.

Job 13:21

'Actj a'n 'och in yailal, tzactn in a xib'tn yet' tas caw 'ay smay.

Is 22:5

Yujto a Jehová tztac' yuj smasnil, a 'ix alni, to 'oj jawc jun c'u yic 'ay niwquil xiwc'ojlal, somc'ojlal, yet' pax yailal 'a yib'n̈ lum pan̈n 'aj tzch'oxx 'ilxoc junc tas 'a 'icha waychil. 'Oj ma'xoc 'ejm lan̈chjoc smuroal chon̈ab', ax yab'x yel yaw eb' 'aj chon̈b' chi 'a lum jolmctac witz.

Is 28:17

'Ixtc 'oj wutc in b'on jun 'icha n̈a cha, a 'in tojlal 'oj wa'lb'oc 'a 'a, 'icha tz'aj sc'anx q'uen plomo mto nivel, xchi. A 'a 'es yet' 'a tas man̈ yeloc, ata xe say e colnb'il, palta a q'uen sacb'at a q'uen 'oj satnc 'eli; ax jun 'icha 'elmal a', a 'oj satnc 'el jun eyet'l 'aj tze col cob' e b'a cha.

Is 3:26

Ax smasnil eb' 'aj Jerusalén, 'oj 'oc' eb' yuj scusc'ojlal, yujto sch'ocxoj eb' 'oj canoc.

Is 34:11

Ata 'oj 'aj cajn no cujub', no chulpop, no joj, yet' no tucul, ata 'oj sb'o e no so'. Cusltac 'oj 'ajcn jun chon̈b' chi yuj Dios.

Is 5:5

Ax ticnec, 'oj wal 'ayex tas 'oj wutc jun munljel tic: 'Oj wi'l scol-lal, sec 'oj lajwc can pax 'ejmi. 'Oj jacx can 'el scol-lal cha, sec 'oj te'xoc can 'ejm yuj no noc'.

Jeremías 14:2

A eb' 'aj Judá, caw tz'oc' eb' yuj cusc'ojlal, man̈x 'a yip jun tzo'n̈ schon̈b' eb', axn̈ej 'a sat lum t'ocn 'ec' eb' 'anma'. Ax eb' 'aj Jerusalén, caw wal tz'el yaw eb' yuj yailal.

Jeremías 5:10

¡'Och cab' eb' 'ajc'ojl satl te uva, palta man̈ smasnilc te tzsatl eb'! ¡Sb'ijl cab' eb' sc'ab' te' cha, yujto man̈x wico'oc te'!

Jeremías 52:13

A win xwul n̈usnc yatut Dios yet' sdespacho eb' rey, yet' yatut eb' niwc winc 'a Jerusalén cha.

Lm 2:17

A Jehová, 'ix 'el'ch tas nab'il yu'uj, 'ix 'el'ch tas alb'il can yuj 'a yic pecti'. On̈ ya'c lajwoc, ma'ix yac' niwnc'ojlal 'a quib'n̈ec. 'Ix 'el wal 'a sc'ojl ya'n tzewjoc eb' 'ajc'ojl yajch 'ayn̈ec, 'ix yi'n q'ue'ch yopiso eb' 'ajc'ojl cha.

Lm 2:18

Ex 'aj Sión, c'anc scolwal Jehová eyet'oc. Sc'ual, yac'wlil sb'ey cab' yal e sat eyoq'ui. Man̈ ex 'och wan eyoq'ui. May cab' 'iljelal eyoq'ui.

Lm 2:2

C'uxn 'ix satl Cajlilec smasnil eb' lum chon̈b' 'aj cajn eb' yin̈tl Jacob. Yuj yowl sc'ojl cha, caw wal yajn̈ej 'ix ya'n lan̈chjoc 'ejm smuroal chon̈b' Judá; 'ix yi'n can 'ejm jun nacion̈ tic 'a sat lu'um, yet' eb' 'aych cob' yajlil 'a 'a.

Lm 2:5

Lajn wal xyutj sb'a Cajlilec 'icha junc eb' 'ajc'ojol. 'Ix lajw 'ejm chon̈b' Israel yu'uj. 'Ix smac' 'ejm lan̈chjoc jun tzo'n̈ sdespacho yet' jun tzo'n̈ scuartel chon̈b' Judá; xya'n niwtjoc syailal eb' 'aj Judá chi 'a junjn c'u.

Ez 20:22

Yujto caw wal b'inab'il in, yuj cha, xwi'n 'och wan jun yailal cha, sec man̈toc tu tzin can 'a sat jun tzo'n̈ xo nacion̈, yujto q'ueln 'och eb' yic xwi'n 'elt eb' 'a Egipto cha.