Lm 2:7 - Chuj San Sebastian Bible

⁷ 'Ix spatquilj can 'el Cajlilec jun tzo'n̈ yet'l xajmb'al, man̈x 'a yopiso yu'uj. 'Ix ya'n can 'och 'a yol sc'ab' eb' 'ajc'ojol yic tzma'n 'ejm eb' yatutal. Til wal 'aw 'aych 'a yol yatut Jehová, 'icha xo to q'uin̈ 'aych ta tzcab'i.

Chuj San Mateo Bible

⁷ Toxo ix spatiquejel yaltar Jehová, man̈xa yopisio stemplo yuuj. Toxo ix yac'canoch d'a yol sc'ab' eb' ajc'ool yic sjuchajem smuroal. Val yel yav eb' ajc'ol d'a stemplo Jehová, ichato sc'ual q'uin̈.

Lm 2:7 Iomraidhean Croise

A Ch'an̈ Schab'il Libro Yic Yab'ixal Eb' Rey 25:9

'Ix ya'n n̈usxoc can yatut Dios yet' sdespacho win rey yet' smasnil yatut eb' 'aj Jerusalén, yet' pax smasnil yatut eb' niwc winac.

2 Cr 36:19

'Ix sn̈usn eb' yatut Dios, sma'n can lan̈chjoc eb' smuroal Jerusalén, sn̈usn eb' smasnil despacho, sma'n can juwc eb' smasnil tas to chan̈ stojol.

Salmos 89:39

'Ix a ju a trato yet' win a checab', xa juln 'ejm can scorona 'a sat lu'um.

Is 64:9

Mamin, man̈ ye'n̈joc cab' 'ay cot owl 'a quib'n̈ on̈, comnoc man̈xtzac a na cot 'aj xlaj 'och qui mul on̈. ¡'Ilt nab'an, to a chon̈b' caj qui masnil on̈!

Jeremías 21:4

to a Jehová qui Diosalec an̈ israel on̈c tic, a tzaln 'ixtic: 'Oj wac' meltzjoc eb' a soldado 'a spatic, atn eb' tzcob' 'a'nc owl yet' win sreyl Babilonia yet' eb' soldado. Ax eb' soldado cha, atn eb' 'ayc' 'a spatquil 'el smuroal jun chon̈b' tic, 'oj in molb'tzoc 'oxt eb' 'a yol jun chon̈b' tic.

Jeremías 26:18

A 'a yol stiempoal Ezequías sreyl Judá, a Miqueas 'aj Moreset, 'ix paxtin 'el 'a sb'i Jehová 'a smasnil eb' chon̈b' 'a Judá, 'ix yaln 'ixtic: A Jehová, tztac' yuj smasnil, a tzaln 'ixtic: A chon̈b' Sión tic, 'oj cancn lum yico'oc munljel. A Jerusalén jun b'uln̈ 'oj 'aj slan̈chj can 'ejmi, ax jun tzaln 'aj b'ob'il watut, waymtac xoj 'oj 'ajcni, xchi Dios, xchi Miqueas cha.

Jeremías 26:6

Toto an̈ja ma'oj eyicloc, to 'ixta', 'ixtc 'oj wutc can watut 'icha wutjnac jun in cajnub' 'a Silo. 'Oj wa' cot catb' 'a yib'n̈ jun chon̈b' tic 'a scal smasnil nacion̈ 'ay yolyib'n̈q'uinl tic, xchi Dios, xa chi 'a eb', xchi 'ayin.

Jeremías 32:29

A eb' caldeo wan ya'n owl 'a jun chon̈b' tic, 'oj 'oxtoc eb' 'a yol chon̈b' tic, ax sn̈usn can eb', ax stz'a smasnil jun tzo'n̈ n̈a 'aj xlaj ya'ch eb' 'anma smul 'ayin, a 'a span̈nil yib'n̈ jun tzo'n̈ n̈a cha, ata xyac' tz'a eb' incienso 'a Baal, 'ix ya'n pax eb' yal uva 'a jun tzo'n̈ chuc diosal.

Jeremías 39:8

Ax eb' 'aj Babilonia cha, 'ix sn̈usn can eb' despacho, yet' smasnil n̈a 'ay 'a Jerusalén. 'Ix sma'n lan̈chjoc eb' smuroal chon̈ab'.

Jeremías 4:26

'Ix wiln pax te 'awb'ente 'awb'il, cusltac xoj yilx 'aj 'ayc' te cha, ax smasnil jun tzo'n̈ chon̈ab', c'uxn 'ix lan̈chj can 'ejmi. Yuj yowl sc'ojl Jehová, yuj cha, 'ixta 'ix 'aji.

Jeremías 4:27

'Ix yaln Jehová 'ixtic: Caw 'oj juwc lum lum tic si'mb'il, palta ma'oj in satl lum 'a jun 'ejmn̈ej smasnil.

Jeremías 50:28

('Ay eb' quit israelal tzyac' ganar yelt 'a Babilonia, ax 'a Sión tzjaw eb'. Tzyaln eb' yuj jantc wal tzyutj spacn sb'a Jehová qui Diosalec 'a eb' 'aj Babilonia cha, yuj tas sb'ojnac eb' 'a yatut Dios.)

Jeremías 52:13

A win xwul n̈usnc yatut Dios yet' sdespacho eb' rey, yet' yatut eb' niwc winc 'a Jerusalén cha.

Lm 1:4

A jun tzo'n̈ b'e yic Sión, caw wal cusltac yilxi, toc 'ayt mach tzjaw 'ilj q'uin̈. A spuertail chon̈ab', cusltac yilxi. Ax ewin ya'mal 'och qui ti 'a Dios, caw wal tz'oc' eb' si'mb'il. A eb' 'ix cob'stac 'ix tzb'itn 'a yatut Dios caw wal tacn̈c sc'ojl eb' 'ix. A jun chon̈b' tic, caw wal tzyab' syal si'mb'il.

Lm 2:1

Caw wal niwn yowl sc'ojl Cajlilec 'a yib'n̈ Sión, caw wal wach' yilx cob' jun chon̈b' cha, palta caw 'ix q'uic'b' 'eli. A swach'l yilx chon̈b' Israel, may junc xo lajn swach'l yilx yet'oc, ax Cajlilec 'ix 'a'n lajwc swach'l yilx cha. Man̈x 'ic sna cot yuj yowl sc'ojl cha, toto 'icha sb'achnub' yoc yaji.

Lm 2:5

Lajn wal xyutj sb'a Cajlilec 'icha junc eb' 'ajc'ojol. 'Ix lajw 'ejm chon̈b' Israel yu'uj. 'Ix smac' 'ejm lan̈chjoc jun tzo'n̈ sdespacho yet' jun tzo'n̈ scuartel chon̈b' Judá; xya'n niwtjoc syailal eb' 'aj Judá chi 'a junjn c'u.

Ez 24:21

Al 'a eb' et israelal, to an Jehová in, an 'oj wac' juwc 'el watut, atn jun caw nib'b'il yilxi, nib'b'il pax eyu'uj. Tze b'an̈ e b'a yu'uj, 'icha to a 'aych eyipoc. An̈jtona eb' eyunnal yet' eb' eyisl xcancn eyuj 'a Jerusalén, 'oj cham pax eb' yuj owal, xchi.

Ez 7:24

Yuj cha, 'oj wi' cot eb' 'anma yel xo maysch'olnil 'a jun tzo'n̈ xo nacion̈, ax yica'an eb' jun tzo'n̈ tas 'ay 'a jun nacion̈ tic. 'Ixta 'oj 'aj wi'n 'ejm eb' tzb'an̈ sb'a yet' tas 'ay 'a 'a; man̈x 'a yel'ch 'oj 'ajcn jun tzo'n̈ 'aj tzyal sb'a eb' cha.

Lv 26:31

'Oj in mac' lan̈chjoc can e chon̈b' cha, ax slajw can 'ejm yatut e diosal, man̈x 'a yopiso e xajmb'al to su'q'ui yec' sjab' 'a wojltac.

Lv 26:44

A yic 'oj laj 'ec' jun tzo'n̈ chi 'a yib'n̈ eb' yuj smul, wach'xam 'ayc' eb' 'a yol schon̈b' eb' 'ajc'ojl cha, ma'oj in patquilc can 'el eb'. Ma'oj in satl eb' smasnil, sec matz lajw 'ejm in trato b'ob'il wuj yet' eb' e mam eyicham, yujto an tic e Diosal waji.

Am 2:5

Yuj cha, 'oj wac' n̈usxoc tz'a Judá, ax jun c'ac' chi 'oj satnc 'el jun tzo'n̈ cuartel 'a Jerusalén, xchi Jehová.

Miqueas 3:12

Smulyujoc eb', ax slajw 'ejm Jerusalén, atn jun chon̈b' yic tzaln Sión, 'icha wal t'ocb'il lum 'oj 'ajcni. Jun b'uln̈ 'oj 'ajcn 'ejmi, ax lum tzaln 'aj 'ay yatut Dios, waymtac 'oj 'ajcni.

Mt 24:2

Yuj cha, xyaln 'a eb' 'ixtic: —A jun tzo'n̈ niwc n̈a tic, c'uxn 'oj lan̈chjc 'ejm smasnil, yet' jun tzo'n̈ q'uen tusb'il q'ue tic, tzwal 'ayex to man̈x 'a junc 'oj can 'a yib'n̈ yit q'uenal, xchi 'a eb'.