Lm 2:6 - Chuj San Sebastian Bible

⁶ 'Icha wal tz'aj yixtx 'el junc 'awb'en, 'ixta wal 'ix yutj Cajlilec ya'n juwc 'el scajnub' 'aj tz'och yamnil, sma'n can 'ejm lan̈chjoc. Xya'n sat sc'ojl eb' 'aj Sión 'a jun tzo'n̈ q'uin̈ niwn yel'chi, yet' pax sc'ul 'iljelal. Yuj yowl sc'ojl cha, spatquiln can 'el eb' rey yet' eb' ya'mal 'och qui ti 'a 'a.

Chuj San Mateo Bible

⁶ Icha tz'aj yixtajb'at junoc lechpat, icha val chi' ix aj yixtanb'at stemplo Jehová b'aj smolb'ej sb'a eb' chon̈ab'. A ix ac'an sb'atcan q'uin̈ satc'olal yed' sc'ual ic'oj ip yuj eb' aj Sion. A yuj yoval sc'ol Jehová ix spatiquejcanel eb' rey yed' eb' sacerdote.

Lm 2:6 Iomraidhean Croise

Salmos 74:7

'Ix ya'n 'och eb' sc'a'l a cajnub'; caw xjuw 'el 'aj caljnac qui b'a 'aych on̈, x'em b'uln̈ can 'a sat lum yuj eb'.

Salmos 76:2

A 'a tzaln Sión ata 'ay scajnub', 'a yol yic Jerusalén ata tzmacwji.

Salmos 80:12

¿Tas pax yuj 'ix ej can 'el scol-lal te'? Ax tz'aji a eb' b'eymal 'anma tzlaj ch'inn sat te'.

Salmos 89:40

A smuroal schon̈ab', tox 'ix lan̈chj 'ejmi, a jun schon̈b' cha, 'ix lajw 'ejm o'oj.

Is 1:13

Man̈x eyi' cot jun tzo'n̈ eyofrenda cha, yujto man̈x 'a tas tzb'o yu'uj. A incienso tze n̈usu, man̈xtzac schaj in c'ojol. Ax jun tzo'n̈ e q'uin̈ tzlaj e na 'a yic tzpac' 'uj yet' 'a sc'ul 'iljelal, caw tzex tzalj cob' eyamn e b'a 'a jun tzo'n̈ eyamnil cha, palta an xo tic, man̈xtzac ex in nib'j wil yet' e q'uin̈ cha, yujto maysch'olnil tas tze b'o'o.

Is 1:8

A chon̈b' Sión, 'ix can sch'ocj 'icha junc yune pat yic eb' tan̈m uva, mto 'icha jac yen̈l eb' tan̈m melón yic tzlajw smolb'tzax te', mto 'icha pax tzyac' junc chon̈b' oyn 'och eb' 'ajc'ojl 'a 'a, yic tzya'n lajwc 'el eb'.

Is 43:28

Yuj cha, ma'ix yal in c'ojl to tzin ya' servil eb' ya'mal 'och e ti ax israel ex tic. Ex yin̈tl can Jacob, 'oj ex wac' satxoc 'eli, caw wal 'oj eyixtxi, xchi Dios.

Is 5:5

Ax ticnec, 'oj wal 'ayex tas 'oj wutc jun munljel tic: 'Oj wi'l scol-lal, sec 'oj lajwc can pax 'ejmi. 'Oj jacx can 'el scol-lal cha, sec 'oj te'xoc can 'ejm yuj no noc'.

Is 5:6

'Oj can 'a cusltacl wu'uj, may xon mach 'oj mesnoc 'el te sc'ab', may mach 'oj 'i'nc 'el ya'nil, 'oj q'uib'x chan̈ sc'ultcal, nab'a q'uix 'oj 'ajoc. Ax waln 'a 'asun, to man̈xtzac yac' cot n̈ab' 'a yib'n̈ jun lum cha, xchi win 'aj munljel cha.

Is 63:18

An̈ a chon̈b' on̈ tic on̈, jayen̈ej ab'il xquique'ej a cajnub', ax ticnec, a eb' 'ajc'ojl yajch 'ayn̈ on̈, a eb' xma'n 'ejm lan̈chjoc.

Is 64:11

Ax yatutal 'aj tzcal qui b'a 'ayach, atn jun caw wach' yilxi, 'ix lajw stz'a 'ejmi, atn jun 'aj yaljnac sb'a eb' qui mam quichm 'aych on̈. Smasnil jun tzo'n̈ tas caw wach' yilx 'aych cuj ta 'on̈, c'uxn xlajw 'ejmi.

Jeremías 17:27

Palta toto an̈ja eyi'n 'oxt eyictz 'a spuertail chon̈b' tic 'a jun c'ul cha, 'icha to may yel'ch jun c'ul chi 'a e sat. To 'ixta', 'oj wa'ch c'ac' 'a spuertail chon̈b' tic. A jun c'ac' chi 'oj satnc 'el smasnil yatut eb' rey 'ay 'a Jerusalén tic, man̈x 'a mach 'oj stac' sma'n tupoc, xchi Dios, xa chi, xchi 'ayin.

Jeremías 42:18

A Jehová tztac' yuj smasnil, atn qui Diosalec, a tzaln pax 'ixtic: 'Icha wal x'aj sjaw yowl in c'ojl 'a yib'n̈ eb' cajn 'a Jerusalén, 'ixta wal 'oj 'aj sjaw pax 'a eyib'n̈ ax tic, toto 'oj e 'at 'a Egipto cha. 'Oj jawc catb' 'a eyib'an̈. A yic 'oj ex yilnc 'och jun tzo'n̈ xo nacion̈, 'oj xiw eb' eyu'uj, ax ex sb'uchn pax eb'. Man̈x 'a b'a'n̈ 'oj e japx wul eyil jun e lum tic jun 'ejm xo, xchi Dios.

Jeremías 45:4

Palta 'iltnab'an, an Jehová 'in, wan in satn 'el tas in b'ojnac, wan in to'n q'uet tas wawjnac. 'Ixta wal tas 'oj in b'o 'a smasnil nacion̈ tic.

Jeremías 50:28

('Ay eb' quit israelal tzyac' ganar yelt 'a Babilonia, ax 'a Sión tzjaw eb'. Tzyaln eb' yuj jantc wal tzyutj spacn sb'a Jehová qui Diosalec 'a eb' 'aj Babilonia cha, yuj tas sb'ojnac eb' 'a yatut Dios.)

Lm 1:4

A jun tzo'n̈ b'e yic Sión, caw wal cusltac yilxi, toc 'ayt mach tzjaw 'ilj q'uin̈. A spuertail chon̈ab', cusltac yilxi. Ax ewin ya'mal 'och qui ti 'a Dios, caw wal tz'oc' eb' si'mb'il. A eb' 'ix cob'stac 'ix tzb'itn 'a yatut Dios caw wal tacn̈c sc'ojl eb' 'ix. A jun chon̈b' tic, caw wal tzyab' syal si'mb'il.

Lm 4:16

Yet' wal yowl sc'ojl Jehová, spechn can 'at eb', man̈x 'ic tan̈wx eb' yu'uj. Man̈x 'a yel'ch eb' ya'mal 'och sti eb' 'anma 'a 'a, man̈x 'ic 'o'ch sc'ojl 'a eb' 'ichmtac winac.

Lm 4:20

A jun qui reyl cob' yipc'ojlal yaj cuj on̈, atn jun sic'b'il 'el yuj Jehová, tox 'ix yamchj win yuj eb' 'ajc'ojol. An̈ tic on̈, xqui na cob'i', to 'oj on̈ scol win 'a jun tzo'n̈ xo nacion̈.

Lm 5:12

'Ix q'ue t'un̈n eb' qui yajlil yuj eb' 'ajc'ojl yajch 'ayn̈ on̈, man̈x 'a xon jac yel'ch eb' 'ichmtac winc 'a sat eb'.

Ez 17:18

Yujto ma'ix yac' 'el'choc win rey tas xyal yet' sti', 'ix yac' win 'es 'a strato, xcob' yala' to yiclum tzyutj sb'a. Yujn̈ej cha, ma'oj stac' xon scoln sb'a.

Lv 26:31

'Oj in mac' lan̈chjoc can e chon̈b' cha, ax slajw can 'ejm yatut e diosal, man̈x 'a yopiso e xajmb'al to su'q'ui yec' sjab' 'a wojltac.

Sofonías 3:18

Tzyaln Jehová 'ixtic: Ex tzex cus e nan cot jun tzo'n̈ e q'uin̈ alb'il can wu'uj, caw tzaljan̈ec yujto 'oj wi'l q'uixwc'ojlal 'aych 'ayex.

Malaquías 2:9

Yuj cha, ex wij can 'ejmi, man̈x 'a yel'ch ex wutj 'a sat smasnil 'anma', yujto matz eyiclj in checnb'il, a yic tze b'onyaj eb' 'anma', 'in man̈ lajnoc tzeyutj e b'onyaj eb', xchi Dios.