Lm 2:20 - Chuj San Sebastian Bible

²⁰ Mamin Jehová, na wal si'mb'il, ¿tom 'ayx mach 'ixtc tzotj 'icha wal tzon̈ otj tic on̈? ¿Tom wal smoj schin eb' nunb'il eb' yune tzat chuwi? ¿Tom smoj pax to tzmilx eb' ya'mal 'och qui ti 'ayach, yet' eb' a checb' 'a yol a cajnub'?

Chuj San Mateo Bible

²⁰ Mamin Jehová, naval sic'lab'il, ¿toc ay junocxo chon̈ab' tzutej icha tic? ¿Tocval smoj ay eb' ix nunab'il schianb'at yune' tzato chuni? ¿Toc val smoj smac'jicham eb' sacerdote yed' eb' a checab' d'a yol a templo?

Lm 2:20 Iomraidhean Croise

2 Cr 36:17

Xlajw cha, xchecx cot win rey yet' eb' soldado 'aj Babilonia yuj Jehová, yic tzya'n owl yet' eb' 'aj Judá cha. A yic 'ix 'ajx ganar eb', 'ix milx cham eb' quelm yet' espada a yol yamq'uil yatut Dios. Man̈x 'a jac sniwnc'ojlal 'a eb' quelem, 'a eb' cob'es, yet' 'a eb' 'ichmtac 'anma man̈x 'a yip. Xya'ch Jehová smasnil eb' 'a yol sc'ab' jun rey cha.

Salmos 78:64

'Ix cham eb' ya'mal 'och sti eb' 'anma 'a Dios yuj owal, ax eb' 'ix yistzil ewinac, man̈x 'ic stac' yoc' eb' 'ix yuj ewinac.

Ex 32:11

Xlajw cha, syamn 'och Moisés sc'ann niwnc'ojlal 'a Dios yuj eb' chon̈b' cha, xyaln 'a Jehová 'ixtic: —Mamin Jehová, ¿tas wal yuj tzcot yowl a c'ojl 'a yib'n̈ eb' a chon̈b' tic, palta 'in to ach 'ix ej 'elt eb' 'a Egipto yet' 'a poder?

Is 22:2

Toxn̈ej tzex we'lji yel eyaw. A eb' 'anma chamnc 'a e cal, man̈ yujoc q'uen espada 'ix cham eb', man̈oc pax owal, palta xcham eb' yuj wejel yet' yuj yab'il.

Jeremías 19:9

'Oj wac' e chi 'ejm eb' eyunnal yet' eb' eyisil, ax wa'n e chi 'ejm e b'a junjn ex yuj wejel, yic 'oj 'och oyn eb' 'ajc'ojl 'a spatquil e chon̈ab', xchi Dios, xa chi 'a eb'.

Jeremías 21:7

'Oj lajwc cha, ach xo Sedequías, 'oj ach wac' 'a yol sc'ab' win Nabucodonosor yet' jun tzo'n̈ xo eb' 'ajc'ojl yajch 'ayach. 'Oj ach wa'cn 'och 'a yol sc'ab' win yet' eb' a checab', eb' a soldado, yet' eb' 'anma 'oj cant 'a jun chon̈b' tic yic 'oj lajwc 'ec' yab'il, owal, yet' wejel. Man̈x 'oj 'ajxoc niwnc'ojlal 'ayex. An Jehová in, an tzwala, to caw tojl xoj 'oj e xicx cham yet' q'uen espada.

Jeremías 5:31

Cojn 'es tzyal-l eb' tzcob' yalch sb'a in checb'oc. Ax eb' ya'mal 'och sti eb' 'anma 'ayin, tzyac' eb' yajlil 'icha tas tznib'ej. Ax jun in chon̈b' tic, wach' tzyab' 'ixta'. Palta ¿tas wal 'oj yutc sb'a eb', yic 'oj jawc jun slajb' tiempoal? xchi Dios.

Lm 1:19

'Ix cob' qui c'an scolwal jun tzo'n̈ xo nacion̈ 'aych quet' 'a calni, palta ton̈j on̈ yixtj paxti eb' on̈. A eb' ya'mal 'och qui ti 'a Dios yet' eb' yichm wincal chon̈ab', 'ix laj 'elt eb' cob' say jac tas tzc'ux 'a yol caye, palta ax x'aji, xlaj chamcn eb' ta'.

Lm 4:10

Yuj cha, a eb' 'ix 'ix caw wach' xon cob' snab'en, tzlaj stz'an̈ eb' schi yune yuj jun yailal 'ix jaw 'a yib'n̈ eb' wit chon̈ab'.

Lm 4:13

'Ixta 'ix uji, yuj wal smul eb' schecb' Dios yet' yuj smul eb' ya'mal 'och sti eb' 'anma 'a Dios, yujto til wal 'anma may smul 'ix smil eb' 'a yol chon̈ab'.

Lm 4:16

Yet' wal yowl sc'ojl Jehová, spechn can 'at eb', man̈x 'ic tan̈wx eb' yu'uj. Man̈x 'a yel'ch eb' ya'mal 'och sti eb' 'anma 'a 'a, man̈x 'ic 'o'ch sc'ojl 'a eb' 'ichmtac winac.

Ez 5:10

Yujto 'ay eb' mamb'il 'oj schi yunnal 'a e cal, 'ay pax eb' 'unnab'il 'oj schi smam. Yuj cha, ax wa'n 'och wal yailal 'a e cal, ax eb' ma'oj chamoc, 'oj sactzic eb' in pechn can 'at 'a scal jun tzo'n̈ xo nacion̈.

Ez 9:7

Xlajw cha, xyaln pax 'a eb' 'ixtic: 'At 'a'c juwc can 'el jun watut cha, ax 'a yamq'uil cha, ata tze tuscn 'och eb' chamnc 'anma chi ta', xchi. Xlajw cha, 'ix 'el paxt eb', syamn 'och eb' smiln eb' 'anma chi 'a yol chon̈b' cha.

Lv 26:29

At wal yuj jun tzo'n̈ chi b'i'an, ax e chin 'ejm eb' eyunnal mto eyisil.

Dt 9:26

'Ix waln 'a 'ixtic: Mamin Jehová, man̈ a satl jun a chon̈b' tic, yujto ach xa col 'elt yet' a jelnal, yet' a poder xe'n 'elt 'a Egipto yic tz'och eco'oc.