Lm 1:3 - Chuj San Sebastian Bible

³ A eb' 'aj Judá, caw wal ya tzyab' eb' yujto ya munljel 'aj 'aych eb', 'ix 'ijx 'at eb' 'icha presoal. A ticnec, 'ayx 'ec' eb' 'a scal jun tzo'n̈ xo nacion̈, toxn matz 'ilj xon eb' jac smunlji. 'Ayx 'ec' eb' 'a scal yailal, 'ix yamchj eb' yuj eb' tzpechn b'eyc'oc.

Chuj San Mateo Bible

³ Ix ic'jib'at eb' aj Judá d'a ch'oc chon̈ab'il. Q'uixvub'tac yaj eb' yuj munlajel te ya b'aj ayochi. Ayxoec' eb' d'a scal juntzan̈xo nación. Maxtzac yic' jab'oc yip eb'. Ix yamchaj eb' yuj eb' spechani, yuj chi' ayxoec' eb' d'a scal yaelal.

Lm 1:3 Iomraidhean Croise

A Ch'an̈ Schab'il Libro Yic Yab'ixal Eb' Rey 25:11

Xlajw cha, xyi'n 'at win Nabuzaradán eb' 'anma xcan to 'a yol chon̈b' cha, yet' eb' xya'ch sb'a yet' win sreyl Babilonia, yet' pax jun b'uln̈ xo eb' chon̈ab', 'ix 'ijx 'at eb' 'icha presoal yu'uj.

A Ch'an̈ Schab'il Libro Yic Yab'ixal Eb' Rey 25:4

Ax eb' caldeo 'ix yac' ganar eb' sma'n olchjoc smuroal jun chon̈b' cha. Wach'xam oyn 'och eb' soldado chi 'a spatquil, palta 'ix 'el win rey yet' smasnil eb' soldado 'a 'ac'wal. 'Ix 'el eb' 'a scal yawb'ente eb' rey. X'el'ch eb' 'a jun puerta 'a snan̈l chab' muro, 'ix 'at eb' 'a jun b'e tzc'och 'a span̈nil sti a Jordán.

A Ch'an̈ Schab'il Libro Yic Yab'ixal Eb' Rey 25:5

Palta ax eb' soldado caldeo, 'ix 'at eb' 'a spatquil win rey cha, axta 'ix yamchj win yuj eb' 'a span̈nil Jericó. Sactzicnac s'atnc smasnil eb' soldado win Sedequías cha.

Jeremías 13:19

A jun tzo'n̈ chon̈b' 'a Neguev, tox 'ix 'och oyn eb' 'ajc'ojl 'a eb', man̈x 'a mach 'oj stac' sjacn 'och sb'a ta'. Smasnil eb' 'aj Judá, 'oj 'ijxc 'at eb' 'icha presoal.

Jeremías 16:16

Palta a yic mantzac uj jun cha, 'oj wi' cot eb' 'ajc'ojl 'a eb' israel yic tzwul yamchjoc 'at eb' yuj eb'. 'Icha tzyutj eb' yamn chay syamn no chay yet' schim, mto 'icha tzyac' eb' ma'm noc' tz'ec' 'a lum tzalctac, tz'ec' saync eb' no 'a yoltc n̈aq'ue'en, yet' 'a sjatlil eb' q'uen q'ue'en, 'ixta 'oj wutc eb'.

Jeremías 24:9

Caw 'oj wa' cot junc niwquil yailal 'a yib'n̈ eb'. Caw 'oj xiw jun tzo'n̈ xo nacion̈ yuj eb'. 'Oj 'ijxoc wal 'ejm eb' si'mb'il. A eb' 'anma 'a jun tzo'n̈ nacion̈ 'aj 'oj wac' sactzic can 'at eb', caw 'oj b'uchxoc eb' yuj eb', 'oj b'ajxoc eb' yuj eb'. 'Oj jawc catb' 'a yib'n̈ eb' 'oj b'uchxoc cha.

Jeremías 39:9

Ax 'a slajub', a Nabuzaradán scomandanteil eb' stan̈mal win sreyl Babilonia, a 'ix 'i'n 'at smasnil eb' 'anma 'aj chon̈b' chi 'icha presoal, atn eb' xcant can 'a yol chon̈b' cha, yet' pax eb' xya'ch sb'a yet' eb' 'aj Babilonia.

Jeremías 52:15

Xlajw cha, xyi'n 'at Nabuzaradán eb' 'anma 'a Babilonia, atn eb' xcant can 'a jun chon̈b' cha, yet' pax eb' xya'ch sb'a yet' win sreyl Babilonia, yet' pax jun b'uln̈ xo eb' chon̈ab'.

Jeremías 52:8

Palta 'ix pechx win rey Sedequías yuj eb' soldado yic Babilonia cha. Ata 'ix yamchj win yuj eb' 'a ya'lical Jericó. 'Ix 'actx can win yuj smasnil eb' soldado, 'ix sactzic can 'at eb'.

Lm 2:9

A jun chon̈b' cha, man̈x 'a spuertail, wecchjnacx yijl 'aychi. Choc' x'ajcn smasnil, toxn̈ej tzicn can 'at 'a sat lu'um. Ax win rey yet' smasnil eb' 'ay yopiso yet' winac, scal eb' chuc chon̈b'al 'aj 'ayx 'ec' eb'; ata' man̈x 'a sley Dios 'a sat eb' 'anma cha. Ax eb' schecb' Jehová, man̈x 'a xon tas tz'ajx yojcoc 'el eb' yu'uj.

Lm 4:15

Tz'awj cot eb' 'anma chi 'a eb' 'ixtic: Man̈ ex jawc 'a qui tz'ey, yujto caw wal tu eyilxi. Man̈ ex 'och yamn 'ayon̈, yujto man̈ smojc 'ayx 'ec' 'a schon̈b' Dios, xchi eb' 'a eb'. Yuj cha, 'ix 'elcn eb' 'a yol schon̈ab', tz'ec' eb' 'a junjn chon̈ab', palta may mach tzchan eb'.

Lm 5:5

'Ayn̈j 'och eb' 'ajc'ojl on̈ spechn b'eyc'oc on̈, caw tzon̈ c'unb' quec' on̈, palta matz nib'j eb' tzon̈ 'ilj xon jab'oc.

Ez 5:12

A junc'aj 'anma 'ayx tic, 'oj cham eb' yuj yab'il yet' yuj wejl 'a yol chon̈ab'. Ax junc'aj xo eb', 'oj tzu'xoc cham eb' yuj eb' 'ajc'ojl yajch 'ayx 'a sti 'el chon̈ab'. Ax eb' yoxc'ajil, 'oj in pechcn 'at eb' 'a scal jun tzo'n̈ xo nacion̈. Ax wi'n q'uet wespada 'a yol yet'ul, ax woch tza'n yuj eb'.

Dt 28:48

Yuj cha, yowlal 'oj eyac' servil eb' 'ajc'ojl 'oj ya' cot Jehová 'a e cal. 'Oj eyab' syal wejel, tacn̈ti'al, man̈ pichlal yet' smasnil yailal. Caw 'oj eyab' syal yuj eb' 'ajc'ojl cha, majniln̈ej 'oj eyajchi, masnto 'oj e lajw 'ejmi.