Lc 9:7 - Chuj San Sebastian Bible

⁷ Ax win Herodes, win yajl 'a Galilea, c'uxn xyab' win speclal tastc 'ix sb'o Jesús. Ton̈j 'ix sat sc'ojl winac, yujto 'ay eb' tzalni to a Juan xpitzw pax 'a scal eb' chamnac.

Chuj San Mateo Bible

⁷ Ayic ix yab'an vin̈aj Herodes ayoch yajalil tastac sc'ulej Jesús, ton̈ej ix te sat sc'ol vin̈, yujto ay eb' ix alani to a vin̈aj Juan ix pitzvixi.

Lc 9:7 Iomraidhean Croise

Salmos 73:19

Wal 'a yajn̈ej ax satl eb', scal xiwc'ojlal 'oj lajwc 'el eb'.

Is 22:5

Yujto a Jehová tztac' yuj smasnil, a 'ix alni, to 'oj jawc jun c'u yic 'ay niwquil xiwc'ojlal, somc'ojlal, yet' pax yailal 'a yib'n̈ lum pan̈n 'aj tzch'oxx 'ilxoc junc tas 'a 'icha waychil. 'Oj ma'xoc 'ejm lan̈chjoc smuroal chon̈ab', ax yab'x yel yaw eb' 'aj chon̈b' chi 'a lum jolmctac witz.

Miqueas 7:4

A mach wach' to wal 'a scal eb', lajn wal 'icha te q'ui'ix. A mach tojl to wal tas tzb'o'o, lajn wal 'icha te cacwq'ui'ix. Palta jun, caw la'n xoj sjaw sc'ual yic 'oj 'ajxoc 'och yailal 'a yib'n̈ eb' yuj Dios, 'icha x'aj yaln 'el eb' schecb' yu'uj. Cojxn̈ej somc'ojlal 'oj niwtjoc chan̈ 'a scal eb' 'anma cha.

Mt 11:2

A 'a jun tiempoal cha, 'aych Juan Bautista 'a preso. 'Ix yab'ni, tastc wan sb'on Cristo, yuj cha, schecn 'at chawn̈ eb' scuywum 'a 'a.

Mr 8:28

'Ix ta'w eb' 'ixtc 'a 'a: —'Ay eb' tzalni tolab' Juan Bautista ach, 'ay pax eb' tzalni tolab' Elías ach, 'ay pax eb' tzalni tolab' schecb' ach Dios, 'e'nc ach 'a pecti', xchi eb'.

Lc 13:31

A 'a jun c'u cha, 'ix jaw jaywn̈ ewin fariseo, 'ix yaln ewin 'ixtc 'a Jesús: —'Ij 'el a b'a 'a jun lugar tic, yujto tznib'j win Herodes tzach smila, xchi ewin 'a 'a.

Lc 21:25

'Ay wal jun tzo'n̈ senya 'oj sch'ox sb'a 'a c'u, 'a 'uj, yet' pax 'a jun tzo'n̈ c'anal. Ax 'a sat lum tic, caw 'oj somchj chan̈ eb' 'anma yuj xiwlal 'a junjn chon̈ab'. Yujto til wal 'oj c'an̈ sq'ue wan a mar, ax yemx pawnjoc a'.

Lc 23:7

Ax 'ix yab'n winac to 'aj Galilea. Yuj cha, xya'n 'at 'a win Herodes, yujto a win yajl yaj 'a Galilea cha. Ax win Herodes cha, 'ayc' win jaye c'u 'a Jerusalén cha.

Lc 3:1

A Juan win yunnal Zacarías, cajn 'a jun cusltac lu'um. 'Ay jun c'ual xyal Dios 'a 'a, tas 'oj yal 'a eb' 'anma'. 'Ix uj jun tic 'a yic yolajn̈il xo ab'il yoch win Tiberio sat yajlil 'a yib'n̈ eb' yajl 'a smasnil chon̈b' 'aych 'a yaln̈ sley Roma. 'Aych win Poncio Pilato gobernadoral 'a Judea. Ax win Herodes 'aych gobernadoral pax 'a Galilea. A jun yu'tac win Felipe sb'i, a 'aych gobernadoral 'a Iturea, yet' 'a Traconite. Ax win Lisanias, gobernador yaj 'a Abilinia.

Lc 9:19

—'Ay eb' tzalni tolab' Juan Bautista ach, 'ay pax eb' tzalni tolab' Elías ach. An̈jtona', 'ay pax eb' tzalni tolab' a junc schecb' Dios 'e'nc pecti', a pitzwnac pax 'a scal eb' chamnac, xchi eb' scuywum cha.