Lc 9:52 - Chuj San Sebastian Bible

⁵² 'Ay jun tzo'n̈ eb' schecb' 'ix sb'ab'l checj 'ati, 'ix cob' c'och eb' 'a jun aldea 'a yol yic Samaria, yujto tznib'j eb' lista xo yaj sposada Jesús ax sc'ochi.

Chuj San Mateo Bible

⁵² Ix sb'ab'laj chequejb'at eb' schecab', yic b'at saychaj sposado eb' d'a jun aldea ay d'a yol yic Samaria.

Lc 9:52 Iomraidhean Croise

Malaquías 3:1

A Jehová tztac' yuj smasnil, a tzaln 'ixtic: 'Oj in b'ab'l checc 'at jun in checab', sec a 'oj b'ab'l b'onc in b'e an Yajl in tic yic mantzac in c'och 'ayex. An tan̈b'iln xon eyu'uj, wal 'a yajn̈ej ax woch 'a yol watut. Ax tic, tze nib'j xon tzjaw jun in checab' yic tzya'n b'o 'el'chc in trato, palta 'ab'ec, an ton 'oj in jawi.

Mt 10:5

Atn eb' lajchwan̈ tic 'ix checx 'at yuj Jesús. Yic mantzac 'at eb', 'ix yaln jun tzo'n̈ checnb'il tic 'a eb' 'ixtic: —A yic tzex 'ati, man̈ ex 'ec' 'a jun tzo'n̈ slugar eb' man̈ israeloc, yet' 'a jun tzo'n̈ chon̈b' 'a yol yic Samaria.

Lc 10:1

Xlajw xoj cha, xya'n 'och Cajlil yopiso jun tzo'n̈ xo eb' scuywum, 72 sb'isl eb'. 'Ix sb'ab'l checj 'at eb'. Chatcwan̈il x'aj eb' s'at 'a junjn chon̈ab', yet' 'a junjn lugar 'aj 'oj 'ec' pax Cajlil cha.

Lc 10:33

Palta 'ay jun win 'aj Samaria wan sb'ey pax 'a jun b'e cha, ax xyilni t'ocn 'ec' winac; 'ix 'o'ch sc'ojl 'a winac.

Lc 17:11

Ax Jesús, an̈ja sb'eyb't 'a jun b'e tz'at 'a Jerusalén. 'Ix b'ey 'a smon̈jon Samaria yet' Galilea.

Lc 17:16

Cojnn̈ej xjaw 'a yojltac Jesús, x'ejm cumnjoc, masnto x'e'mch snan̈l sat 'a sat lu'um. 'Ix ya'n yuj diosal 'a Jesús. A jun winc cha, 'aj Samaria winac.

Lc 7:27

Atn yab'xil Juan chi yaljnac can Dios 'a Ch'an̈ U'un̈, yic yaln 'ixtic: 'Oj in b'ab'l checc 'at jun in checab', sec a 'oj b'ab'l b'onc a b'e yic mantzac ach c'ochi, xchi.

Jn 4:4

Yowlal a 'a yol yic Samaria tz'eq'ui yic tz'at cha.

Jn 4:5

Yuj cha, yic wan yec' Jesús 'a yol yic Samaria cha, 'ix c'och 'a chon̈b' Sicar. Ata 'ay jun chon̈b' chi 'a stz'ey jun lum ya'jnac can Jacob 'a jun yunnal José sb'i.

Jn 4:9

—Ach tic, 'in israel ach. ¿Tas yuj tza c'an a a tic 'ayin? ¿Tom man̈ ojcoc to 'aj Samaria in? xchi 'ix 'a Jesús. 'Ixta xyutj 'ix yaln 'a 'a, yujto a eb' israel, may 'ajtil tzc'umj xon sb'a eb' yet' eb' 'aj Samaria cha.

Jn 8:48

'Ix yaln pax ewin 'aj Judea chi 'ixtc 'a Jesús: —'Ilt nab'n jun, yel tzcal on̈. Tecnto 'aj Samaria ach. Tecnto 'aych junc demonio 'ayach, xchi ewin 'a 'a.