Lc 9:45 - Chuj San Sebastian Bible

⁴⁵ Palta ax eb' scuywum cha, ma'ix nachj 'el yuj eb' tas chi xyal 'a eb', yujto ma'ix 'ajx nachjc 'el yuj eb'. 'Ix xiw pax eb' sc'anb'n 'a 'a, tas tzyal 'el'chi.

Chuj San Mateo Bible

⁴⁵ Palta maj nachajel-laj yuj eb' tas ix yal chi', yujto maj ac'jilaj nachajel yuj eb'. Ix xiv eb' sc'anb'an d'ay tas syalelc'och jun ix yal chi'.

Lc 9:45 Iomraidhean Croise

Mt 16:22

Yuj cha, ax Pedro 'ix yi'n 'el'ch Jesús sch'ocoj, stenn 'och wa'an, 'ix yaln 'a 'ixtic: —Mamin, caw man̈ 'ichcta snab'en Dios. A jun tzo'n̈ 'ix al tic, ma'oj jawc 'a eb'an̈, xchi Pedro chi 'a 'a.

Mt 17:22

Yic syamn sb'a Jesús yet' eb' scuywum 'a yol yic Galilea, 'ix yaln 'a eb' 'ixtic: —An tic, wach'xam 'Ochnc in 'Anma'il, palta 'oj wajx 'och 'a yol sc'ab' eb' 'anma'.

Mr 9:10

Yuj cha, mun yojc eb' jun cha, may junc mach 'aj xyal eb'. Palta xlaj sc'anb'n eb' 'a scal, yuj tas 'ix yala, chajtlto 'oj pitzwc pax 'a scal eb' chamnac.

Mr 9:32

Palta ma'ix nachj 'el yuj eb' tas 'ix yala, 'ix xiw pax eb' sc'anb'n 'a 'a, tas tzyal 'el'ch jun xyal cha.

Lc 18:34

Palta ax eb' scuywum cha, ma'ix nachj 'el yuj eb'. Man̈ yojcoc xon eb' tas tzyal 'el'ch jun tzo'n̈ xyal cha, yujto c'ub'b'il 'el 'a eb'.

Lc 2:50

Palta ma'ix nachj 'el yuj eb', tas jun xyal chi 'a eb'.

Lc 9:46

Ax eb' scuywum cha, xlaj stenc sb'a eb', mach junc niwn yel'ch 'a scal eb', yujto tzna junjn eb', to caw niwn yel'ch junjn eb' snani.

Jn 12:16

A 'a jun c'u cha, ma'ix nachj 'el jun tzo'n̈ tic yuj eb' scuywum Jesús. At yic tox 'ix 'ijx pax q'ue Jesús chi 'a satcha'an̈, atta 'ix sna cot eb', to a yab'xil Jesús tz'ib'b'il can 'a Ch'an̈ Un̈ cha, caw 'ix 'el'ch 'icha yaj yalx cani.

Jn 12:34

Ax eb' 'anma', 'ix yaln eb' 'ixtc 'a 'a: —A 'a ch'an̈ ley 'aycn 'ayn̈ec, ata xcab' on̈, chajtlto a Cristo 'ayc'n̈ej 'a smasnil tiempo. Yuj cha, ¿tas yuj tzala, to a jun 'Ochnc 'Anma'il, yowlal 'oj 'ajxc q'ue'i? ¿Mach jun 'Ochnc 'Anmal tzal cha? xchi eb' 'a 'a.

Jn 14:5

Ax Tomás 'ix aln 'ixtc 'a 'a: —Palta Mamin, man̈ cojcoc on̈, 'aj 'oj a c'och cha. Yuj cha, ¿tas 'oj cutc cojcan 'el jun b'e chi 'on̈? xchi.

Jn 4:33

Yuj cha, xlaj sc'anb'noc 'ec' eb' 'a scal: —¿Tom 'ay mach xwul 'a'noc yoch cha? xchi eb'.