Lc 9:28 - Chuj San Sebastian Bible

²⁸ Tecn am yucb'ixial yaln Jesús jun tzo'n̈ cha, x'at leslwoc 'a jun tzalan. 'Ix yij 'at Pedro, Jacobo yet' Juan yet'oc.

Chuj San Mateo Bible

²⁸ Ucub'ixitax chi', ix q'uec'och Jesús d'a jun tzalan yac' lesal. A vin̈aj Pedro, vin̈aj Jacobo yed' vin̈aj Juan ix b'at yed'oc.

Lc 9:28 Iomraidhean Croise

Salmos 109:4

A spac in chamc'ojlal tzyac' eb', to tzchichn 'och eb' 'ayin, palta to tzin leslwi yuj eb'.

Mt 14:23

Xlajw yaln can sb'a 'a eb', 'ix 'at 'a jun tzalan, yic tzleslwi ta sch'ocoj. A 'a jun 'ac'wl cha, sch'ocj 'ayc' ta'.

Mt 5:1

Yic 'ix yiln Jesús eb' 'anma', 'ix 'at 'a jun tzalan, 'ix 'em wocn ta'. Ax eb' scuywum, 'ix c'och eb' 'a 'a.

Mr 1:35

Ax 'a yic 'ayt sacb'i, q'ui't wal jab'xo 'ix q'ue wan Jesús, 'ix 'at 'a sti 'el chon̈ab', axta xleslwi.

Mr 6:46

Xlajw yaln can sb'a eb', 'ix 'at 'a jun tzalan yic tzleslwi ta'.

Lc 3:21

A 'a jun 'el, yic mantzac 'och Juan 'a preso, 'ix ya'n bautisar jan̈tcn̈ej eb' 'anma xlaj c'och 'a 'a. 'Ix ya'n pax bautisar win Jesús. Ax yic wan sleslwi Jesús cha, 'ix jacw satcha'an̈.

Lc 5:16

Ax Jesús, tz'at 'a 'aj may 'anma', ata tzleslwi.

Lc 6:12

A 'a jun tiempoal cha, 'ix 'at Jesús leslwoc 'a jun tzalan. Jun 'ac'wl 'ix leslwi 'a Dios ta'.

Lc 8:51

Yic 'ix c'och eb' 'a yatut winac, ma'ix schaj 'och Jesús eb' 'anma yet'oc, cojn Pedro, Jacobo, yet' Juan 'ix schaj 'och yet' smam snun 'ix cha.

Lc 9:18

A 'a jun 'el, 'ayc' Jesús leslwoc yet' eb' scuywum sch'ocoj. 'Ix sc'anb'n 'ixtc 'a eb': —¿Machn yal eb' 'anma tzeyab'i? xchi 'a eb'.

Jn 6:3

Ax Jesús cha, 'ix 'at yet' eb' scuywum 'a jun tzalan. Ata x'em wocn yet' eb'.

2 Co 13:1

Yox'ejmal tic 'oj in 'atx ex wila'. Junjn tas 'oj b'o'oc, yowlal 'ay chawn̈oc, mto 'oxwn̈oc testigo 'oj alnoc, ax sb'o'i.

A Ch'an̈ Carta D'a Eb' Hebreo 5:7

A yic yec' Cristo 'a yolyib'n̈q'uinl tic, leslwnac, sc'ann tas 'a Dios. Caw 'ip leslwnac, caw wal 'o'nac. Ax Dios a 'ay spoder scoln 'el 'a yol sc'ab' chamel. Yab'jnac Dios slesl Cristo, yujto 'emmquilal yutjnac sb'a 'a 'a.

A Schab'il Carta San Pedro 1:16

Caljnacx can 'ayx on̈, chajtlto caw 'ay spoder Cajlil Jesucristo, to yowlal 'oj jawc pax 'a scha'ejmal. Palta a jun tzo'n̈ cha, man̈ comn paxti'oc. Man̈ munoc xqui na 'a qui jolm on̈. Yujto a Cajlilec, caw quiljnac yet' qui sat on̈, chajtlto man̈ jantcoc swach'il.