Lc 9:18 - Chuj San Sebastian Bible

¹⁸ A 'a jun 'el, 'ayc' Jesús leslwoc yet' eb' scuywum sch'ocoj. 'Ix sc'anb'n 'ixtc 'a eb': —¿Machn yal eb' 'anma tzeyab'i? xchi 'a eb'.

Chuj San Mateo Bible

¹⁸ A junel, van yac'an lesal Jesús b'aj malaj eb' anima, ayec' eb' sc'ayb'um yed'oc, ix sc'anb'an d'a eb': —¿Mach in yalan eb' anima tzeyab'i? xchi d'a eb'.

Lc 9:18 Iomraidhean Croise

Mt 14:23

Xlajw yaln can sb'a 'a eb', 'ix 'at 'a jun tzalan, yic tzleslwi ta sch'ocoj. A 'a jun 'ac'wl cha, sch'ocj 'ayc' ta'.

Mt 26:36

Xlajw cha, xc'och Jesús yet' eb' scuywum 'a jun lugar Getsemaní sb'i, ata xyal 'a eb' 'ixtic: —Cann̈ec 'a tic, to 'oj in 'at leslwoc 'a cha, xchi 'a eb'.

Lc 11:1

A 'a jun 'el, 'ix leslwi Jesús 'a jun lugar. Ax yic xlajw sleslwi, 'ay jun scuywum 'ix aln 'a 'ixtic: —Mamin, ¿comnoc tzon̈ a cuy 'a lesl on̈, 'icha yutjnac Juan scuyn eb' scuywum? xchi 'a 'a.

Lc 3:21

A 'a jun 'el, yic mantzac 'och Juan 'a preso, 'ix ya'n bautisar jan̈tcn̈ej eb' 'anma xlaj c'och 'a 'a. 'Ix ya'n pax bautisar win Jesús. Ax yic wan sleslwi Jesús cha, 'ix jacw satcha'an̈.

Lc 6:12

A 'a jun tiempoal cha, 'ix 'at Jesús leslwoc 'a jun tzalan. Jun 'ac'wl 'ix leslwi 'a Dios ta'.

Lc 9:19

—'Ay eb' tzalni tolab' Juan Bautista ach, 'ay pax eb' tzalni tolab' Elías ach. An̈jtona', 'ay pax eb' tzalni tolab' a junc schecb' Dios 'e'nc pecti', a pitzwnac pax 'a scal eb' chamnac, xchi eb' scuywum cha.

Lc 9:28

Tecn am yucb'ixial yaln Jesús jun tzo'n̈ cha, x'at leslwoc 'a jun tzalan. 'Ix yij 'at Pedro, Jacobo yet' Juan yet'oc.

Lc 9:29

Yic wan sleslwi, 'ix jelmj yilxi, chucx yilx 'ix 'aj sat. Ax spichul, caw sac, caw tzictzni x'aji.