Lc 9:16 - Chuj San Sebastian Bible

¹⁶ Ax Jesús, 'ix syamn chan̈ o'e pan cha, yet' chac'otn̈ no chay cha. Xq'ue q'ueln 'a satcha'an̈, xya'n yuj diosal 'a Dios yu'uj. 'Ix sch'iyni, xya'n 'a eb' scuywum, yic tzya'n 'ec' eb' 'a eb' 'anma cha.

Chuj San Mateo Bible

¹⁶ Axo Jesús ix ic'anchaan̈ oye' ixim pan yed' chavan̈ noc' chay chi'. Ix q'ue q'uelan d'a satchaan̈ ix yac'an yuj diosal yuj ixim. Ix xepanb'at ixim. Ix yac'anb'at d'a eb' sc'ayb'um chi'. Axo eb' ix pucanb'at d'a eb' anima chi'.

Lc 9:16 Iomraidhean Croise

Mt 14:19

Xlajw cha, xyaln 'a eb' 'anma', to tz'em wocn eb' 'a jun 'a'lic 'aj 'ayc' cha. 'Ix syamn chan̈ o'e pan yet' chac'otn̈ chay cha. 'Ix q'ue q'ueln 'a satcha'an̈, xya'n yuj diosal yu'uj. Sch'iyn 'ixm pan cha. Xlajw cha, xya'n 'a eb' scuywum. Ax eb' x'a'n 'ec' 'a eb' 'anma cha.

Mt 15:36

'Ix syamn chan̈ 'ixm pan chi yuquil, yet' jayc'otn̈ chay cha, 'ix ya'n yuj diosal 'a Dios yu'uj. Sch'iyn 'ixm pan cha, 'ix ya'n 'a eb' scuywum, ax eb' x'a'n 'ec' 'a eb' 'anma cha.

Mr 7:34

'Ix q'ue q'ueln 'a satcha'an̈, 'ix jaw sc'ojol. Efata, xchi. Tzyal 'el'chi: Jacw cab' a chiquin, xchi.

Lc 22:19

Xlajw cha, xyi'n chan̈ jun pan. 'Ix ya'n yuj diosal 'a Dios yu'uj. 'Ix ch'iyn 'ec' 'a eb'. 'Ix yaln 'a eb' 'ixtic: —A jun tic, atn in niwnal tic 'oj 'ajxoc eyu'uj, Wajec. Tze b'o jun tic, yic tzin e nan coti, xchi.

Lc 24:30

Ax yic x'och wocn 'a te mexa yet' eb'. 'Ix yi'n chan̈ jun pan. 'Ix ya'n yuj diosal 'a Dios yu'uj. Xlajw cha, sch'iyn 'ec' 'a eb'.

Lc 9:15

'Ixta xyutj eb', yuj cha, xlaj 'em wocn eb' 'anma chi smasnil.

Lc 9:17

C'uxn xwa eb' smasnil, caw xb'ut'j eb'. Yic xlajw swa eb', 'ix b'ut'j can pax lajchwe xuc xyac' sobra scan yuj eb'.

Jn 6:11

Ax Jesús, 'ix syamn chan̈ 'ixm pan cha. 'Ix ya'n yuj diosal 'a Dios yuj 'ixim. 'Ix spojn 'ec' 'ixm 'a eb' scuywum. Ax eb' x'ec' 'a'noc 'ixm 'a eb' x'em wocn cha. 'Ixta xyutj pax no chay cha. Caw colb'il 'ix 'e'ch 'a eb' smasnil.

Jn 6:23

Palta 'ay jun tzo'n̈ barco xcot 'a chon̈b' Tiberias, 'ix c'och 'a stz'ey jun lugar chi 'aj 'ix swaj eb' 'ixm pan, yic 'ix ya'n Cajlilec yuj diosal yu'uj.

A Tas Sc'ulejnac Eb' Schecab' Jesús Hechos 27:35

Xlajw yaln jun cha, 'ix yi'n cot jun pan. 'Ix ya'n yuj diosal 'a Dios 'a sat eb' smasnil. 'Ix ch'iyn 'elt c'axap, 'ix syamn 'och swani.

Ro 14:6

A mach tz'a'n 'och yopiso jun tzo'n̈ c'u tzwal tic, 'ixta tzb'o'o, sec tzch'oxo to 'ay yel'ch Cajlilec 'a sat. [An̈jtona', a mach matz 'a'n 'och yopiso jun tzo'n̈ c'u tic, 'ixta tzb'o'o, sec tzch'oxo, to 'ay yel'ch Cajlilec 'a 'a.] Yet' pax junx tic, a mach tzann̈j tzc'uxni, tzc'uxn̈ej, sec tzch'oxo, to 'ay yel'ch Cajlilec 'a 'a, yujto tzyac' yuj diosal 'a Dios tzc'uxni. A pax mach matz c'uxn jun tzo'n̈ chi smasnil, 'ixta tzb'o'o, sec tzch'oxo, to 'ay yel'ch Cajlilec 'a 'a, yujto tzyac' pax yuj diosal 'a Dios yuj tas tzc'ux cha.

1 Co 10:30

Toto tzca'c yuj diosal 'a Dios yuj no chib'j cha, tzqui chinec, may mach tztac' yaln maysch'olnil 'a qui patquec, 'oj e chioc. Tecn 'ayx wan e nan 'ixta ticnec.

1 Co 11:24

Ax yic xlajw ya'n yuj diosal 'a Dios, 'ix sch'iyn 'ixm pan cha. 'Ix yaln 'a eb' scuywum 'ixtic: [Wan̈ec.] A jun tic, atn in niwnal 'oj yab' syal e jeloc. Nachji, tze b'o jun tic, yic tzin e nan coti, xchi.

A Ch'an̈ B'ab'el Libro Samuel 9:13

'Ixquec muc'uc, sec 'oj 'ilchjoc eyu'uj ya' sb'a mantzac 'at wac 'a lum tzaln yic 'emmquilal cha. At yic 'oj c'ochoc, ax yaln swach' paxti 'a yib'n̈ jun xajmb'al cha, 'ixta to b'i'an, ax swa eb' 'anma chi smasnil yet' eb' 'awtb'il 'a jun yamnil cha. 'At sayc eyila', colb'ilto 'oj 'ilchjoc eyu'uj, xchi eb' 'ix.