Lc 8:52 - Chuj San Sebastian Bible

⁵² Toxn̈ej tzsomlji eb' 'anma chi yoc' yuj 'ix, palta xyaln 'a eb' 'ixtic: —Man̈ ex 'oc'oc, man̈ chamncoc 'ix 'unn tic, ton̈j waync 'ix, xchi.

Chuj San Mateo Bible

⁵² Tzijtum eb' anima tz'oc' yuj ix. Axo ix yalan Jesús d'a eb': —Man̈ ex oc'oc. Man̈ chamnacoclaj ix, ton̈ej vaynac ix, xchi d'a eb'.

Lc 8:52 Iomraidhean Croise

Gn 23:2

yic 'ix cham 'ix 'a lum Quiriat-arba, atn 'a Hebrón 'a yol yic Canaán. Caw 'ix 'oc' win Abraham yuj schamlil 'ix Sara cha, 'ix 'ochcn win 'a cusc'ojlal yuj 'ix.

A Ch'an̈ Schab'l Libro Samuel 18:33

Yuj cha, caw x'och pitz'njoc cusc'ojlal 'a rey David. 'Ix q'ue 'a yojl jun cuarto 'a cha'an̈, jun 'ay 'a yib'n̈ q'ue spuertail chon̈b' cha, syamn 'och yoc' ta'. Ya' sb'a yic wan sb'ey q'ue cha, xyaln 'ixtic: ¡'Ay... ach wunnal Absalón! ¡'Ay... ach wunnal Absalón! ¡Comnoc wal an in cham a jeloc! ¡'Ay... ach wunnal Absalón! xchi rey David.

Ex 24:17

'Ix sch'ox sb'a stzictznil Jehová 'a scal jun 'asn cha, xyil eb' israel jun chi 'a sjolm lum witz cha. Lajn wal yilx jun chi 'icha junc niwquil c'ac' tzon̈ tz'a yu'uj.

Zacarías 12:10

'Oj wac' jun espíritu yic wach' nab'enal 'a eb' yin̈tl David yet' 'a eb' cajn 'a Jerusalén, sec wach' 'oj leslwoc eb' 'ayin. Ax yic 'oj in yilnc eb' tecjnac in, 'oj 'oc' eb' 'icha yoc' junc mach tzcham jun c'otn̈ yunnal, mto yuj junc sb'ab'l 'unnal.

Mt 11:17

¡Niwnoc xcob' quixtj qui b'a cutz'n 'amay eyu'uj, palta ma'ix eyac' chan̈al. An̈jtona', niwnoc xcob' qui b'itnoc jun tzo'n̈ b'it caw cusltac yochi, palta ma'ix e tz'ac 'oc' pax e b'a quet' on̈! xchi eb'.

Lc 23:27

Til wal 'anma x'och tza'n yu'uj, an̈jtona', til wal eb' 'ix 'ix. Xlaj 'oc' eb' 'ix yu'uj. Caw ji'jmtac yoc' eb'.

Lc 23:48

Ax eb' 'anma chi 'ayc' ta', c'uxn xyil eb' tas 'ix uji. A yic xlaj pax eb', caw x'och pitz'n cusc'ojlal 'a spixn eb'.

Lc 8:51

Yic 'ix c'och eb' 'a yatut winac, ma'ix schaj 'och Jesús eb' 'anma yet'oc, cojn Pedro, Jacobo, yet' Juan 'ix schaj 'och yet' smam snun 'ix cha.

Lc 8:53

Palta ton̈j stzetzj eb', yujto yojc xon eb' to chamnc xo 'ix.

Jn 11:4

Xlajw yab'n Jesús tas 'ix yalb't eb', 'ix yaln 'ixtic: —A jun yab'il cha, ma'oj cham win yuj 'a jun 'ejmn̈ej. 'Ix yamchj win yuj jun yab'il cha, sec 'oj sch'ox Dios to caw niwn yel'chi. Ax scheclj pax 'eli, to caw niwn wel'ch pax an Yunnaln Dios tic, xchi Jesús.