Lc 8:44 - Chuj San Sebastian Bible

⁴⁴ Yuj cha, xjaw 'ix 'a spatquil Jesús. Stzayn 'och 'ix sc'ab' 'a sti spichl Jesús, yajn̈j wal cha, x'och wan a yel 'a 'ix.

Chuj San Mateo Bible

⁴⁴ Ix snitzancot sb'a ix d'a stz'ey Jesús, ix syaman sti' spichul ix. D'a jun rato chi' ix b'o jun syaelal ix chi'.

Lc 8:44 Iomraidhean Croise

Ex 15:26

'Ix yaln Jehová 'a eb' 'ixtic: Toto tzeyiclj tas 'oj wal an Jehová e Diosal in tic, ax eyiclni tas 'oj yal in checnb'il yet' smasnil in ley, toto 'ixta', ma'oj wa' cot yab'il 'a eyib'an̈, 'icha 'ix wutj wa'n cot 'a yib'n̈ eb' 'aj Egipto, yujto an Jehová in tic, an 'oj ex wan̈toc, xchi 'a Moisés.

Malaquías 4:2

Palta ax xo pax to 'ay wel'ch 'a e sat, 'icha wal sq'uel c'u 'a sq'uin̈b'ial, 'ixta 'oj wutj in ch'oxn in colwal 'ayex. Yuj cha, 'oj e tzalj jun 'ejm xo. Caw 'oj e b'atj chan̈ yuj tzaljc'ojlal, 'icha tzyac' junc no quelm wacx tzat 'elt 'a yet'l 'aj macan.

Mt 20:34

Yuj cha, 'ix 'o'ch sc'ojl Jesús 'a eb', 'ix stzayn 'och sc'ab' 'a yol sat eb', yajn̈j wal cha, xjacw sat eb', xlajw cha, x'och tza'n eb' yu'uj.

Mt 8:3

Yuj cha, stzayn 'och Jesús sc'ab' 'a winac, 'ix yaln 'ixtic: —Tzyal in c'ojol. Tic tzach wac' b'oxoc, xchi 'a winac. Yajn̈j wal cha, xb'ox can sc'ojl winac.

Mt 9:20

Ax 'a scal eb' 'anma wan s'at yet' Jesús cha, 'ay jun 'ix ya'ay. Slajchwil ab'il xo caw ya'ay 'ix yuj a a tz'el 'a 'a. Yuj cha, xc'och 'ix 'a spatquil Jesús, stzayn 'och 'ix sc'ab' 'a sti spichul.

Mr 6:56

Tzann̈j 'ajtil x'eq'ui, 'a chon̈ab' yet' 'a 'ajtc 'ay 'anma', 'ix laj 'ijx 'elt eb' ya'ay 'a yoltc caye. 'Ix tew 'och eb' 'a Jesús, sec tzaych eb' jac sc'ab' 'a sti spichul. A jantcn̈ej eb' xlaj stzaych sc'ab' 'a spichl cha, 'ix b'ox can sc'ojl eb' yu'uj.

Lc 13:13

Xlajw cha, 'ix stzayn 'och sc'ab' 'a 'ix. Yajn̈j wal cha, 'ix tojlb'i pax snan̈l 'ix, yuj cha, syamn 'och 'ix yaln wach' paxti 'a Dios.

Lc 7:38

'Ix c'och cumn 'ix 'a stz'ey. 'Ix 'oc' 'ix, sb'icn 'el 'ix yoc Jesús yet' yal sat. Xlajwn̈ej cha, sucn tacjc 'ix yet' xil sjolom. 'Ix stz'ub'n 'elt 'ix yoc Jesús cha. 'Ix stob'n pax 'och 'ix jun su'q'ui sjab' chi 'a 'a.

Lc 8:43

A 'a scal eb' 'anma cha, 'ay jun 'ix 'ix, 'ayx slajchwil ab'il caw tzcham yuj a a tz'el 'a 'a. Jantcn̈ej tas 'ay 'a 'ix, c'uxn schon̈l 'ix yuj eb' 'a'm remel, palta ma'ix b'ox xon jac sc'ojl 'ix yuj eb'.

Lc 8:45

Ax Jesús, 'ix sc'anb'n 'ixtc 'a eb' 'anma cha: —¿Mach jun stzaych sc'ab' 'ayin? xchi. Palta xyaln eb' smasnil, to may eb' stzaych sc'ab' 'a 'a. Ax Pedro yet' jun tzo'n̈ eb' yit cuywumal, 'ix yaln eb' 'ixtc 'a 'a: —Ach qui Cuymal, caw sin̈n̈i ajcn 'a scal eb' 'anma', yic tzon̈ b'eyi. Til wal eb' tzlaj stench sb'a 'ayach, tzlajw cha, tza c'anb'ni: ¿Mach stzaych sc'ab' 'ayin? xa chi, xchi eb' 'a 'a.

Jn 5:13

Palta man̈ yojcoc winac tas sb'i jun chi x'a'n b'oxc winac, yujto til wal 'anma 'ayc' ta'. Yuj cha, ma'ix yil winac 'aj xc'och Jesús 'a scal eb' 'anma chi muc'uc.

A Tas Sc'ulejnac Eb' Schecab' Jesús Hechos 19:12

'Ay eb' x'i'n cot payu', yet' pichul, xit' squiln 'och eb' 'a sniwnal Pablo. Xlajw cha, x'at ya'nc 'och eb' 'a eb' ya'ay. 'Ixta x'aj sb'ox can sc'ojl eb' yu'uj. 'Ay pax ewin demonio x'el 'a eb' 'anma yu'uj.

A Tas Sc'ulejnac Eb' Schecab' Jesús Hechos 5:15

Yuj cha, xlaj 'ijx 'elt eb' ya'ay 'a yoltc caye yet' swaynub'. Ata 'ix stan̈wj eb' yec' Pedro, sec toq'ue tz'ec' jac yen̈l 'a yib'n̈ eb'.

Dt 22:12

Tzeya'ch yixta'il, mto yelwnub'l e pichl tze potlej, tzeya'ch 'a junjn stitac.