Lc 8:43 - Chuj San Sebastian Bible

⁴³ A 'a scal eb' 'anma cha, 'ay jun 'ix 'ix, 'ayx slajchwil ab'il caw tzcham yuj a a tz'el 'a 'a. Jantcn̈ej tas 'ay 'a 'ix, c'uxn schon̈l 'ix yuj eb' 'a'm remel, palta ma'ix b'ox xon jac sc'ojl 'ix yuj eb'.

Chuj San Mateo Bible

⁴³ D'a scal eb', ay jun ix slajchavilxo ab'il penaay yuj jun a' tz'el d'a snivanil. Ix lajviel masanil tastac ay d'a ix, yic stupan eb' tz'an̈tani, palta max b'olaj ix.

Lc 8:43 Iomraidhean Croise

2 Cr 16:12

A yic 39 ab'il xo yoch Asa reyal, 'ix 'och jun yab'il caw ow 'a yoc. A yic ya'ay cha, man̈oc 'a Jehová 'aj 'ix yal sb'a, palta an̈j eb' 'a'm remel 'ix yawtej.

Job 13:4

Ax tic, yuj eya'm 'esal tze c'ub'n 'el tas yel; lajn ex yet' junc 'a'm remel, to may jac tzb'o yu'uj.

Salmos 108:12

Colwjan̈ quet' on̈, sec matz on̈ yac' ganar eb' tzchichn 'och 'ayn̈ on̈, yujto may jac yel'ch scolwal eb' 'anma quet' on̈.

Is 2:22

Cactquec ca'n 'och eb' 'anma yipc qui c'ojol, yujto an̈ 'anman̈ec tic chamlb'a cajec. Jun wal rato tz'el jab' qui'c tic, yuj cha, man̈ ca'c 'och qui nab'en 'a eb' 'anma'.

Mr 12:44

Yujto junjn eb', scanmal xoj stumn eb' xlaj 'ec' yac' 'ejmi. Palta a jun 'ix 'ix tic, caw meb'a 'ix, c'uxn xyac' 'ejm stumn chi yofrendaoc smasnil, caw wal sictac x'ajcn 'ix, xchi 'a eb'.

Mr 9:18

Tzann̈j 'aj tzcot 'a 'a, caw tzicx telwc yu'uj, tzjaw swom sti', tzjuch'ch'i ye, caw wan sb'acb' 'el yu'uj, 'ix cob' wal 'a eb' a cuywum to tzyij 'el eb', palta ma'ix stac' yuj eb', xchi win 'a Jesús.

Lc 13:11

Ata 'ay jun 'ix swajxclajn̈il ab'il xo yochcn 'ix 'a syailal yuj jun demonio. Scoxob'i can snan̈l 'ix, yemcn n̈ojn 'ix. Man̈xtzac tojlb'i snan̈l 'ix cha, matz tac' sq'ue lin̈an.

Lc 13:16

Ax jun 'ix tic, yin̈tl can Abraham 'ix. Swajxclajn̈il ab'il xo syamchj 'ix yuj win Satanás, 'icha to pixb'il 'ix yuj winac. ¿Tom man̈ smojc scolchj 'el 'ix 'a syailal 'a sc'ul 'iljelal tic tze na'a? xchi.

Lc 8:27

Yic 'ix 'el'ch Jesús 'a sti a', 'ix jaw jun win 'aj chon̈b' chi 'a 'a. Caw 'ayx tiempo 'ochnc jun tzo'n̈ demonio 'a winac, yuj cha, may xon jac spichl win tzya'chi. Toxn matz nib'j xon win tz'aj 'a yol junc n̈a, an̈j 'a 'aj mucn eb' chamnac, an̈jta 'ayc' winac.

Lc 8:42

Yujto a jun c'otn̈ yisl winac, caw tzchami, caw jab'xoj pitzan. 'Aym slajchwilc ab'il sq'uinl jun yisl cha. Ax yic x'at Jesús yet' winac, til wal 'anma x'at pax yet'oc. Caw witz'n s'at b'uyb'noc eb' yet'oc.

Lc 8:44

Yuj cha, xjaw 'ix 'a spatquil Jesús. Stzayn 'och 'ix sc'ab' 'a sti spichl Jesús, yajn̈j wal cha, x'och wan a yel 'a 'ix.

Jn 9:1

Ax 'a jun 'el, yic wan sb'ey Jesús yet' eb' scuywum, 'ix yiln eb' jun winc matz uj xon yilni.

Jn 9:21

Palta man̈ cojcoc on̈, tasm x'aj sjacw yol sat tic. Man̈ cojcoc pax on̈, machm 'ix jacn 'a 'a. 'In 'ayx sq'uinl winac, ¿tas yuj man̈oc 'a win tze c'anb'j eyab'i'? A win 'oj stac' yaln 'ayex, tas x'aj sjacw yol sat tic, xchi eb'.

A Tas Sc'ulejnac Eb' Schecab' Jesús Hechos 3:2

'Ay jun winac, matz tac' sb'eyi, yaljb'en xoni. Junjn c'u, tzme'x coti, tzcan 'a sti yatut Dios 'a jun tzcuch Wach' Yilxi. Ata tzc'an win jac stumn 'a eb' tzc'och 'a yatut Dios cha.

A Tas Sc'ulejnac Eb' Schecab' Jesús Hechos 4:22

Ax win xb'o yoc yuj jun milagro cha, 'ec'b'al xo chawinc ab'il sq'uinl winac.