Lc 8:39 - Chuj San Sebastian Bible

³⁹ —Paxn̈ 'a atut, tzal-li jantcn̈ej tas 'ix b'o 'aych yuj Dios, xchi 'a winac. Yuj cha, x'at winac, c'uxn spucl win 'a jun chon̈b' cha, tastc 'ix sb'o Jesús 'a winac.

Chuj San Mateo Bible

³⁹ —Paxan̈ d'a a pat, ixic, al masanil tas ix sb'o Dios d'ayach, xchi Jesús d'a vin̈. Ix b'at vin̈, ix laj yalan vin̈ d'a masanil eb' anima tas ix utaj yuj Jesús.

Lc 8:39 Iomraidhean Croise

Salmos 66:16

E masnil ex to 'ay yel'ch Dios 'a e sat, cotn̈ec, 'oj wal eyab'i' tas wal tox 'ix sb'o 'ayin.

Mr 1:45

Palta ax yic 'ix 'at winac, 'ix syamn 'och win yaln 'eli, chajtl 'ix 'aj sb'oxi, c'uxn 'ix spucl yab'xil. Yuj cha, man̈xtzac stac' yoch Jesús 'a yol junc chon̈ab', yujto til wal mach tznib'j tzjaw 'a 'a; 'ix b'ey 'a 'aj may wal 'anma', palta xlaj cot eb' 'a junjn lugar, xjaw eb' 'a 'a.

Mr 5:18

Yic 'ix 'ochx Jesús 'a yol barco, ax win 'aj 'elnc ewin demonio cha, 'ix tew 'och win 'a Jesús sec toq'ue tz'atcn win yet'oc.

Mr 5:19

Palta xyaln 'ixtc 'a winac: —Paxn̈ 'a atut 'a 'aj 'ay eb' ecan, tzal 'ixtc 'a eb': Man̈ jantcoc tas 'ix sb'o Cajlil 'ayin, caw x'o'ch sc'ojl 'ayin, xa chi, xchi Jesús 'a winac.

Lc 8:38

Ax win 'aj 'elnc ewin demonio cha, 'ix tew 'och cob' win 'a Jesús, yujto tznib'j win tz'at yet'oc. Palta ma'ix chax 'at win yu'uj. 'Ix yaln 'a winac, to tzcan win 'a jun lugar cha.

Lc 8:40

Xlajw cha, 'ix meltzj pax Jesús 'a junx sc'axpil 'ec' sti. Yic 'ix c'ochx 'a junx sc'axpil a cha, caw tzaljc'ojlal schaj eb' 'anma smasnil, yujto caw tan̈b'il xon sc'ochx yuj eb'.

Jn 4:29

—'Ay jun winac, c'uxn yojtac tastc tzin b'o'o, yictax in cottch 'a yune'al. C'uxn xyal win 'ayn smasnil. Coyc wet'oc, 'at quilc nab'an. Tope laj to a jun Mesías, xchi 'ix 'a eb'.

Dt 10:21

Yujto cojn 'a sb'i 'aj wach' calnec qui wach' paxti', qui Diosalec wal yaji. Cujec til wal tas satjub'tac 'ix sch'ox 'ilxoc.

1 Ti 5:8

Toto 'ay eb' creyente matz colwj 'a smam snun, 'a smam yu'tac, yet' 'a eb' 'ay 'a yol yatut, may jac yel'ch scuynb'il Cristo 'a eb'. 'Ec'b'al xo stul eb' 'a yib'n̈ eb' man̈ creyenteoc xoni.