Lc 8:35 - Chuj San Sebastian Bible

³⁵ Yuj cha, x'at laj yilnc eb' 'anma', tas jun chi 'ix uj cha. Ax yic xjaw eb' 'a 'aj 'ayc' Jesús cha, 'ix yiln eb', to a win 'aj 'elnc ewin demonio cha, wocn 'ec' ta'. 'Ayx 'och spichul, caw wach'x sc'ojol. Yuj cha, xcaw xiw eb'.

Chuj San Mateo Bible

³⁵ Yuj chi' ix cot eb' anima yila' tas ix uji. Ayic ix c'och eb' b'aj ayec' Jesús, ix yilan eb' to ayec' jun vin̈ b'aj ix el juntzan̈ enemigo chi', c'ojanem vin̈ d'a yichan̈ Jesús. Ayxo och spichul vin̈, vach'xo spensar vin̈. Ix te xivb'at eb' yilani.

Lc 8:35 Iomraidhean Croise

Salmos 51:10

Ach in Diosal, a wal junc nab'en caw wach' a tzac' 'ayin. Tza'n 'a'tb'oc wespíritu sec yiclum in 'ayach.

Is 53:12

Yujn̈ej cha, ax ya'n Dios jun yopiso 'a scal eb' niwn yel'chi. 'Ay yaln yic yet' eb' x'a'n ganar owal, yujto 'ix ya'sb'a 'a yol sc'ab' chamel, 'icha tz'ajx 'och 'a yib'n̈ eb' maysch'olnil sb'eyb'al, 'ixta x'ajx 'och 'a yib'n̈ jun xo. Caw yel 'ix ya'cn 'och sb'a 'a yaln̈ smul smasnil 'anma', 'ix leslwi yuj eb', sec tz'ajx lajwc smul eb' cha.

Mt 4:24

C'uxn 'ix puccn 'el yab'xil 'a scal smasnil eb' 'aj Siria. Yuj cha, smasnil eb' ya'ay yuj tzann̈j yab'ilal, 'ix 'ijx cot eb' 'a 'a. An̈jtona yet' eb' tz'ixtx yuj ewin demonio yet' eb' tzcot owya 'a sjolom, yet' eb' sicb'nac 'eli, 'ix ya'n can b'oxc sc'ojl eb' smasnil.

Mr 5:15

Yic xjaw eb' 'a 'aj 'ayc' Jesús cha, 'ix yiln eb' a win 'aj 'elnc ewin demonio cha, wocn 'ec' win ta'. 'Ayx 'och spichul, caw wach'x sc'ojol, yuj cha, caw 'ix xiw eb'.

Lc 10:39

'Ay jun 'ix snul'j Marta cha, María sb'i. 'Ix 'em wocn 'ix 'a stz'ey yoc Jesús, yic tz'ab'xni 'ix 'a tas tzyala.

Lc 15:17

'Ixta to b'i'an, snan win 'ixtic: ¿Tas yuj 'ixtc tzwutj in b'a? Ticni caw 'ay eb' smajn in mam, caw tzyac' sobra tas tzc'ux eb'. An xo tic, wan wa'n cham in b'a yuj wejl 'a tic.

Lc 2:46

At 'a yoxl c'u 'ix 'ilchj yuj eb' 'a yamq'uil yatut Dios. Wocn 'ejm yet' eb' cuywjum 'a ley yic Moisés. Wan yab'xni 'a eb', tzc'anb'n pax jun tzo'n̈ tas 'a eb'.

Lc 8:27

Yic 'ix 'el'ch Jesús 'a sti a', 'ix jaw jun win 'aj chon̈b' chi 'a 'a. Caw 'ayx tiempo 'ochnc jun tzo'n̈ demonio 'a winac, yuj cha, may xon jac spichl win tzya'chi. Toxn matz nib'j xon win tz'aj 'a yol junc n̈a, an̈j 'a 'aj mucn eb' chamnac, an̈jta 'ayc' winac.

Lc 8:34

Ax eb' yilmal e no cha, xyiln eb' tas x'aj e no'. Yuj cha, caw xiw chan̈ eb', 'ix 'at eb' laj yal-l yab'xil jun chi 'a scal chon̈ab', yet' 'a najat.

A Tas Sc'ulejnac Eb' Schecab' Jesús Hechos 22:3

An tic, israel in eyet'oc. 'Aljnacn 'a chon̈b' Tarso, 'a yol yic Cilicia. Palta a 'a Jerusalén tic in q'uib' cha'an̈. Atn Gamaliel in cuyni. Caw in scuy wal 'a ley yic eb' qui mam quichmec si'mb'il. Caw tzwac' servil Dios 'a smasnil in c'ojol, 'icha tzeyutj e b'a e masnil ticnec.

1 Jn 3:8

A mach an̈ja sb'eylb'an maysch'olnil, an̈ja yic win diablo, yujto a win 'aj pitzwnac 'elt maysch'olnil cha. An̈jtona ticnec, an̈ja wan sb'on winac. Yuj wal cha, swulc' Yunnal Dios 'a yolyib'n̈q'uinl tic, wul ya'n lajwc tas tzb'o winac.