Lc 8:33 - Chuj San Sebastian Bible

³³ Yuj cha, x'el ewin demonio chi 'a win b'i'an, ax 'a e no chitm chi x'at 'ochx can ewinac. Yuj cha, x'at e no 'a sat pac'an, 'ix c'och e no 'a yojl a mar. Axta xjic'w cham e no smasnil.

Chuj San Mateo Bible

³³ Ix elcan juntzan̈ enemigo chi' d'a vin̈, ix b'atcan eb' d'a noc' chitam chi'. Axo noc' chitam chi' ix b'at noc' d'a jun chaan̈, ix emc'och noc' d'a yol a' n̈ajab', ix sjic' a' noc', ix cham noc'.

Lc 8:33 Iomraidhean Croise

Mt 8:32

'Ixquec 'an, xchi 'a ewinac. —Yuj cha, x'el ewin demonio chi 'a eb' chawn̈ cha, ax 'a e no chitm chi x'at 'ochx can ewinac. Yajn̈j wal cha, x'at e no 'elc smasnil yuj ewinac, x'at e no 'a pac'an, masnto xc'och e no 'a yojl a mar. Ata xjic'w cham e no smasnil.

Lc 5:1

A 'a jun 'el, xc'och Jesús 'a sti a mar yic Genesaret. Til wal 'anma 'ix syam sb'a. Caw witz'n x'ajch eb' 'a 'a, yujto tznib'j eb' tzyab' spaxti Dios.

Lc 8:32

Ax 'a spa'nil q'ue jun witz 'aj 'ayc' eb' cha, 'ay nan̈l no chitm wan swa ta'. Yuj cha, 'ix tew 'och ewin demonio chi 'a Jesús, to tz'ajx can 'at ewin 'a e no chitm cha. Ax Jesús, xchan sc'ojl yochcn ewin demonio chi 'a e no'.

Lc 8:34

Ax eb' yilmal e no cha, xyiln eb' tas x'aj e no'. Yuj cha, caw xiw chan̈ eb', 'ix 'at eb' laj yal-l yab'xil jun chi 'a scal chon̈ab', yet' 'a najat.

Jn 8:44

Ax tic, a jun e mam, atn win diablo. Yuj cha, an̈j 'a win tzeya'ch e nab'en. An̈j tas tznib'j winac, an̈j tze b'o'o. Yictax sb'o yolyib'n̈q'uinl tic, ma'm cham 'anma xon win ta'. May jac yel'ch junc tas yel 'a winac, yujto may junc yel tzyal winac. A yic tzya'n win junc 'es, a 'a snab'en win tzcoti, yujto caw 'a'm 'es winac. A 'a winac, ata tzpitzw 'el smasnil 'es.

A Sb'ab'el Carta San Pedro 5:8

Caw lista tzcutjec qui b'a, macwjcoyec. Yujto 'icha junc no león tz'el yaw, tz'ec' saync 'ec' junc mach tzyac' lajwoc, 'ixta yec' jun 'ajc'ojl yajch 'ayn̈ec, atn win diablo.

Apoc 9:11

Ax 'a jun xab' oln cha, ata xq'uet jun ángel syajlil e no'. A jun cha, Abadón sb'i 'a hebreo, ax 'a griego, Apolión sb'i. Tzyal 'el'chi, a tz'a'n 'ixtxoc.