Lc 8:3 - Chuj San Sebastian Bible

³ Ajun pax 'ix Juana yistzil Chuza, atn win tz'iln smunljel win rey Herodes. An̈jtona', ajun pax 'ix Susana, yet' nan̈l xo eb' 'ix xcolwj yet' tas 'ay 'a eb'.

Chuj San Mateo Bible

³ Ay pax junxo ix scuchan Juana yetb'eyum vin̈aj Chuza, aton vin̈ smayordomo vin̈aj Herodes. Ay junxo ix scuchan Susana yed' juntzan̈xo eb' ix. Ix colvaj eb' ix d'a Jesús yed' jab'oc tastac ay d'a eb' ix.

Lc 8:3 Iomraidhean Croise

1 Cr 29:14

Wal yel, an tic yet' eb' wit chon̈b' tic, caw may jac tas tztac' tzqui siyj 'ayach, yujto smasnil jun tzo'n̈ tic a 'aych tzcoti. Yuj cha, cojn tas tzqui chaj 'ayach, a tzcac' pax 'ayach.

Is 23:18

Palta a jantc tas 'oj yac' ganar eb', 'oj 'ochcn yico'oc Jehová, may tas ton̈j 'oj molxoc, to 'oj 'ajxoc 'a eb' tz'a'n servil Jehová, yic wach' niwn tas tzman eb' sc'uxu', tzmann pax eb' spichl to caw wal wach'.

Mt 14:1

A 'a jun tiempoal cha, xyab' win rey Herodes speclal Jesús.

Mt 14:3

'Ixta xyutj win yalni, yujto chamnc xo Juan chi yu'uj. 'Ixtc 'ajnc scham yu'uj. 'Ay jun yu'tac Herodes cha, Felipe sb'i. Herodías sb'i 'ix yistl Felipe cha. Ax win Herodes chi xmontn 'el 'ix yistl Felipe cha. Ax Juan x'at alnc 'ixtc 'a win Herodes cha: —Caw may sleyl tza montj 'el jun 'ix tic, xchi 'a winac. Yuj cha, xya'n 'ix Herodías chi sc'ojloc win Herodes cha. 'Ix ya'n win yamchjoc Juan cha, 'ix 'och 'a preso, x'och q'uen cadena 'a 'a.

Mt 14:6

Ax yic x'och jun q'uin̈ yic yab'lil win Herodes cha, 'ix yawtn cot jun tzo'n̈ winac. Ax 'ix yune 'ix Herodías cha, xc'och 'ix 'a yojltac ewinac, 'ix ya'n 'ix chan̈al. Caw wach' yec' 'ix xyil win Herodes cha.

Mt 2:11

Yajn̈j wal cha, 'ix 'och eb' 'a yol jun n̈a cha, 'ix yiln eb' jun 'unn chi yet' snun, atn María. 'Ix 'em cumn eb' 'a jun 'unn cha, 'ix ya'n 'ejm sb'a eb' 'a 'a. Xlajw cha, 'ix sjacn eb' jun tzo'n̈ scaxa 'aj 'ay 'em jun tzo'n̈ siylab'. 'Ix siyn eb' oro 'a jun 'unn cha, 'ix siyn pax eb' jun tzo'n̈ te su'q'ui sjab' tzn̈usxi, atn incienso yet' te mirra.

Mt 20:8

Ax 'a sq'uic'b'alil, xyaln win 'aj munljel chi 'ixtc 'a jun scaporal: 'Awtj cot eb' in majn cha, tza'n stojl eb'. A eb' slajb' xo x'och munljel, a eb' tza b'ab'l 'a'j stojol. Ax eb' xb'ab'l 'ochi, slajb' xo tzac' stojl eb', xchi winac.

Mt 25:40

'Ixta to b'i'an, ax waln 'ixtc 'a eb': Wal yel tzwal 'ayex, yic e b'on jun tzo'n̈ tic 'a eb' wico', wach'xam 'a eb' may yel'chi, tzyal 'el'chi, a 'ayn e b'ojnac jun tzo'n̈ cha, 'oj in chic 'a eb'.

Mt 26:11

A eb' meb'a xeyal cha, 'ayc'n̈ej eb' eyet'oc, palta an xo tic, man̈ in 'ayc 'ec'n̈ej eyet'oc.

Mt 27:55

'Ay pax jun tzo'n̈ eb' 'ix 'ix 'ayc' 'a najttac, wan yiln 'at eb', a eb' 'ix cha, b'eync 'ec' eb' yet' Jesús yic 'ayc' 'a Galilea. Ax yic scoti, scot pax eb' yet'oc yic tzya'n servil eb'.

Lc 24:10

A eb' x'at alnc yab'xil jun tzo'n̈ cha, atn María Magdalena, Juana, yet' junx María atn snun Jacobo. 'Ay pax jun tzo'n̈ xo eb' 'ix ajun yet' eb'.

Jn 12:6

Palta yes winac. Matz na win jac eb' meb'a cha, yujto a win molm tumn yaji. Yuj cha, a win tzcob' nib'nc molnc stojl cha, sec tzyij can 'el win jac yic 'a 'a, yujto toxn 'elc'm xon winac.

A Tas Sc'ulejnac Eb' Schecab' Jesús Hechos 13:1

A 'a scal eb' creyente 'a chon̈b' Antioquía, ata 'ay jun tzo'n̈ eb' tzyac' Dios yal-l spaxti', 'ayc' pax jun tzo'n̈ eb' cuywjum: atn Bernabé, yet' Simón tzcuch pax Niger, Lucio 'aj chon̈b' Cirene, Saulo, yet' pax Manaén, atn jun q'uib'nc chan̈ yet' win Herodes, win ya'jnac yajil 'a Galilea.

2 Co 8:9

Yujto cojquec, a Cajlil Jesucristo, caw niwn swach'c'ojlal. Til wal sricoal 'a satcha'an̈, palta wul ya'jnac 'och sb'a meb'a'il, yuj schamc'ojlal 'ayn̈ec, 'ixta yutjnac sb'a, sec wach' yuj smeb'a'il cha, ax cochc ricoal 'a sat Dios.

A Scarta San Pablo D'a Eb' Aj Filipos 4:22

An̈jtona', jantcn̈ej eb' yic xo Dios 'a tic, yet' eb' creyente tzmunlj 'a win yajl 'a Roma tic, tic tzya't pax eb' stzatzl e c'ojol.

1 Ti 5:10

Cojn eb' checl yaj 'a sat eb' yit creyenteal, eb' wach' sb'eyb'al. Cojn eb' wach' tzyutj sq'uib'tzan yune', eb' 'ela tzyutj sb'a 'a eb' tzlaj 'ec' 'a 'a. Cojn eb' tz'a'n servil eb' yit creyenteal 'a 'emmquilal, eb' tz'o'ch sc'ojl 'a eb' 'aych 'a syailal, eb' wach'n̈j tzyutj sb'a 'a smasnil tiempo. Cojn eb' tic tztac' yoch scuentaoc iglesia.