Lc 8:22 - Chuj San Sebastian Bible

²² A 'a jun 'el, 'ix 'och Jesús 'a yol barco yet' eb' scuywum, 'ix yaln 'a eb' 'ixtic: —Coyc 'a sc'axpil 'ec' a', xchi 'a eb'. Yuj cha, x'at eb'.

Chuj San Mateo Bible

²² D'a junel ix och Jesús d'a yol jun barco yed' eb' sc'ayb'um, ix yalan d'a eb': —Coyec d'a sc'axepal a' n̈ajab' tic, xchi. Ix b'at eb' b'ian.

Lc 8:22 Iomraidhean Croise

Mt 14:22

Xlajw xoj cha, xyaln Jesús 'a eb' scuywum, to tz'ochx eb' 'a yojl te barco cha, sec tzb'ab'l c'axw can pax 'ec' eb' 'a a a cha. Ax Jesús 'ix can to yic tzyaln can sb'a 'a eb' 'anma cha.

Mt 8:18

Ax 'a jun 'el, xyiln Jesús, til wal 'anma xlaj c'och oyn 'a 'a, yuj cha, xyaln 'ixtc 'a eb' scuywum: —Coyc 'a junx sc'axpil 'ec' a', xchi 'a eb'.

Mr 5:21

Xlajw cha, 'ix paxx 'ec' Jesús 'a junx sc'axpil 'ec' a a 'aj 'ix coti. Ax yic 'ix c'ochx 'a sti a cha, til wal 'anma 'ix syam sb'a ta'.

Mr 6:45

Xlajw cha, xyaln Jesús 'a eb' scuywum to tz'ochx eb' 'a yojl te barco, sec tzb'ab'l c'axw can pax 'ec' eb' 'a junx sc'axpil 'ec' a a cha, 'ix c'och eb' 'a chon̈b' Betsaida. Ax Jesús 'ix cani, yic tzyaln can sb'a eb' 'anma cha.

Mr 8:13

Xlajw cha, xyactn can Jesús ewin fariseo cha, 'ix 'ochx 'a yojl te barco jun 'ejm xo yet' eb' scuywum, 'ix c'axw 'ec' eb' 'a junx sc'axpil 'ec' a'.

Lc 5:1

A 'a jun 'el, xc'och Jesús 'a sti a mar yic Genesaret. Til wal 'anma 'ix syam sb'a. Caw witz'n x'ajch eb' 'a 'a, yujto tznib'j eb' tzyab' spaxti Dios.

Lc 8:23

Ax yic wan sb'ey eb' 'ix way Jesús. Palta jun 'ipn̈ej wal cha, 'ix jaw jun 'ic' caw ow. 'Ix yutz'n chan̈ a', x'och chel-loc a 'a yojl te', 'ijn wal xcaw 'at te 'a yich a'.

Lc 8:33

Yuj cha, x'el ewin demonio chi 'a win b'i'an, ax 'a e no chitm chi x'at 'ochx can ewinac. Yuj cha, x'at e no 'a sat pac'an, 'ix c'och e no 'a yojl a mar. Axta xjic'w cham e no smasnil.

Jn 6:1

Xlajw cha, 'ix 'at Jesús, 'ix c'ochx 'a junx sc'axpil 'ec' sti a mar yic Galilea. A jun a cha, Tiberias pax sb'i.

A Tas Sc'ulejnac Eb' Schecab' Jesús Hechos 27:2

An Lucas in tic, 'atnc in yet' Pablo. On̈ 'och 'a yol jun barco yic chon̈b' Adramitio. A te barco cha, 'e'nc te 'a junjn lugar 'a stitc yic Asia. S'at pax Aristarco quet' on̈. A jun winc cha, 'aj chon̈b' Tesalónica 'a yol yic Macedonia.