Lc 7:29 - Chuj San Sebastian Bible

²⁹ A eb' comn 'anma', yet' eb' tecm 'el tumin, yic xyab'n eb' tas 'ix yal Juan, 'ix sch'oxl eb' to caw tojl Dios, yujto xyac' eb' 'ajxc bautisar sb'a yuj Juan cha.

Chuj San Mateo Bible

²⁹ A eb' anima smasanil yed' eb' tecumel alcabar, ayic ix yab'an eb' tas ix yal Jesús, ix yalan eb' to te yel syal Dios, yujto ac'b'il bautizar eb' yuj vin̈aj Juan chi'.

Lc 7:29 Iomraidhean Croise

Salmos 51:4

Caw 'ix 'och wal in mul 'ayach, 'ix in b'o tas tu 'a a sat. Yuj cha, smoj wal in a b'eyc'ojlani, matz tac' yalx tu paxti 'aych yuj jun a b'eyc'ojlal cha.

Mt 5:46

Toto cojn eb' 'ay schamc'ojlal 'ayx tze chamc'ojlej, ¿tom 'oj e cha spac jun chi tze na'a? An̈jtona ewin tecm 'el tumin, 'in 'ixta pax tzyutj sb'a ewinac.

Lc 20:6

Palta toto tzcalec to yicn̈ej 'anma yopiso winac, caw 'oj cot yowl eb' 'anma smasnil, ax on̈ sjuln cham eb' yet' q'uen q'ue'en. Yujto a win Juan cha, caw schecb' Dios snan eb' smasnil, xchi ewinac.

Lc 3:12

'Ay pax jaywn̈ eb' tecm 'el tumin, 'ix c'och eb' 'a Juan cha, yic tzya'n 'ajxc bautisar sb'a eb' yu'uj. 'Ix sc'anb'n eb' 'ixtc 'a 'a: —Ach qui cuymal on̈, ¿tas tzcutj qui b'eyb'al on̈? xchi eb' 'a 'a.

Lc 7:28

An tzwal 'ayex, a 'a scal eb' 'anma 'a yolyib'n̈q'uinl tic, may junc mach 'ec'b'al yel'ch 'a yib'n̈ Juan Bautista cha. Palta ax eb' 'aych 'a yol sc'ab' Dios, wach'xam eb' caw may yel'chi, yel xo wal 'ec'b'al swach'l yic eb' 'a yib'n̈ yic Juan cha.

Lc 7:35

Palta a eb' 'ay sjelnal Dios 'a 'a, tzcheclj 'el sjelnal eb' chi yuj tastc tzb'o'o, xchi Jesús 'a eb'.

A Tas Sc'ulejnac Eb' Schecab' Jesús Hechos 18:25

Caw wal cuywnac 'a b'eyb'al yic Cajlil. Caw wach' xyutj yaln el wach' 'ab'x 'a smasnil sc'ojol. Tojl xyutj yaln 'el yab'xil Jesús. Yiptzil to 'ayt wal palta scuychj 'el scuynb'il Jesucristo yu'uj, cojn jun tzo'n̈ scuynb'il Juan Bautista yojtac.

A Tas Sc'ulejnac Eb' Schecab' Jesús Hechos 19:3

—Palta a yic eya'n 'ajxc bautisar e b'a, ¿tas yaj jun bautismo chi e chajnac? xchi 'a eb'. —Tolab' a jun bautismo yic Juan qui chajnac on̈, xchi eb' 'a 'a.

Ro 10:3

Man̈ yojcoc eb' tas tz'aj eb' yoch wach'l 'a sat Dios. Tznib'j eb' to mun tzya'ch sb'a eb' wach'l 'a sat. Yuj cha, matz chaj 'och wach'l sb'a eb' 'a sat Dios 'a 'icha tznib'ej.

Apoc 15:3

'Ix sb'itnan eb' sb'it Moisés, atn jun schecb' Dios. 'Ix sb'itnan pax eb' sb'it jun tzcuch Calnelu. Xchi jun b'it chi 'ixtic: Mamin, ach qui Diosal, smasnil tas tztac' o'oj. Caw niwn yel'ch jantcn̈ej tas xa b'o'o, xcaw sat qui c'ojl quiln on̈. Caw yel, tojln̈ej a b'eyb'al, sReyl ach junjn nacion̈.

Apoc 16:5

Ax xwab'ni, a jun ángel 'aych syajlilc a a cha, xyaln 'ixtic: —Mamin, ach Dios, cojxn ach wach' ach. 'Aych 'ec' ticnec, 'aych 'ec'n̈ej yictax pecti'. Caw tojl xotj a b'eyc'ojlan eb' yet' jun xa b'o tic.

Jueces 1:7

Yuj cha, xyaln Adoni-bezec 'ixtic: A 'a yic yaln̈taxi, in tzu'jnac 'el snun sc'ab' yet' snun yoc 70 eb' rey, x'och eb' sic' sc'ajl schib'l woch 'a yaln̈ in mexa. 'Icha wal wutjnac eb' rey cha, 'ixta wal xyutj Dios ya'n spac 'ayn ticnec, xchi. Xlajw cha, xyi'n 'at eb' 'a Jerusalén, axta xchami.