Lc 7:25 - Chuj San Sebastian Bible

²⁵ ¿Tas xit' eyiljnac jun? ¿Tom a junc winc caw wach' yaj yet' spichl xit' eyiljnac? 'In eyojtac a eb' caw wach' yaj yet' spichl cha, yet' eb' til wal tas 'ay 'a 'a, a 'a yol yatut eb' rey ata 'ayc' eb'.

Chuj San Mateo Bible

²⁵ Tato malaj jun, ¿tas xid' eyilnac? ¿Mato a junoc anima te vach' spichul xid' eyilnac? Cojtac to a eb' vach' spichul chi' yed' eb' syac' sgana, ayec' eb' d'a spat eb' vin̈ yajal.

Lc 7:25 Iomraidhean Croise

A Ch'an̈ Schab'l Libro Samuel 19:35

'Ayx 80 ab'il in q'uinl ticnec; man̈xtzac wab' schiloc tas tzqui c'uxu, yet' tas tzcuq'uej, man̈xtzac tztac' wilni toto wach' mto ma'ay. An̈jtona', man̈xtzac stac' wab'n sb'itn ewin tzb'itni yet' eb' 'ix tzb'itni. Nab'a xoj tzin 'och stz'acb'oc eb' tzac' servil mamin rey.

A Ch'an̈ Schab'il Libro Yic Yab'ixal Eb' Rey 1:8

—A jun winc cha, 'aych jun spichl to patztac xil sat, 'aych pax jun tz'um jal-l 'a snan̈al, xchi eb'. —A jun winc cha, atn Elías 'aj Tisbe, xchi win rey cha.

Ester 1:11

yic tz'at yi'nc cot ewin 'ix reina Vasti 'a yojltac win rey. Tznib'j win to tzjaw 'ix yet' scorona to caw tzwetzwni, yic tzch'oxn pax 'el 'ix swach'l yilx 'a sat smasnil eb' 'anma', yet' 'a sat smasnil eb' niwc yajal, yujto caw wal wach' yilx 'ix.

Ester 1:3

A yic stz'acw yoxl ab'il yoch win Asuero chi reyal, 'ix ya'n 'och win jun niwn wa'el, yet' jun niwquil q'uin̈ yet' smasnil ewin niwc yajal, ewin 'ay yopiso yet' winac, eb' syajlil eb' soldado 'aj Persia, yet' eb' 'aj Media; eb' gobernador, yet' pax eb' yajl yaj 'a junjn niwc chon̈b' cha.

Ester 4:2

Ax yic xc'och 'a spuertail 'aj 'ay yatut win rey, ma'ix 'och 'a yojol, yujto matz chax 'och junc mach to 'aych pichl yic cusc'ojlal yu'uj.

Ester 5:1

Ax yic xlajw 'oxe c'u cha, sb'on sb'a Ester yet' spichul, xya'n 'och spichl yic sreinail. Xlajw cha, xc'och 'ix 'a yamq'uil yatut win rey 'a stojlal 'elt spuertail yet'l win 'aj wocn 'elt 'a sdespacho.

Ester 8:15

A yic x'elt win Mardoqueo 'a yol despacho, 'aych spichl yic yopiso yu'uj, q'uic'mucnac yet' sac, 'icha yic eb' rey. 'Ay q'ue jun niwquil corona nab'a oro 'a sjolom, 'aych pax junx spichl nab'a lino, chacmucnac yilxi. A yic cha, smasnil eb' 'anma cajn 'a yol chon̈b' Susa, caw 'ix 'awj chan̈ eb' yuj tzaljc'ojlal.

Is 59:17

A stojlal cha, 'icha smacl sn̈i sc'ojl eb' soldado tz'at 'a 'owal, 'ixta yajch 'a 'a, ax colnb'il tzyac' 'a eb' 'anma', 'icha q'uen xumpilin, 'ixta yaj q'ue 'a sjolom. 'Icha spichl eb' soldado yic owal, 'ixta yowl sc'ojl 'oj yac' spacc 'a eb' 'ajc'ojl tz'ixtn eb' 'anma cha.

Mt 11:8

¿Tas xit' eyiljnac jun? ¿Tom a junc winc caw wach' yaj yet' spichl xit' eyiljnac? 'In a eb' caw wach' yaj yet' spichl cha, a 'a yol yatut eb' rey 'ayc' eb'.

Mt 3:4

A Juan cha, a xil no cameyo 'aych spichloc, ax sjalul tz'u'um. A jun tzo'n̈ noc' 'icha b'ojch'in a tzchi'a; ax no calte'al yal chab' tzyuq'uej.

Mt 6:29

Palta tzwal 'ayex, a 'e'nc win rey Salomón, wach'xam man̈ jantcoc swach'l yilx yet' spichul, palta ma'ix tza'wni yilx 'icha jun tzo'n̈ nichte cha.

Lc 16:19

A 'a jun 'el, 'ay jun winc caw rico, caw wach' yaj yet' jun tzo'n̈ spichl caw chan̈ stojol. Ax 'a junjn c'u til wal tas caw wach' tzc'ux winac, tzcot ch'ucn 'a yojltac.

Lc 7:24

Xlajw xoj spax eb', 'ix yaln Jesús 'ixtc 'a eb' 'anma yuj Juan cha: Nac coti, tas xit' eyiljnac 'a cusltac lu'um. ¿Tom a junc te 'aj tz'ib'x yuj 'ic' xit' eyiljnac?

Lc 7:26

Toto 'ixta', ¿tas xit' eyiljnac pax jun? ¿Am jun yalmal 'el spaxti Dios xit' eyiljnac? Atn ton jun cha. Palta a Juan cha, man̈ cojnoc yalmal 'el spaxti Dios.