Lc 7:24 - Chuj San Sebastian Bible

²⁴ Xlajw xoj spax eb', 'ix yaln Jesús 'ixtc 'a eb' 'anma yuj Juan cha: Nac coti, tas xit' eyiljnac 'a cusltac lu'um. ¿Tom a junc te 'aj tz'ib'x yuj 'ic' xit' eyiljnac?

Chuj San Mateo Bible

²⁴ Ayic toxo ix pax eb' schecab' vin̈aj Juan chi', ix och ijan Jesús yalan d'a eb' anima yuj vin̈: —¿Tas xid' eyilnac d'a tz'inan luum? ¿Tom a junoc te' aj tz'ib'xi yuj ic' xid' eyilnac?

Lc 7:24 Iomraidhean Croise

Gn 49:4

Ax ticnec, man̈x 'a yel'ch 'oj aj 'el'chi, yujto lajn ach 'icha a 'elmal a', q'uixweltac xotj in waynub', yujto ach way yet' 'ix in chab'l 'istzil.

Lc 1:80

Ax jun 'unn cha, 'ix q'uib'i, x'och snab'en, 'ix c'och cajn 'a cusltac lu'um, masnto xc'och sc'ual, yic sch'oxn 'el sb'a 'a eb' yit israelal.

Lc 3:2

A 'a jun tiempoal cha, 'aych win Anás yet' win Caifás sat ya'malc 'och sti eb' israel 'a Dios.

Lc 7:23

A eb' matz somchj 'el snab'en wu'uj, caw wach' yic eb'. 'Ixta tzeyutj eyaln 'a Juan chi e c'ochi, xchi Jesús 'a eb'.

Lc 7:25

¿Tas xit' eyiljnac jun? ¿Tom a junc winc caw wach' yaj yet' spichl xit' eyiljnac? 'In eyojtac a eb' caw wach' yaj yet' spichl cha, yet' eb' til wal tas 'ay 'a 'a, a 'a yol yatut eb' rey ata 'ayc' eb'.

Jn 1:23

Yuj cha, 'ix yaln pax 'a eb' 'ixtic: —An tic, tzin 'awj 'a cusltac lu'um, tzwaln 'ixtic: B'oc junc sb'e Cajlil, caw tojl tzeyutj e b'on 'a 'a, xin chi. Yujto 'ixta yaj stz'ib'x can wab'xil yuj Isaías, atn jun schecb' Dios 'a pecti', xchi 'a eb'.

Ef 4:14

Yujto tznib'ej, man̈xtoc lajn on̈ 'icha eb' 'unn c'un somchj snab'en. A ticnec, 'ay eb' lajn 'icha junc barco ton̈j tz'eytz'n 'ec' yuj 'ic', yujto ton̈j tzsomchj snab'en eb' yuj jun tzo'n̈ chuc cuynb'ilal tzalx 'a eb'. Ton̈j tz'ixtx paxti eb' yuj jun tzo'n̈ eb' jeln ya'n 'es. A eb' cha, tznib'j eb' tzon̈ yij 'at 'a junc comn b'eyb'al.

A Schab'il Carta San Pedro 2:17

A eb' 'a'm 'es 'a qui calc tic, 'icha junc spac'b'a tupnc xo, 'ixta eb'. An̈jtona', 'icha junc 'asn ton̈j tzb'eyc' yuj 'ic', 'ixta pax eb'. Yowlal 'oj 'atcn eb' 'a 'aj caw q'uic'q'uinal. Ata 'oj can eb' 'a jun 'ejmn̈ej.

A Schab'il Carta San Pedro 3:17

Ax xo ex chamc'ojlb'il wu'uj, 'aycto xeyab'ni tastc 'oj jawoc, yuj cha, caw tzeyil wal e b'a 'a eb' maysch'olnil xwal tic, sec ma'oj e somchj 'el yuj jun tzo'n̈ chuc cuynb'ilal cha. Toto ma'ay, caw 'oj juwc e nab'en, ax sat 'ejm e te'nal.