Lc 7:16 - Chuj San Sebastian Bible

¹⁶ Yic 'ix yiln eb' 'anma chi jun cha, caw 'ix xiw chan̈ eb' smasnil. 'Ix laj yalnc eb' wach' paxti 'ixtc 'a Dios. —'Ay jun schecb' Dios 'ix checlj 'el 'a qui calc tic, caw niwn yel'chi, xchi eb'. 'Ix laj yalnc pax eb' 'ixtic: —Caw 'ix jaw Dios colwjoc 'ayn̈ an̈ schon̈b' on̈ec tic, xchi eb'.

Chuj San Mateo Bible

¹⁶ Ayic ix yilan jun chi' eb', ix xivq'ue eb', ix och ijan eb' yalan vach' lolonel d'a Dios, ix yalan eb': —Ay jun schecab' Dios ix checlaj d'a co cal tic, te nivan yelc'ochi, xchi eb'. Ix yalanpax eb': —Ix ja Dios on̈ scol a on̈ schon̈ab' on̈ tic, xchi eb'.

Lc 7:16 Iomraidhean Croise

Salmos 65:9

Ach 'aych 'och eln sat lum lum tic, tza'n cot n̈ab' 'a yib'n̈ lu'um. Tza'n q'uib' tas 'ay 'a sat, yet' a a tz'el yoctac, atn a tz'a'n q'uib' 'ixm trigo. 'Ixta wal tzotj a b'on lum lum ach qui Diosal on̈.

Ex 4:31

A yic xyab'n eb' chon̈b' chi tas xyal eb' chawn̈ cha, 'ix ya'n 'och eb' 'anma chi 'a sc'ojol, chajtlto 'ix 'ilx cot eb' yuj Dios, yujto caw 'oltac tz'aj eb' 'a 'aj 'ayc' cha. Yuj cha, 'ix 'em n̈ojn eb', xya'n 'ejm sb'a eb' 'a Dios.

Jeremías 33:9

A Jerusalén tic, caw 'oj tzaljc in c'ojl yu'uj, 'oj wac' junc'ojlal 'a 'a. A wal yic 'oj yab'nc smasnil eb' nacion̈ yuj tas niwn yel'ch 'oj in b'o 'a 'a, caw 'oj yal eb' wach' paxti 'ayin, ax in sb'inan eb' si'mb'il. Palta caw 'oj satcn sc'ojl eb', 'oj 'ib'xoc eb' yuj xiwlal, yic 'oj yilnc eb', xchi Dios.

Mt 15:31

A eb' matz uj spaxtini, 'ix paxtin eb'. Ax eb' wecchjnac, 'ix b'ox can eb'. A eb' coxo, tztac' xo sb'ey eb'. An̈jtona yet' eb' matz uj yilni, xjacw sat eb'. Yic 'ix yiln eb' 'anma chi jun tzo'n̈ cha, caw sat sc'ojl eb'. 'Ix yaln eb' wach' paxti 'a Dios.

Mt 21:11

'Ay eb' xalni: —Atn Jesús 'aj Nazaret 'a yol yic Galilea, atn jun schecb' Dios tic, xchi eb'.

Mt 28:8

Yajn̈j wal cha, xyactn can eb' 'ix jun q'uen cha, caw xiw eb' 'ix, palta caw xtzalj pax eb'. Yuj cha, carela x'at eb' yal 'a eb' scuywum Jesús.

Mt 9:8

A yic xyiln eb' 'anma jun cha, caw 'ix xiw eb'. 'Ix laj yalnc eb' wach' paxti 'a Dios, yujto caw niwn spoder 'ix yac' 'a jun mach 'a scal eb' cha.

Lc 1:65

Yuj cha, caw sat sc'ojl jantcn̈ej eb' 'ay 'a stz'ey. C'uxn 'ix pucl speclal jun chi 'a eb' lum jolmctac witz yic Judea cha.

Lc 1:68

Calc wach' paxti 'a Cajlil, atn 'a qui Diosalec an̈ israel on̈c tic, yujto xjaw 'ayn̈ an̈ schon̈b' on̈c tic, yic tzon̈ scolnec 'eli.

Lc 19:44

C'uxn 'oj smac' 'ejm lan̈chjoc eb' jun chon̈b' tic 'a sat lu'um. Ax smilx cham eb' 'anma yuj eb'. A q'uen q'uen tusb'il 'och 'a jun tzo'n̈ n̈a 'a jun chon̈b' tic, toxn man̈x 'a junc 'oj can 'a yib'n̈ yit q'uenal cha. 'Ixta 'oj 'ajcni, yujto a 'a jun tiempoal tic, 'ix snib'j Dios tzch'ox swach'c'ojlal 'ayex, palta matz nachj 'el eyu'uj, xchi Jesús.

Lc 2:20

Ax eb' waymtam calnelu cha, xpax eb'. 'Ix yaln eb' wach' paxti 'a Dios. Xya'n eb' yuj diosal 'a 'a, yuj tastc 'ix yab' eb', 'ix yil eb', yujto x'el'ch smasnil tas 'icha xalx 'a eb' cha.

Lc 24:19

—¿Tas jun tzo'n̈ 'ix uj chi ta jun? xchi 'a eb'. —'Ay jun 'aj Nazaret Jesús sb'i, caw schecb' Dios. A 'a sat Dios, yet' 'a sat eb' 'anma smasnil, caw niwn yel'ch tas 'ix sb'o'o, yet' tas 'ix yala.

Lc 5:26

Yuj cha, caw 'ix sat sc'ojl smasnil eb' 'ayc' ta'. 'Ix laj yalnc eb' wach' paxti 'a Dios, caw 'ix xiw pax eb'. 'Ix laj yalnc eb' 'ixtic: —A jun tzo'n̈ tas xquilc 'a jun c'u tic, mant 'a xon 'aj tzquilc 'ixta', xchi eb'.

Lc 5:8

Yic 'ix yiln Simón Pedro jun cha, 'ix 'em cumn 'a yojltac Jesús, 'ix yaln 'ixtic: —Mamin, mamtzac ej 'el a b'a 'a in tz'ey, yujto an tic caw 'ajmul in, xchi.

Lc 7:15

Ax win chamnc cha, 'ix q'ue wocnjoc winac. 'Ix syamn 'och win spaxtini. Ax Jesús 'ix 'a'n pax win 'a snun.

Lc 7:39

Ax yic xyiln win fariseo chi jun cha, snan win 'ixtic: Toto yel schecb' Dios jun winc tic, to 'ixta', xnachj 'el yuj winac, mach jun 'ix tic tzyamn yoc. Xnachj pax 'el am yuj winac, tas yaj 'ix, yujto caw tu sb'eyb'al 'ix, xchi win yet' snab'en.

Lc 8:37

Ax eb' 'anma smasnil 'a yol yic Gerasa cha, 'ix tew 'och eb' 'a Jesús, sec tz'el 'a yol slugar eb', yujto caw tzxiw eb' yu'uj, yuj cha, x'ochx 'a yol barco yic tzpaxi.

Lc 9:19

—'Ay eb' tzalni tolab' Juan Bautista ach, 'ay pax eb' tzalni tolab' Elías ach. An̈jtona', 'ay pax eb' tzalni tolab' a junc schecb' Dios 'e'nc pecti', a pitzwnac pax 'a scal eb' chamnac, xchi eb' scuywum cha.

Jn 1:21

'Ix sc'anb'n pax eb' 'ixtc 'a 'a: —¿Machch jun? ¿Mto ach Elías ach? xchi eb'. —Man̈ ino'oc, xchi. —¿Mto ach schecb' ach Dios tan̈b'ilch cuj on̈? xchi eb'. —Ma'ay, xchi 'a eb'.

Jn 1:25

'Ix sc'anb'n pax eb' 'ixtc 'a 'a: —¿Tas yuj tzac' bautisar eb' 'anma', toto man̈toc Cristo ach, man̈ ach Eliasoc, man̈ ach schecb'oc pax Dios? xchi eb' 'a 'a.

Jn 4:19

Xlajw yab'n 'ix jun tzo'n̈ cha, xyaln pax 'ix 'a 'ixtic: —Ach winac, schecb' ach Dios tzwab'i.

Jn 6:14

Ax eb' 'anma cha, c'uxn 'ix yil eb' jun milagro chi 'ix sch'ox Jesús. Yuj cha, xyaln eb' 'ixtic: —Atn jun schecb' Dios tic tan̈b'il xon sjaw 'a yolyib'n̈q'uinl tic, xchi eb'.

Jn 9:17

'Ix scha c'anb'n pax eb' 'ixtc 'a win xjacw sat cha: —Ach xo tic, ¿tas tza na yuj win xjacn a sat tic? xchi eb' 'a winac. —An tic, tzin na'a schecb' Dios yaji, xchi winac.

A Tas Sc'ulejnac Eb' Schecab' Jesús Hechos 5:5

Xlajwn̈ej yab'n win Ananías jun tzo'n̈ tic, 'ix telw 'ejm lan̈njoc. 'Ix chami. Ax jantcn̈ej eb' x'ab'n speclal jun tic, caw 'ix xiw chan̈ eb'.

A Tas Sc'ulejnac Eb' Schecab' Jesús Hechos 7:37

Atn Moisés chi 'ix aln 'ixtc 'a eb' quit israelalec cha: A Dios 'oj si'nc 'elt jun schecb' 'a scal eb' quit chon̈b'ec, 'icha in yutj in si'n 'elt an tic. [Caw tze chaj eyab' 'a 'a,] xchi 'a eb'.

Gl 1:24

Yuj cha, laj yalnc eb' wach' paxti 'a Dios wu'uj.

Dt 18:15

A Jehová qui Diosalec, 'oj sic' 'elt 'a e cal junc xo schecb' 'icha 'in tic; a jun cha, yowlal 'oj eyiclc tas 'oj yala'.